ບາເຊໂລນາ ພ້ອມແຖມນັກເຕະ ລາຄາແພງແລກຊື້ ເອັມບັບເປ້

ບາເຊໂລນາ ພ້ອມແຖມນັກເຕະ ລາຄາແພງແລກຊື້ ເອັມບັບເປ້ - advert banner 728 90 728x90 - ບາເຊໂລນາ ພ້ອມແຖມນັກເຕະ ລາຄາແພງແລກຊື້ ເອັມບັບເປ້

     ດອນ ບາ​ລອນ ສື່​ຂອງ​ສະ​ເປ​ນ ລາຍ​ງານ​ວ່າ: ບາ​ເຊ​ໂລ​ນາ ຈະ​ສົ່ງ ຟິລິບ​ເປ້ ຄູ​ຕິນ​ໂຢ ມິດ​ຟິລຊາວ​ບຣາຊິລ ​ເປັນ​ສ່ວນ​ໜຶ່ງ​ໃນ​ຂໍ້​ສະ​ເໜີ​ຂໍຊື້ ຄີ​ລິ​ຢັນ ​ເອັມບັບ​ເປ້ ດາວ​ຍິງ​ຄົນ​ເກັ່ງ​ຂອງ ປາຣີ ​ແຊງ​ແຊກ​ແມງ ​ໂດຍ​ອາດ​ເຮັດ​ໃຫ້ ​ເນ​ມາ ​ເລືອກ​ຢູ່​ກັບ ​ເປ​ແອ​ສ​ເຊ ຕໍ່​ໄປ.

     ບາ​ເຊ​ໂລ​ນາ ສະ​ໂມ​ສອນ​ຍັກ​ໃຫຍ່​ແຫ່ງ ລາ ລີ​ກາ ສະ​ເປ​ນ ຈະ​ແຖມ ຟິລິບ​ເປ້ ຄູ​ຕິນ​ໂຢ ກອງ​ກາງ​ຊາວບຣາຊິ​ລ ​ໃຫ້​ກັບ ປາຣີ ​ແຊງ​ແຊກ​ແມງ ​ເພື່ອ​ເປັນ​ສ່ວນ​ໜຶ່ງ​ໃນ​ຂໍ້​ສະ​ເໜີ​ຈະ​ຂໍຊື້ ຄີ​ລິ​ຢັນ ​ເອັມບັບ​ເປ້ ກອງ​ໜ້າ​ດາວ​ຮຸ່ງ​ຂອງ ​ເປ​ແອ​ສ​ເຊ ມາ​ຮ່ວມ​ທີ​ມ.

      ປາຣີ ​ແຊງ​ແຊກ​ແມງ ກຳລັງ​ຢູ່​ໃນ​ສະຖານະ​ການ​ທີ່​ອາດ​ຕ້ອງ​ປ່ອຍ​ດາວ​ດັງ​ອອກ​ຈາກ​ທີ​ມບາງ​ຄົນ ຫລັງ​ຈາກ​ພວກ​ເຂົາ​ມີ​ສິດ​ຖືກ​ຕັດສິນ​ວ່າ​ລະ​ເມີດ​ກົດ​ຄວບ​ຄຸມ​ການ​ເງິນ ​ໂດຍ​​ມໍ່ໆ​ມາ​ນີ້ ມີ​ຂ່າວ​ລື​ວ່າ ທີ​ມດັງ​ຂອງ​ຝຣັ່ງຕ້ອງ​ຫາ​ເງິນ​ເຂົ້າກະ​ເປົາຈຳນວນ 170 ລ້ານ​ຢູ​ໂຣ ​ເພື່ອ​ສະພາບ​ການ​ເງິນ​ຈະ​ໄດ້​ເກີດ​ຄວາມ​ສົມ​ດູ​ນ.

ບາເຊໂລນາ ພ້ອມແຖມນັກເຕະ ລາຄາແພງແລກຊື້ ເອັມບັບເປ້ - Tiger Head 728x90 - ບາເຊໂລນາ ພ້ອມແຖມນັກເຕະ ລາຄາແພງແລກຊື້ ເອັມບັບເປ້
ບາເຊໂລນາ ພ້ອມແຖມນັກເຕະ ລາຄາແພງແລກຊື້ ເອັມບັບເປ້ - 1 1 - ບາເຊໂລນາ ພ້ອມແຖມນັກເຕະ ລາຄາແພງແລກຊື້ ເອັມບັບເປ້

      ທັງ​ນີ້ ຄູ​ຕິນ​ໂຢ ຖືກ​ແຟນບານ​ບາງ​ຄົນ​ຂອງ ບາ​ເຊ​ໂລ​ນາ ຕຳ​ນິວ່າ​ໂຊ​ຟອມ​ບໍ່​ດີ​ເທົ່າ​ທີ່​ຄວນ ທັງ​ທີ່​ລາວ​ມີຄ່າ​ຕົວ 142 ລ້ານ​ປອນ ​ເມື່ອ​ນັບ​ລວມ​ໂບນັສຕ່າງໆ ​ແລະ ຕອນ​ນີ້​ຜູ້​ບໍລິຫານ​ຂອງ ບາ​ເຊ​​ໂລ​ນາ ​ເລີ່​ມພິຈາລະນາ​ອະນາຄົດ​ຂອງ​ລາວ​ແລ້ວ ພ້ອມ​ຕັດສິນ​ໃຈ​ຈະ​ເອົາ​ລາວ​ເປັນ​ຕົວ​ແຖວ​ເພື່ອ​ໃຫ້ ປາຣີ ​ແຊງ​ແຊກ​ແມງ ຍອມ​ໃຈ​ອ່ອນ​ປ່ອຍ ​ເອັມບັບ​ເປ້ ມາຫລິ້ນ​ໃນ​ຖິ່ນ​ຄຳ​ນູ.

       ດອນ ບາ​ລອນ ລາຍ​ງານ​ອີກ​ວ່າ: ຖ້າ​ກໍລະນີ​ເກີດ​ຂຶ້ນ​ແທ້ ​ເນ​ມາ ກອງ​ໜ້າ​ຊາວບຣາຊິ​ລ ຂອງ​ປາຣີ ​ແຊງ​ແຊກ​ແມງ ອາດ​ຈະ​ຍົກ​ເລີກ​ແຜນ​ຢາກ​ກັບ​ໄປ​ຫລິ້ນ​ໃນ ສະ​ເປ​ນ ​ໄດ້ ​ເພາະ​ຈະ​ເຮັດ​ໃຫ້​ລາວ​​ໄດ້​ຫລິ້ນຮ່ວມ​ກັບ ຄູ​ຕິນ​ໂຢ ທີ່​ເປັນ​​ເພື່ອນ​ຮ່ວມ​ຊາດ ​ເຊິ່ງຈະ​ເປັນ​ຜົນ​ດີ​ຕໍ່ ບາ​​ເຊ​ໂລ​ນາ ອີກ​ທາງ​ໜຶ່ງ ​ເພາະ​ຈະ​ເຮັດ​ໃຫ້ ຣີລ ມາດຣິດ ຄູ່​ປັບ​ຂອງ​ພວກ​ເຂົາ ບໍ່​ໄດ້ ​ເນ​ມາ ​ໄປ​ຮ່ວມ​ທີ​ມ.

error: Content is protected !!