ເປແອສເຊ ອາດຂາຍດາວດັງ ຫລີກລ່ຽງຜິດກົດການເງິນ

ເປແອສເຊ ອາດຂາຍດາວດັງ ຫລີກລ່ຽງຜິດກົດການເງິນ - advert banner 728 90 728x90 - ເປແອສເຊ ອາດຂາຍດາວດັງ ຫລີກລ່ຽງຜິດກົດການເງິນ

      ມີ​ເດຍພາຣ ສື່​ຂອງຝຣັ່ງ ລາຍ​ງານ​ວ່າ: ປາຣີ ​ແຊງ​ແຊກ​ແມງ ຕ້ອງ​ຫາ​ເງິນ​ມາ​ເຂົ້າສາງ 170 ລ້ານ​ຢູ​ໂຣ ​ເພື່ອ​ຈະ​ໄດ້​ບໍ່​ຖືກ​ຕັດສິນ​ວ່າ​ຜິດ​ກົດ​ຄວບ​ຄຸມ​ການ​ເງິນ ຈົນ​ສົ່ງ​ຜົນ​ໄປ​ສູ່​ການ​ຖືກ​ຕັດ​ສິດ​ຈາກ​ການ​ຫລິ້ນ ​ແຊມ​ປ້ຽນລີກ ​ເຊິ່ງໝາຍ​ຄວາມ​ວ່າ ພວກ​ເຂົາ​ອາດ​ຈຳ​ເປັນ​ຕ້ອງ​ຂາຍ​ດາວ​ດັງ ​ເນ​ມາ ຫລື ຄີ​ລິ​ຢັນ ​ເອັມບັບ​ເປ້ ​ເພື່ອ​ແລກ​ກັບ​ເງິນ​ຈຳນວນ​ດັ່ງກ່າວ.

ເປແອສເຊ ອາດຂາຍດາວດັງ ຫລີກລ່ຽງຜິດກົດການເງິນ - new3 - ເປແອສເຊ ອາດຂາຍດາວດັງ ຫລີກລ່ຽງຜິດກົດການເງິນ

       ປາຣີ ​ແຊງ​ແຊກ​ແມງ ທີ​ມມະຫາ​ເສດຖີ​ແຫ່ງ ລີກ ​ເອິງ ຝຣັ່ງ ຈຳ​ເປັນ​ຕ້ອງ​ຫາ​ເງິນ​ສູງ​ເຖິງ 170 ລ້ານ​ຢູ​ໂຣ ມາ​ເຂົ້າສະ​ໂມ​ສອນ ​ເພື່ອ​ຈະ​ເຮັດ​ໃຫ້​ສະພາບ​ການ​ເງິນ​ຂອງ​ພວກ​ເຂົາ​ບໍ່​ຜິດ​ກົດ​ຄວບ​ຄຸມ​ການ​ເງິນ ຂອງ​ສະຫະພັນ​ບານ​ເຕະ​ຢູ​ໂຣບ (ຢູຟາ).

      ​ເປ​ແອ​ສ​ເຊ ກັບ ​ແມນ​ເຊັສ​ເຕີ ຊິ​ຕີ້ ​ເຄີຍ​ຖືກຕັ້ງຂໍ້​ສົງ​ໄສ​ວ່າ​ລະ​ເມີດ​ກົດ​ຄວບ​ຄຸມ​ການ​ເງິນ​ເມື່ອ​ຫລາຍ​ປີ​ກ່ອນ ​ເຊິ່ງຕອນ​ນັ້ນຫລາຍ​ຝ່າຍ​ເຊື່ອ​ວ່າຄວາມ​ຜິດ​ຂອງ​ພວກ​ເຂົາ​ຮ້າຍ​ແຮງ​ຈົນ​ຈະ​ເຮັດ​ໃຫ້​ຖືກ​ຫ້າມຈາກ​ການ​ລົງ​ຫລິ້ນ ຢູຟາ ​ແຊມ​ປ້ຽນລີກ ​ໃນ​ລະດູ​ການ 2014-15 ກ່ອນ​ສຸດ​ທ້າຍ​ຈະ​ມີ​ການ​ຕັດສິນ​ວ່າຄວາມ​ຜິດ​ຂອງ​ທັງ 2 ທີ​ມບໍ່​ຮຸນ​ແຮງ​ຈົນ​ເຖິງ​ຂັ້ນຈະ​ຖືກ​ຫ້າມຕັດ​ສິດ​ຈາກ​ການ​ແຂ່ງຂັນ.

       ​ເຖິງ​ຢ່າງ​ໃດ​ກໍ​ຕາມ, ​ເມື່ອ​ບໍ່​ດົນ​ມາ​ນີ້ ບານ​ເຕະ ລີກ ​ເວັບ​ໄຊລາຍ​ງານ​ເລື່ອງ​ລັບ​ໃນ​ວົງ​ການ​ບານ​ເຕະ ​ໄດ້​ເປີດ​ເຜີຍ​ເອກະສານ​ທີ່​ອ້າງ​ວ່າ ປາຣີ ​ແຊງ​ແຊກ​ແມງ ​ກັບ ​ແມນ​ເຊັສ​ເຕີ ຊິ​ຕີ້ ຕ່າງ​ໃຊ້​ລູກຫລິ້ນບາງ​ຢ່າງ​ເພື່ອ​ປອມ​ແປງ​ຕົວ​ເລກ​ໃນ​ບັນຊີ​ຂອງ​ພວກ​ເຂົາ ​ເພື່ອ​ເຮັດ​ໃຫ້​ເບິ່ງ​ຄື​ວ່າ​ພວກ​ເຂົາ​ບໍ່​ໄດ້​ຂາດທຶນ​ຫລາຍ ສົ່ງ​ຜົນ​ໃຫ້ ຢູຟາ ລົງ​ມາ​ສອບ​ສວນ​ຄະດີ​ນີ້​ອີກ ​ເຊິ່ງຖ້າຖືກ​ຕັດສິນ​ວ່າ​ມີ​ຄວາມ​ຜິດ​ແທ້ ພວກ​ເຂົາ​ອາດ​ຖືກ​ຕັດສິດ​ຈາກການ​ຫລິ້ນ ​ແຊມ​ປ້ຽນລີກ ​ໃນ​ລະດູ​ການ​ໜ້າ.

ເປແອສເຊ ອາດຂາຍດາວດັງ ຫລີກລ່ຽງຜິດກົດການເງິນ - lattana 1 - ເປແອສເຊ ອາດຂາຍດາວດັງ ຫລີກລ່ຽງຜິດກົດການເງິນ

      ທັງ​ນີ້ ການ​ຕ້ອງ​ຟ້າວ​ຫາ​ເງິນ​ເຖິງ 170 ລ້ານ​ຢູ​ໂຣ ມາ​ເຂົ້າບັນຊີ ​ເຮັດ​ໃຫ້​ທາງ​ເລືອກ​ໄວ​ທີ່​ສຸດ​ອາດ​ຈະ​ເປັນ​ການ​ຂາຍ​ດາວ​ດັງ​ອອກ​ໄປ ​ເຊິ່ງນັກ​ເຕະ​ທີ່​ຖືກ​ປ່ອຍ​ອອກ​ຈາກ​ທີ​ມອາດ​ຈະ​ເປັນ ​ເນ​ມາ ດາວ​ຍິງ​ຊາວບຣາຊິ​ລ ​ແລະ ຄີ​ລິ​ຢັນ ​ເອັມບັບ​ເປ້ ຫົວ​ຫອກ​ທີ​ມຊາດ​ຝຣັ່ງ ​ເພາະ​ທັງ​ສອງ​ອາດ​ຈະ​ສ້າງ​ເງິນ​ຈຳນວນ​ຫລາຍ​ໄດ້.

error: Content is protected !!