ອິດສະລາແອນກຽມຍຸບສະພາ ຈັດເລືອກຕັ້ງກ່ອນກຳນົດ

ອິດສະລາແອນກຽມຍຸບສະພາ ຈັດເລືອກຕັ້ງກ່ອນກຳນົດ - advert banner 728 90 728x90 - ອິດສະລາແອນກຽມຍຸບສະພາ ຈັດເລືອກຕັ້ງກ່ອນກຳນົດ

      ຊາວ​ອິດສະ​ລາ​ແອນ​ໃຊ້​ສິດ​ເລືອກ​ຕັ້ງທົ່ວ​ໄປ​ກ່ອນ​ກຳນົດ​ໃນ​ເດືອນ​ເມສາ​ປີໜ້າ, ຂະນະ​ທີ່​ລັດຖະບານ​ກຳລັງ​ສູນ​ເສຍ​ສະຖຽນ​ລະ​ພາບຢ່າງ​ໜັກ ​ແລະ ປັດ​ໄຈ​ຫລາຍ​ດ້ານ ທັງ​ຂໍ້​ກ່າວ​ຫາ​ສໍ້​ລາດ​ບັງ​ຫລວງ​ຂອງ​ທ່ານ​ນາຍົກລັດຖະມົນຕີ ​ແລະ ສະຖານະ​ການ​ດ້ານ​ຄວາມ​ໝັ້ນຄົງ​ໃນ​ພາກພື້ນ.

       ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ກອງ​ປະຊຸມ​ພັກ​ຮ່ວມ​ລັດຖະບານ​ຂອງ​ອິດສະ​ລາ​ແອນ ນຳ​ໂດຍ​ພັກ​ລິ​ຄຸດ ມີ​ມະຕິ​ເປັນ​ເອກະ​ພາບ ​ໃນ​ວັນ​ທີ 24 ທັນວາ​ນີ້ ​ໃຫ້​ກຽມ​ຈັດການ​ເລືອກ​ຕັ້ງທົ່ວ​ໄປ​ກ່ອນ​ກຳນົດ​ໃນ​ວັນ​ທີ 9 ​ເມສາ ປີໜ້າ ​ເຊິ່ງລັດຖະບານ​ກຳລັງ​ເລັ່ງຮ່າງ​ກົດໝາຍ​ຍຸບ​ສະພາ​ຜູ້​ແທນ​ລາຊະ​ດອນ ​ເພື່ອ​ໃຫ້​ເຂົ້າສູ່​ການ​ພິຈາລະນາ​ຮັບຮອງ​ຂອງ​ລັດຖະສະພາ​ໂດຍ​​ໄວ​ທີ່​ສຸດ.

       ທັງ​ນີ້, ກ່ອນ​ໜ້າ​ນີ້ການ​ເລືອກ​ຕັ້ງ​​ຄັ້ງຕໍ່​ໄປ​ຂອງ​ອິດສະ​ລາ​ແອນ​ກຳນົດ​ໄວ້​ໃນ​ເດືອນ​ພຶດສະພາ 2019, ​ແຕ່​ການ​ຕັດສິນ​ໃຈ​ຂອງ​ທ່ານ ​ເນ​ຕັນຢາ​ຮູ ​ໃນ​ການ​ຍຸບ​ສະພາ ​ແລະ ຈັດການ​ເລືອກ​ຕັ້ງກ່ອນ​ກຳນົດ​ບໍ່​ແມ່ນ​ເລື່ອງ​ເໜືອ​ຄວາມ​ຄາດໝາຍ, ​ເມື່ອ​ທ່ານ ​ເອວິກດໍ ລີ​ເບີ​ແມນ ລາ​ອອກ​ຈາກ​ຕຳ​ແໜ່​ງລັດຖະມົນຕີ​ກະຊວງ​ປ້ອງ​ກັນ​ປະ​ເທດ ​ໃນ​ກາງ​ເດືອນ​ພະຈິກ​ຜ່ານ​ມາ ຈາກ​ຂໍ້​ຂັດ​ແຍ່ງ​ທີ່​ທ່ານ ​ເນ​ຕັນ​ຢາ​ຮູ ຍອມຮັບ​ຂໍ້​ຮຽກຮ້ອງ​ຂອ​ງ​ເອຢິບ​ໃນ​ການ​ສະຫງົບ​ເສິກ​ກັບ​ກຸ່ມ​ຮາ​ມັດ ຫລັງ​ຕ່າງ​ຝ່າຍ​ຕ່າງ​ໂຈມ​ຕີ​ຂ້າມ​ຊາຍ​ແດນ​ທາງ​ຕອນ​ໃຕ້​ຂອງ​ເຂດ​ກາຊາ​ຢ່າງ​ໜັກ​ໃນ​ໄລຍະ​ໜຶ່ງ ສົ່ງ​ຜົນ​ໃຫ້​ຊາວ​ປາ​ແລັສຕິນ​ເສຍ​ຊີວິດ​ຢ່າງ​ໜ້ອຍ 11 ຄົນ ​ແລະ ຊາວ​ອິດສະ​ລາ​ແອນ 2 ຄົນ.

ອິດສະລາແອນກຽມຍຸບສະພາ ຈັດເລືອກຕັ້ງກ່ອນກຳນົດ - 1 1 - ອິດສະລາແອນກຽມຍຸບສະພາ ຈັດເລືອກຕັ້ງກ່ອນກຳນົດ
ອິດສະລາແອນກຽມຍຸບສະພາ ຈັດເລືອກຕັ້ງກ່ອນກຳນົດ - lattana 1 - ອິດສະລາແອນກຽມຍຸບສະພາ ຈັດເລືອກຕັ້ງກ່ອນກຳນົດ

      ນອກຈາກ​ນີ້, ທ່ານ ລີ​ເບີ​ແມນ ຍັງ​ນຳພາ​ພັກ​ອິດ​ສະ​ລາ​ແອນ ​ເບ​ເທ​ນູ ​ເຊິ່ງມີ 5 ບ່ອນ​ນັ່ງ​ໄປ​ລວມກັບ​ພັນທະ​ມິດ​ພັກ​ຝ່າຍ​ຄ້ານ​ໃຫ້​ເພີ່ມ​ຂຶ້ນ​ເປັນ 59 ບ່ອນ​ນັ່ງ ສົ່ງ​ຜົນ​ໃຫ້​ພັກ​ຮ່ວມ​ລັດຖະບານ​ເຫລືອ​ພຽງ 61 ບ່ອນ​ນັ່ງ. ​ເຖິງ​ຢ່າງ​ໃດ​ກໍ​ຕາມ, ຫລັງ​ສະຫງົບ​​ເສິກ​ກັບ​ກຸ່ມ​ຮາ​ມັດ, ອິດສະ​ລາ​ແອນ​ພົບ​ຄວາມ​ທ້າ​ທາຍ​ດ້ານ​ຄວາມ​ໝັ້ນຄົງ​ຄັ້ງ​ໃໝ່​ບໍລິ​ເວນ​ຊາຍ​ແດນ​ທາງ​ເໜືອ ​ເຊິ່ງຕິດ​ກັບ​ພາກ​ໃຕ້​ຂອງ​ລີ​ບັງ, ​ເມື່ອ​ມີ​ການຄົ້ນພົບ​ອຸ​ໂມງ​ລັບ​ຂອງ​ກຸ່ມ​ເຮັດ​ໂບລາ ​ແລະ ກໍລະນີ​ທີ່​ອາ​ເມ​ລິ​ກາ​ຈະ​ຖອນ​ທະຫານ​ອອກ​ຈາກ​ຊີຣີ, ຂະນະ​ທີ່​ຄວາມ​ຂັດ​ແຍ່ງ​ເລື່ອງ​ໂກ​ລັນ​ກັບ​ລັດຖະບານ​ດາ​ມັດ​ກັດ​ກັບ​ມາ​ເຄັ່ງ​ຕຶງ​ອີກ ​ແລະ ທ່ານ ​ເນ​ຕັນ​ຢາ​ຮູ ຕົກ​ເປັນ​ເປົ້າໝາຍ​ຂອງ​ການ​ສືບສວນ-ສອບ​ສວນ​ການ​ສໍ້​ລາດ​ບັງ​ຫລວງ​ໃນ​ຫລາຍ​ຂໍ້​ຫາ.

error: Content is protected !!