ຫລັກການຊ່ວຍທ່ານກ້າວສູ່ຄວາມສຳເລັດໃນໜ້າທີ່ວຽກງານ

ຫລັກການຊ່ວຍທ່ານກ້າວສູ່ຄວາມສຳເລັດໃນໜ້າທີ່ວຽກງານ - 022412 2018 - ຫລັກການຊ່ວຍທ່ານກ້າວສູ່ຄວາມສຳເລັດໃນໜ້າທີ່ວຽກງານ
ຫລັກການຊ່ວຍທ່ານກ້າວສູ່ຄວາມສຳເລັດໃນໜ້າທີ່ວຽກງານ - Untitled design - ຫລັກການຊ່ວຍທ່ານກ້າວສູ່ຄວາມສຳເລັດໃນໜ້າທີ່ວຽກງານ


    ເມື່ອກ້າວເຂົ້າສູ່ໂລກຂອງການເຮັດວຽກ ຄົນເຮົາຄວນຕັ້ງເປົ້າໝາຍຂອງຊີວິດກຽມໄວ້ວ່າ ພາຍໃນຈັກປີຈະຂຶ້ນໄປຢູ່ໃນຈຸດໃດ, ຕຳແໜ່ງໃດ ຍ້ອນການມີເປົ້າໝາຍຈະເຮັດໃຫ້ເຮົາກຳນົດທິດທາງການເຮັດວຽກ, ການປະຕິບັດໂຕຂອງເຮົາ ເພື່ອໃຫ້ໄປເຖິງຈຸດໝາຍນັ້ນໄດ້ໃນເວລາທີ່ກຳນົດ, ຜູ້ທີ່ປະສົບຄວາມສຳເລັດໃນການເຮັດວຽກມັກຈະແນະນຳຢູ່ສະເໝີເຖິງວິທີການທີ່ພວກເຂົາປະຕິບັດ ໂຕ ເຊິ່ງເປັນປະໂຫຍດຕໍ່ຄົນເຮັດວຽກມາແລ້ວຫລາຍຕໍ່ຫລາຍຮຸ່ນຄົນ ດັ່ງນີ້ :

    1. ຂໍ້ທຳອິດທີ່ຈະເຮັດໃຫ້ທ່ານເຮັດວຽກໄດ້ດີແມ່ນຕ້ອງມ່ວນກັບວຽກທີ່ເຮັດ ເມື່ອທ່ານເຮັດວຽກດ້ວຍຄວາມມ່ວນ ທ່ານຈະມີແຮງຊຸກຍູ້ໃນການພະຍາຍາມທີ່ຈະເຮັດວຽກໃຫ້ໄດ້ດີທີ່ສຸດ ແລະ ປະສົບຄວາມສຳເລັດ.

     2. ນອກຈາກມ່ວນແລ້ວ ຍັງຕ້ອງໃສ່ຄວາມເອົາຈິງເອົາຈັງຕັ້ງໃຈສູ່ຄວາມສຳເລັດໄປນຳ ຄວາມພະຍາຍາມຈະນຳພາທ່ານໄປພົບກັບຄວາມສຳເລັດໃນທີ່ສຸດ.

     3. ຄວາມເຊື່ອໝັ້ນໃນຕົນເອງຕ້ອງມີຢູ່ສະເໝີ ເພາະຈະເຮັດໃຫ້ທ່ານກ້າຄິດ, ກ້າເຮັດ ເຊິ່ງຈະເຮັດໃຫ້ທ່ານໄດ້ປຽບກ່ວາຄົນອື່ນທີ່ມັກເຮັດໂຕເປັນຜູ້ຕິດຕາມທີ່ດີ ຫລື ມັກເຮັດຕາມສິ່ງທີ່ຄົນອື່ນຄິດຫລາຍກ່ວາສະແດງຄວາມຄິດເຫັນ.

     4. ມີຄວາມຄິດສ້າງສັນ, ສິ່ງປະດິດ ຫລື ວັດຕະກຳໃໝ່ໆເກີດຂຶ້ນໄດ້ຈາກຄວາມຄິດສ້າງສັນ ຖ້າທ່ານເປັນນັກຄິດ ຮັບຮອງວ່າທ່ານຈະເປັນທີ່ຕ້ອງການຂອງທຸກໆອົງກອນຢ່າງແນ່ນອນ ເຖິງວ່າມື້ນີ້ສິ່ງທີ່ຄິດອາດຈະຍັງບໍ່ສົມບູນ, ແຕ່ຖ້າທ່ານຍັງບໍ່ຢຸດຄິດ ຈັກມື້ໜຶ່ງມັນຈະຕ້ອງສົມບູນໄດ້.

     5. ເມື່ອຄົນຈາກຫລາກຫລາຍສັງຄົມມາຢູ່ຮວມກັນໃນສັງຄົມໃໝ່ ສິ່ງທີ່ຕ້ອງການແມ່ນການປັບໂຕໄດ້ໄວ ທ່ານອາດຕ້ອງຕື່ມ ຫລື ຫລຸດພຶດຕິກຳ ຫລື ນິໄສບາງຢ່າງຂອງທ່ານ ເພື່ອໃຫ້ເຂົ້າກັບສັງຄົມຢູ່ບ່ອນເຮັດວຽກໃຫ້ໄດ້ໂດຍໄວ.

     6. ມີທ່າທາງໃນທາງບວກ, ຄົນທີ່ຄິດບວກຈະສະແດງທ່າທາງໃນທາງບວກ, ບໍ່ທ້ໍຖອຍຕໍ່ອຸປະສັກ ແລະ ມີມະນຸດສຳພັນທີ່ດີ, ເປັນທີ່ຮັກ ແລະ ຊື່ນຊົມຂອງຄົນອ້ອມຂ້າງ.

ຫລັກການຊ່ວຍທ່ານກ້າວສູ່ຄວາມສຳເລັດໃນໜ້າທີ່ວຽກງານ - Wave100S AD to Website 2020 0 - ຫລັກການຊ່ວຍທ່ານກ້າວສູ່ຄວາມສຳເລັດໃນໜ້າທີ່ວຽກງານ

     7. ເລື່ອງຄວາມມີລະບຽບວິໄນເປັນສິ່ງທີ່ທຸກຄົນຖືກສອນມານັບແຕ່ຍັງນ້ອຍຢູ່ແລ້ວ ໃນການເຮັດວຽກກໍເຊັ່ນດຽວກັນ ຕ້ອງມາເຮັດວຽກກົງເວລາ, ສົ່ງວຽກກົງເວລາ ແລະ ປະຕິບັດຕາມກົດລະບຽບຢ່າງເຄັ່ງຄັດ.

     8. ມີຄວາມຊື່ສັດ ແລະ ຊ່ວຍເຫລືອຜູ້ອື່ນໃຫ້ປະສົບຄວາມສຳເລັດ, ຄົນດີ ແລະ ມີນຳ້ໃຈ ຢູ່ບ່ອນໃດກໍມີແຕ່ຄົນຮັກຄົນສົງສານແລະ ຄອຍສະໜັບສະໜູນໃຫ້ກ້າວໜ້າໃນໜ້າທີ່ວຽກງານ.

     9. ກ້າຫານທີ່ຈະສ່ຽງ ແນ່ນອນວ່າບໍ່ມີວຽກງານໃດທີ່ຈະດຳເນີນໄປຢ່າງລ່ຽນໄຫລໄດ້ໝົດທຸກວຽກ ເມື່ອພົບກັບອຸປະສັກ ທ່ານຕ້ອງກ້າພໍທີ່ຈະສ່ຽງເພື່ອກ້າວໃຫ້ຂ້າມພົ້ນອຸປະສັກໄປໃຫ້ໄດ້.

     10. ສຸດທ້າຍ ເຖິງວ່າທີ່ກ່າວມາຂ້າງເທິງນັ້ນທ່ານຈະມີດີພ້ອມໝົດແລ້ວທຸກຢ່າງ, ແຕ່ຫາກທ່ານບໍ່ສາມາດສື່ສານໄດ້ຢ່າງມີປະສິດທິພາບກໍບໍ່ມີປະໂຫຍດ. ດັ່ງນັ້ນ, ທ່ານຈຶ່ງຄວນພັດທະນາການຕິດຕໍ່ສື່ສານກັບຜູ້ອື່ນຢູ່ສະເໝີ ເພື່ອໃຫ້ທ່ານສາມາດຖ່າຍທອດແນວຄິດຕ່າງໆເຂົ້າເຖິງທຸກຄົນໄດ້ຢ່າງຖືກຕ້ອງ ແລະ ແນ່ນອນ.

     ແນວໃດກໍຕາມ, ຢ່າລືມວ່າໜຶ່ງສິ່ງທີ່ສຳຄັນທີ່ສຸດທີ່ຈະຊ່ວຍຊຸກຍູ້ທ່ານໃຫ້ກ້າວໜ້າໃນໜ້າທີ່ວຽກງານກໍຄືສາຍອາຊີບຂອງທ່ານນັ້ນ ປາສະຈາກບໍ່ໄດ້ແມ່ນຄວາມມັກ, ຄວາມຮັກໃນວຽກນັ້ນແທ້ໆ.

ຫລັກການຊ່ວຍທ່ານກ້າວສູ່ຄວາມສຳເລັດໃນໜ້າທີ່ວຽກງານ - WhatsApp Image 2020 05 27 at 5 - ຫລັກການຊ່ວຍທ່ານກ້າວສູ່ຄວາມສຳເລັດໃນໜ້າທີ່ວຽກງານ
ຫລັກການຊ່ວຍທ່ານກ້າວສູ່ຄວາມສຳເລັດໃນໜ້າທີ່ວຽກງານ - WhatsApp Image 2020 05 27 at 5 - ຫລັກການຊ່ວຍທ່ານກ້າວສູ່ຄວາມສຳເລັດໃນໜ້າທີ່ວຽກງານ
error: Alert: ເນື້ອຫາຂ່າວມີລິຂະສິດ !!