ຢ່າໃຫ້ນະໂຍບາຍ ປະຢັດທົດຖອຍ

ຢ່າໃຫ້ນະໂຍບາຍ ປະຢັດທົດຖອຍ - advert banner 728 90 728x90 - ຢ່າໃຫ້ນະໂຍບາຍ ປະຢັດທົດຖອຍ

ໂດຍ: ທ່ຽງທຳ

ຢ່າໃຫ້ນະໂຍບາຍ ປະຢັດທົດຖອຍ - new3 - ຢ່າໃຫ້ນະໂຍບາຍ ປະຢັດທົດຖອຍ

ສະບາຍດີ, ເພື່ອນຜູ້ອ່ານທີ່ຮັກແພງ, ຫລາຍຄົນກໍອາດ ຈະເຫັນເປັນເອກະພາບນຳ  ກັນວ່າ: ປັດຈຸບັນນີ້ ເບິ່ງຄືວ່າ ການຈັດຕັ້ງປະຕິບັດນະໂຍບາຍປະຢັດມັດທະຍັດ ຂອງປວງຊົນເຮົາທົດຖອຍລົງ ຫລາຍຖ້າທຽບໃສ່ໄລຍະຕົ້ນທີ່ ທ່ານ ນາຍົກລັດຖະມົນຕີໄດ້ອອກເປັນຄຳສັ່ງໃຫ້ທົ່ວສັງຄົມຮັດສາຍແອວລົງ.

ໃນຂະນະທີ່ປະເທດຊາດກຳລັງປະເຊີນກັບຄວາມຫຍຸ້ງຍາກຂາດເຂີນທາງດ້ານເສດຖະກິດ-ການເງິນ ແລະ ປະສົບໄພພິບັດທຳມະຊາດອັນຮ້າຍແຮງດັ່ງລະດູຝົນຜ່ານມາ.

ດັ່ງນັ້ນການຈັດຕັ້ງປະຕິບັດຄຳສັ່ງນີ້ ຈິ່ງເປັນເລີດເພື່ອພວກເຮົາສາມາດຂ້າມຜ່ານ ວິກິດການດັ່ງກ່າວນັ້ນໄດ້ໂດຍໄວ.

ແຕ່ໜ້າເສຍດາຍການ ສຸມໃສ່ຈັດຕັ້ງປະຕິບັດນະ ໂຍບາຍ ດັ່ງກ່າວ ໃນປັດຈຸບັນ ມັນບໍ່ເຂັ້ມຂຸ້ນປານໃດ, ການ ໃຊ້ຈ່າຍຫລິ້ນກິນຢ່າງຟຸມ ເຟືອຍ ໃນສັງຄົມຍັງມີຢູ່ ຫລາຍ ເຊິ່ງສະແດງອອກ ໃຫ້ເຫັນ ໃນງານບຸນຕ່າງໆ ນັບທັງງານໝັ້ນ, ງານດອງ, ການສະຫລອງຕ່າງໆ  ກໍຍັງດຳເນີນໄປຢ່າງຫູດັບຕັບໄໝ້, ບໍ່ເລີກບໍ່ລາ, ບໍ່ເມົາບໍ່ເມືອ,  ກິນກັນດື່ມກັນຢ່າງ ບໍ່ມີຂອບເຂດອັນເປັນການ ຟຸມເຟືອຍ ຊິ້ນເປືອງ ແລະ ປັດຈຸບັນກໍແມ່ນໄລຍະສົ່ງ ທ້າຍປີເກົ່າກຽມຕອນຮັບປີ ໃໝ່ແລ້ວ ກໍມີຫລາຍສຳນັກ ງານອົງການເລີ່ມມີງານ ລ້ຽງສ້າງສັນ, ມີການສະຫລອງຜົນສຳເລັດຕ່າງໆ ຂອງວຽກງານໃນໜຶ່ງປີ ຜ່ານມາ ແລະ ກໍເບິ່ງຄືວ່າ ກໍ ຂ້ອນຂ້າງຂາດສະຕິປະຢັດມັດທະຍັດ ດັ່ງເຄີຍເຮັດມາ.

ຢ່າໃຫ້ນະໂຍບາຍ ປະຢັດທົດຖອຍ - lattana 1 - ຢ່າໃຫ້ນະໂຍບາຍ ປະຢັດທົດຖອຍ

ເຊິ່ງສະແດງອອກໃຫ້ ເຫັນກໍແມ່ນການກິນການດື່ມ  ທີ່ບໍ່ຂອບເຂດ, ບ່ອນໃດກໍ ແຂ່ງຂັນກັນຈັດຂຶ້ນກູດື່ມມຶງ  ກິນຢ່າງບໍ່ມີສະຕິ ແລະ ຄຳ  ນຶງ ເຖິງຄວາມຫຍຸ້ງຍາກ ລຳບາກ ໃນການຊອກຫາ ແຫລ່ງລາຍຮັບຂອງປະເທດ ເພື່ອນຳມາຄ້ຳຈູນການພັດ ທະນາເສດຖະກິດ-ສັງຄົມ ໃຫ້ສາມາດຜ່ານພົ້ນວິກິດ ການຕ່າງໆໄປໄດ້.

ດັ່ງນັ້ນໃນໂອກາດຕ້ອນຮັບປີໃໝ່ນີ້, ກໍຂໍຮຽກຮ້ອງ ໃຫ້ສັງຄົມ ຈິ່ງຄຳນຶງ ແລະ ຫັນມາປະຕິບັດນະໂຍບາຍ ປະຢັດມັດທະຍັດ ຂອງຊາດ ໃຫ້ມີປະສິດທິຜົນດີຂຶ້ນກວ່າ ເກົ່າ, ພ້ອມກັນເປັນເຈົ້າການ ຕ້ານການຟຸມເຟືອຍຊິ້ນເປືອງ  ຕ່າງໆ ນັບທັງການມອບຂອງ ຂວັນ ຫລື ຊອງຂ່າວທີ່ບໍ່ຈຳເປັນນັ້ນໃຫ້ຜ່ອນຜັນລົງ./.

ຢ່າໃຫ້ນະໂຍບາຍ ປະຢັດທົດຖອຍ - 223551114 - ຢ່າໃຫ້ນະໂຍບາຍ ປະຢັດທົດຖອຍ

error: Content is protected !!