ເຕັກນິກຊ່ວຍກະຕຸ້ນຄວາມຄິດສ້າງສັນແບບງ່າຍໆ

ເຕັກນິກຊ່ວຍກະຕຸ້ນຄວາມຄິດສ້າງສັນແບບງ່າຍໆ - advert banner 728 90 728x90 - ເຕັກນິກຊ່ວຍກະຕຸ້ນຄວາມຄິດສ້າງສັນແບບງ່າຍໆ

     ຄວາມຄິດສ້າງສັນ ຫລື Creativity ນັ້ນມີປະໂຫຍດກັບເກືອບທຸກອາຊີບ ໂດຍສະເພາະແມ່ນຖ້າທ່ານເປັນນັກອອກແບບ ຫລື ຜູ້ປະກອບທຸລະກິດດ້ານການສ້າງສັນ ເພາະນອກຈາກທ່ານຈະຕ້ອງພັດທະນາຜະລິດຕະພັນ ຫລື ບໍລິການຮູບແບບໃໝ່ໆຂຶ້ນມາໄດ້ ແລ້ວ ທ່ານຍັງຈະຕ້ອງຄິດວິທີສື່ສານ ແລະ ນຳສະເໜີຄວາມຄິດນັ້ນໃຫ້ເຂົ້າເຖິງກຸ່ມເປົ້າໝາຍຂອງທ່ານນຳ.

    ແລ້ວເຮົາຈະກະຕຸ້ນຕ່ອມຄວາມຄິດສ້າງສັນແນວໃດ ? ເລື່ອງນີ້ເຄີຍມີຜູ້ສະເໜີທິດສະດີໄວ້ຫລວງຫລາຍແລ້ວ, ແຕ່ສ່ວນຫລາຍແລ້ວກໍມັກບອກໃຫ້ເຮົາອອກໄປຍ່າງເບິ່ງໂຕເມືອງ, ເບິ່ງຜູ້ຄົນ, ເບິ່ງວຽກງານສິລະປະ ຫລື ໃຫ້ປ່ຽນປະສົບການໄປທ່ອງທ່ຽວຍັງສະຖານທີ່ຕ່າງໆທີ່ມີຄວາມແປກໃໝ່ ແລະອື່ນໆ, ແຕ່ທີ່ໜ້າສົນໃຈກໍຄືໃນບາງທິດສະດີນັ້ນເຂົາກໍບອກໃຫ້ເຮົາຂັງໂຕເອງຢູ່ໃນເຮືອນ, ນັ່ງຢູ່ໃນຫ້ອງມືດໆ ຫລື ຢູ່ກັບໂຕະເຮັດວຽກ ເພາະມັນຄືວິທີທີ່ດີສຸດທີ່ຈະດຶງເອົາຄວາມຄິດດີໆອອກມາຈາກຫົວເຮົາໄດ້.

     1. ພື້ນທີ່ແຄບ ແລະ ຂໍ້ຈຳກັດຈະຊ່ວຍງັດຄວາມຄິດສ້າງສັນຂອງທ່ານ : ຄົນສ່ວນຫລາຍເຊື່ອວ່າຄວາມຮູ້ສຶກອິດສະຫລະ ແລະ ການໄດ້ຢູ່ທ່າມກາງຄວາມຫລາກຫລາຍນັ້ນຈະເປັນບໍ່ເກີດຂອງຄວາມຄິດສ້າງສັນທີ່ດີ, ແຕ່ນັກທິດສະດີບາງຄົນກໍໍຂັດແຍ່ງວ່າ : ປະສົບການເຫລົ່ານັ້ນມີແຕ່ຈະເຮັດໃຫ້ທ່ານກະວົນກະວາຍ ແລະ ຄິດຫຍັງບໍ່ສຳເລັດເປັນອັນຈັກຢ່າງ. ໃນທາງກົງກັນຂ້າມ ພວກເຂົາຄິດວ່າຂໍ້ຈຳກັດຕ່າງຫາກທີ່ຈະຊຸກຍູ້ມະນຸດສູ່ຄວາມຄິດສ້າງສັນ ແລະ ເຮັດໃຫ້ເກີດຜົນງານອັນເປັນຮູບປະທຳໄດ້ (ນັກທິດສະດີນີ້ເຊື່ອວ່າ  ເມື່ອຄົນເຮົາບໍ່ມີໂຕເລືອກຫລາຍ ທຳມະຊາດກໍຈະຊຸກຍູ້ສະໝອງໃຫ້ເຮັດວຽກຫລາຍຂຶ້ນ ເຮັາຍັງຈະໃຊ້ເວລາໃນການເຮັດວຽກໜ້ອຍລົງນຳ). ນັກຂຽນ John Cheese ເຄີຍກ່າວໄວ້ວ່າ : ບໍ່ວ່າເຮົາຈະມີຂໍ້ຈຳກັດໃນເລື່ອງສະຖານທີ່ ຫລື ເລື່ອງເວລາ ມັນກໍຊ່ວຍເລັ່ງຄວາມຄິດສ້າງສັນຂອງເຮົາໄດ້ໝົດ.

ເຕັກນິກຊ່ວຍກະຕຸ້ນຄວາມຄິດສ້າງສັນແບບງ່າຍໆ - lattana 1 - ເຕັກນິກຊ່ວຍກະຕຸ້ນຄວາມຄິດສ້າງສັນແບບງ່າຍໆ
ເຕັກນິກຊ່ວຍກະຕຸ້ນຄວາມຄິດສ້າງສັນແບບງ່າຍໆ - 1 1 - ເຕັກນິກຊ່ວຍກະຕຸ້ນຄວາມຄິດສ້າງສັນແບບງ່າຍໆ

     2. ໂຕະເຮັດວຽກຮົກເຮື້ອຈະຊ່ວຍເນັ້ນຄວາມຄິດໃໝ່ໆແທ້ບໍ່ ? ເຄີຍມີລາຍງານວິໄຈກ່າວວ່າການຄິດວຽກເທິງໂຕະທີ່ເປັນລະບຽບຮຽບຮ້ອຍນັ້ນມັກຈະໃຫ້ຜົນທີ່ເປັນສິ່ງເກົ່າໆ ຫລື ເປັນແບບແຜນທີ່ຄົນຜູ້ນັ້ນເຄີຍຄິດມາແລ້ວທັງໝົດ, ແຕ່ໃນທາງກົງກັນຂ້າມ ຫາກເຮົາລອງຄິດວຽກຢູ່ເທິງໂຕະຮົກເຮື້ອ ມັນຈະຊ່ວຍໃຫ້ເຮົາໄດ້ຄົ້ນພົບໄອເດຍໃໝ່ໆທີ່ຫລາຍເທື່ອກໍມີຄວາມໜ້າສົນໃຈຫລາຍຂຶ້ນກ່ວາເກົ່ານຳອີກ. ນອກຈາກນັ້ນ, ການຄິດວຽກໃນສະພາບແວດລ້ອມແບບອະນາລັອກແມ່ນໃຊ້ເຈ້ຍ, ສໍ, ຢາງລຶບ ແລະ ນັ່ງເຮັດວຽກດ້ວຍມືແທ້ໆກໍມັກຈະກະຕຸ້ນຄວາມຄິດສ້າງສັນໄດ້ດີກ່ວາການໃຊ້ຊອຟແວ ຫລື ການເຮັດວຽກເທິງຈໍຄອມພິວເຕີ ຫລາຍ.

     3. ແສງມົວໆຈະຊ່ວຍເປີດຄວາມຄິດໃຫ້ກ້ວາງໄກຂຶ້ນແທ້ບໍ່?ວຽກງານວິໄຈໜຶ່ງພົບວ່າການທີ່ຄົນເຮົາຢູ່ໃນບ່ອນມືດໆ ຫລື ໃນບ່ອນທີ່ມີແສງໄຟອ່ອນໆ ຈະຊ່ວຍເລັ່ງຄວາມຄິດສ້າງສັນໄດ້ດີທີ່ສຸດ, ຮອງລົງມາແມ່ນແສງທຳມະຊາດ ແຕ່ທີ່ຂີ້ຮ້າຍທີ່ສຸດແມ່ນແສງດອກໄຟແຈ້ງໆ (ທີ່ເປິດກັນຕາມຫ້ອງການທົ່ວໆໄປ) ເຫດຜົນກໍຄື ຍ້ອນຜູ້ທີ່ຢູ່ໃນແສງມົວໆນັ້ນມັກຈະບໍ່ສັງເກດເຫັນສິ່ງດຶງດູດອ້ອມໂຕ ຈຶ່ງສາມາດຕັ້ງສະມາທິ ຫລື ຕົກຢູ່ໃນວັງວົນແຫ່ງການຄິດໄດ້ດີກ່ວາ ນອກຈາກນີ້ຜູ້ວິໄຈຍັງສະຫລຸບວ່າ ຫາກເຮົາຕ້ອງການໃຊ້ຄວາມຄິດແບບເຕັມທີ່ໂດຍບໍ່ຕ້ອງອ່ານ, ເບິ່ງຂຽນ ຫລື ແຕ້ມຫຍັງໄປນຳ ການປິດໄຟ ແລະ ຢູ່ໃນຄວາມມືດໆໄປເລີຍອາດຈະເປັນຫົນທາງທີ່ດີສຸດ.

     4. ຄວາມຫ່ງວງຈະຊ່ວຍກະຕຸ້ນຕ່ອມຄວາມຄິດສ້າງສັນແມ່ນແທ້ບໍ່ ?ນັກດົນຕີ, ນັກແຕ່ງເພງ, ນັກອອກແບບ ລວມເຖິງນັກຂຽນນິຍາຍຫລາຍໆຄົນຍອມຮັບວ່າ ພວກເຂົາເຄີຍໄດ້ໄອເດຍໃໝ່ໆຈາກໄລຍະເວລາທີ່ກຳລັງຫງ່ວງ ຫລື ເຄິ່ງຫລັບເຄິ່ງຕື່ນ ເຊິ່ງໃນທາງການແພດເຮົາຈະເອີ້ນອາການລັກສະນະນີ້ວ່າ : Hypnopompic State ຫລື Hypno pomp ໂຕຢ່າງ : ຈິດຕະກອນຊື່ ດັງ Salvador Dalíທີ່ມັກຈະນັ່ງເຊືອບຫລັບເທິງຕັ່ງເວລາຄິດວຽກໃໝ່ໆ ໂດຍໃນລະຫ່ວາງທີ່ກຳລັງເຊືອບຫລັບນີ້ ລາວຈະຖືບ່ວງກ້ານໜຶ່ງໄວ້ໃນມື ແລະ ກະໄລຍະມືໃຫ້ຢູ່ເໜືອຈານພໍດີ ຈົນເມື່ອຫລັບໄປໄດ້ຈັກໄລຍະໜຶ່ງ ບ່ວງກໍຫລຸດມືຕົກລົງໄປກະທົບຈານ ເຮັດໃຫ້ລາວສະເດີດຕື່ນຂຶ້ນ ເຊິ່ງຍ້ອນວິທີນີ້ລາວກ່າວວ່າ : ລາວສາມາດຈະຈື່ຈຳພາບທີ່ເຫັນໃນຂະນະເຊືອບຫລັບໄດ້ ແລະ ສານຕໍ່ມັນຂຶ້ນເປັນຜົນງານແທ້ໆໃນເວລາຕໍ່ມາ.

error: Content is protected !!