ປີ 2018 ເຈົ້າໜ້າທີ່ສາມາດມ້າງຄະດີຢາເສບຕິດລາຍໃຫຍ່ໄດ້ຫລາຍລາຍ

ປີ 2018 ເຈົ້າໜ້າທີ່ສາມາດມ້າງຄະດີຢາເສບຕິດລາຍໃຫຍ່ໄດ້ຫລາຍລາຍ - Untitled design - ປີ 2018 ເຈົ້າໜ້າທີ່ສາມາດມ້າງຄະດີຢາເສບຕິດລາຍໃຫຍ່ໄດ້ຫລາຍລາຍ

 ສະພາບການຄ້າຂາຍຢາເສບຕິດແມ່ນປາກົດການຫຍໍ້ທໍ້ທີ່ອັນຕະລາຍຮ້າຍແຮງຕໍ່ຄວາມໝັ້ນຄົງ ແລະ ເສດຖະກິດຂອງຊາດ, ທັງເປັນສາເຫດຕົ້ນຕໍຂອງບັນຫາອາຊະຍາກໍາຕ່າງໆ, ດັ່ງນັ້ນ ໃນຜ່ານມາລັດຖະບານຈຶ່ງໄດ້ມີຄວາມພະຍາຍາມປາບປາມ ແລະ ສະກັດກັ້ນບັນຫາດັ່ງກ່າວໃຫ້ໝົດໄປຈາກສັງຄົມຄື: ໃນປີ 2018 ນີ້, ກໍາລັງເຈົ້າໜ້າທີ່ໄດ້ເອົາໃຈໃສ່ແກ້ໄຂ ແລະ ທັບມ້າງຂະບວນການຜະລິດ ແລະ ຜູ້ຄ້າຂາຍຢາເສບຕິດລາຍໃຫຍ່ມາດໍາເນີນຄະດີຕາມລະບຽບກົດໝາຍໄດ້ຫລາຍລາຍຄື:

  (1) ໃນວັນ​ທີ 8 ມັງກອນ 2018 ເຈົ້າໜ້າທີ່ ປກສ ນະຄອນຫລວງວຽງຈັນ ໄດ້​ລົງ​ມ້າງເຄືອຂ່າຍຄ້າ​ຢາ​ເສບ​ຕິດລາຍ​ໃຫຍ່ຢູ່​ເຂດ​ບ້ານສີວິ​ໄລ​ເມືອງ​ໄຊ​ທານີ, ສາມາດ​ກັກ​ຕົວ​ຜູ້​ຖືກ​ຫາ​ໄດ້​ສອງຄົນ, ພ້ອມຂອງກາງ​ເຮ​ໂຣ​ອິນ 1 ​ແທ່ງ ແລະ ຢາບ້າ​ 9 ພັນກວ່າ​ເມັດ.

  (2) ໃນວັນທີ 10 ມັງກອນ 2018 ​ເຈົ້າໜ້າ​ທີ່ ປກສ ​ເມືອງ​ຮ້ຽມ​ແຂວງ​ຫົວພັນ ສາມາດຈັບຕົວຜູ້ຄ້າຢາເສບຕິດ 2 ຄົນ, ພ້ອມຂອງກາງຢາບ້າ 36 ພັນເມັດ.

  (3) ໃນກາງເດືອນມັງກອນ 2018 ​​ເຈົ້າໜ້າ​ທີ່​ສະກັດ​ກັ້ນ ​ແລະ ຕ້ານ​ຢາ​ເສບ​ຕິດກະຊວງ​ປ້ອງ​ກັນ​ຄວາມ​ສະຫງົບສາມາດຈັບຜູ້ຄ້າຢາເສບຕິດລາຍໃຫຍ່ 3 ຄົນຢູ່​ເຂດ​ບ້ານ​ດົງ​ໂດກ​ເມືອງ​ໄຊ​ທານີນະຄອນຫລວງ​ວຽງ​ຈັນ, ພ້ອມຂອງ​ກາງ​​ຢາ​ບ້າ 36 ພັນ​ເມັດ.

  (4) ເມື່ອເດືອນກຸມພາ 2018 ​ຕຳຫລວດ​ສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ນະຄອນຫລວງວຽງຈັນ ສາມາດຈັບຂະບວນການ​ຄ້າຂາຍ​ຢາ​ເສບ​ຕິດຂ້າມຊາດລາຍໃຫຍ່ 3 ຄົນຢູ່ໃນຕະຫລາດຊັ່ງຈຽງ, ພ້ອມຂອງກາງເຮໂຣອິນ 26 ​ແທ່ງລວມມີນໍ້າໜັກ 10 ກິ​ໂລ.

  (5) ເຈົ້າໜ້າທີ່ ປກສ ແຂວງຜົ້ງສາລີ ໄດ້ນໍາກໍາລັງເຂົ້າປິດລ້ອມ ແລະ ກວດຄົ້ນເຮືອນພັກຫລັງໜຶ່ງທີ່ບ້ານໂພນໄຊເມືອງຂວາ ແລະ ພົບ​ເຫັນ​ຢາ​​ເສບ​ຕິດ​ປະ​ເພດ​ເຮ​ໂຣອິນ 58 ​ແທ່ງ, ຢາ​ບ້າ 3.800 ​ເມັດ, ລົດ​ໃຫຍ່ 2 ຄັນ ​ແລະ ປືນສັ້ນ 1 ກະບອກ, ພ້ອມ​ຈັບ​ຕົວ​ຜູ້ຕ້ອງ​ຫາໄດ້ 3 ຄົນ.

  (6) ກອງ​ບັນຊາ​ການປ້ອງ​ກັນ​ຄວາມ​ສະຫງົບ​ແຂວງຊຽງຂວາງ ​ໄດ້ນໍາ​ກຳລັງ​ເຂົ້າ​ຈັບ​ຕົວ​ຜູ້​ຕ້ອງ​ຫາຄ້າຂາຍ​ຢາ​ເສບ​ຕິດ 2 ຄົນຢູ່ເຂດບ້ານໂພນສະຫວັນ, ພ້ອມ​ຂອງ​ກາງ​ຢາ​ບ້າ 18 ພັນ​ເມັດ, ​ເຮ​ໂລ​ອິນ 1 ກິ​ໂລ.

  (7) ເຈົ້າໜ້າທີ່ສະກັດກັ້ນ ແລະ ຕ້ານຢາເສບຕິດກົມ​ໃຫຍ່​ຕຳຫລວດສາມາດຈັບຕົວຜູ້ຄ້າຢາເສບຕິດລາຍໃຫຍ່ 1 ຄົນ, ພ້ອມຂອງກາງຢາບ້າ 51 ມັດ, ເທົ່າກັບ 1 ແສນ 2 ພັນເມັດ ໃນຂະນະກຽມຈະສົ່ງໃຫ້ຜູ້ສັ່ງຊື້ໃນເຂດບ້ານປາກທ້າງເມືອງສີໂຄດຕະບອງນະຄອນຫລວງວຽງຈັນ.

  (8) ເຈົ້າໜ້າທີ່ ປກສ ແຂວງຫົວພັນສາມາດຈັບຕົວຜູ້ຄ້າຢາເສບຕິດ 2 ຄົນຢູ່ເຂດ​ບ້ານ​ບັກ​ເມືອງ​ວຽງ​ໄຊ, ພ້ອມຂອງກາງຢາເສບຕິດປະເພດເຮໂຣອິນນໍ້າໜັກ 13,7 ກິໂລ.

  (8)​ ເຈົ້າໜ້າ​ທີ່ ປກສ ​ແຂວງ​ບໍ່​ແກ້ວ ສາມາດຈັບຜູ້ຄ້າຢາເສບຕິດລາຍໃຫຍ່ໄດ້ 3 ຄົນ, ຢູ່ເສັ້ນທາງລະຫວ່າງ​ເມືອງ​ຕົ້ນ​ເຜິ້ງ​ແຂວງ​ບໍ່​ແກ້ວ​ໄປ​ແຂວງ​ຫລວງ​ນ້ຳທາ, ​ພ້ອມຂອງກາງ​ຢາ​ໄອ 25 ​ເປົາ ລວມມີນໍ້າໜັກ 651 ກິ​ໂລ ທີ່ຊຸກເຊື່ອງໄວ້ໃນລົດ​ປຣາ​ໂດ 3 ຄັນ.

ປີ 2018 ເຈົ້າໜ້າທີ່ສາມາດມ້າງຄະດີຢາເສບຕິດລາຍໃຫຍ່ໄດ້ຫລາຍລາຍ - Wave100S AD to Website 2020 0 - ປີ 2018 ເຈົ້າໜ້າທີ່ສາມາດມ້າງຄະດີຢາເສບຕິດລາຍໃຫຍ່ໄດ້ຫລາຍລາຍ

  (9) ກົມຕໍາຫລວດສະກັດກັ້ນ ແລະ ຕ້ານຢາເສບຕິດ ໄດ້ນໍາກໍາລັງເຂົ້າມ້າງແຫລ່ງຜະລິດຢາເສບຕິດໃນເຮືອນຫລັງໜຶ່ງຢູ່ບ້ານນາສ້ຽວ, ເມືອງນາຊາຍທອງນະຄອນຫລວງວຽງຈັນ, ສາມາດຢຶດຂອງກາງທີ່ຜິດກົດໝາຍຫລາຍລາຍການຄື: ຢາບ້າ 8.000 ເມັດ, ແປ້ງປະສົມຢາເສບຕິດ 2 ຖົງ, ສານເຄມີປະສົມຢາເສບຕິດ 3 ກ່ອງ, ແປ້ງສີແດງປະສົມຢາເສບຕິດ 20 ຫໍ່, ເຄື່ອງອັດເມັດຢາບ້າ ແລະ ອັດແທ່ງເຮໂຣອິນ 1 ຊຸດ, ພ້ອມປືນອາກາ 1 ກະບອກ ແລະ ກະສູນຈໍານວນໜຶ່ງ ແລະ ໄດ້ຈັບຕົວເຈົ້າຂອງເຮືອນດັ່ງກ່າວມາດໍາເນີນຄະດີຕາມກົດໝາຍ.

  (10) ​ເຈົ້າໜ້າທີ່ຕຳຫລວດ​ແຂວງດຽນບຽນ ສສ.ຫວຽດນາມ ​ແລະ ​ເຈົ້າໜ້າທີ່​ຕຳຫລວດ​ແຂວງ ຜົ້ງ​ສາລີ ​ໄດ້​ສົມທົບ​ກຳລັງຈັບ​ຜູ້​ລັກລອບ​ຂົນ​ສົ່ງ​ຢາ​ເສບ​ຕິດ​ລາຍ​ໃຫຍ່​ 3 ຄົນ ຢູ່ລະຫວ່າງ​ເຂດ​ຊາຍ​ແດນ​ແຂວງ​ຜົ້ງ​ສາລີ ​ແລະ ​ແຂວງດຽນ

ບຽນ, ພ້ອມ​ຢຶດຂອງ​ກາງຄື: ຢາ​ບ້າ 31 ພັນ​ເມັດ, ​ເຮ​ໂລ​ອິນ 10 ​ແທ່ງ, ຝິ່ນ 2 ກິ​ໂລ ​ແລະ ປືນ 3 ກະບອກ.

  (11) ​ເຈົ້າໜ້າ​ທີ່ ປກສ ​ແຂວງ​ບໍ່​ແກ້ວ ​ໄດ້​ເຂົ້າກວດຄົ້ນ​ເຮືອນ​ເປົ້າໝາຍ​ຄ້າ​ຢາ​ເສບ​ຕິດ​ລາຍ​ໃຫຍ່​ຢູ່​ສວນ​ຢາງພາລາ​ໃນ​ເຂດ​ບ້ານ​ຫ້ວຍ​ດິນ​ຈີ່​ເມືອງ​ຫ້ວຍ​ຊາຍ ​ແລະ ພົບ​ເຫັນ​ຢາ​ເສບ​ຕິດ​ເປັນ​ຈຳນວນ​ຫລາຍ​ຄື: ຢາ​ບ້າ 5 ລ້ານ​ເມັດ ​ແລະ ​ເຮ​ໂຣອິນ 180 ​ແທ່ງ ຊຸກ​ເຊື່ອງ​ໄວ້​ໃຕ້​ດິນ​ຄອກ​ຈອດ​ລົດ​ໃຫຍ່, ພ້ອມ​ກັກ​ຕົວ​​ເຈົ້າຂອງ​ເຮືອນຢູ່​ບ້ານ​ພູ​ຂຽວ, ​ເມືອງ​ໄຊ​ແຂວງ​ອຸດົມ​ໄຊ ມາດໍາເນີນຄະດີຕາມລະບຽບກົດໝາຍ.

  (12) ​ເຈົ້າໜ້າທີ່​ ປກສ ນະຄອນຫລວງ​ວຽງ​ຈັນ, ໄດ້ລົງມ້າງເຄືອຂ່າຍຄ້າຂາຍຢາເສບຕິດລາຍໃຫຍ່ຢູ່ບ້ານ​ນາ​ກຸງ​, ເມືອງ​ປາກງື່ມນະຄອນຫລວງ​ວຽງ​ຈັນ ແລະ ສາມາດກັກຕົວຜູ້ຕ້ອງຫາໄດ້ 4 ຄົນ, ພ້ອມກວດຄົ້ນພາຍໃນເຮືອນພົບ​ຢາ​ເສບ​ຕິດ​ປະ​ເພດ​ຢາ​ໄອຈໍານວນ 199 ກິ​ໂລ.

  (13) ​ເຈົ້າໜ້າ​ທີ່ ປກສ ນະຄອນຫລວງວຽງຈັນ, ໄດ້ກຳລັງ​ເຂົ້າ​ກັກ​ຕົວ​ຜູ້​ຄ້າຂາຍ​ຢາ​ເສບ​ຕິດ​ລາຍ​ໃຫຍ່ 1 ຄົນ, ໃນຂະນະເອົາ​ຢາ​ເສບ​ຕິດປະເພດຢາໄອ​ມີນໍ້າໜັກ 8 ກິໂລ ​ໄປ​ຝາກ​ຢູ່​ບໍລິ​ສັດ​ດີ​ເຮັສ​ແອ​ລ (DHL) ​ເພື່ອ​ສົ່ງ​ໄປ​ໃຫ້​ລູກ​ຄ້າ​ສັ່ງ​ຊື້ຢູ່​ປະ​ເທດ​ຟີ​ລິບ​ປິນ.

 (14) ເຈົ້າໜ້າທີ່ ປກສ ແຂວງບໍ່ແກ້ວ ສາມາດມ້າງເຄືອຂ່າຍຢາເສບຕິດລາຍໃຫຍ່ຢູ່ບ້ານສີເມືອງງາມ, ເມືອງຕົ້ນເຜິ່ງ, ຊຶ່ງມີຜູ້ຕ້ອງຫາ 4 ຄົນ, ພ້ອມຂອງກາງຢາໄອນໍ້າໜັກ 100 ກິໂລ, ລົດ​ໃຫຍ່ 5 ຄັນ, ​ໂທລະສັບ​ມື​ຖື 7 ໜ່ວຍ, ປືນສັ້ນ 1 ກະບອກ, ລູກປືນ ​ແລະ ​ເງິນ​ຈຳນວນ​ໜຶ່ງ.

ປີ 2018 ເຈົ້າໜ້າທີ່ສາມາດມ້າງຄະດີຢາເສບຕິດລາຍໃຫຍ່ໄດ້ຫລາຍລາຍ - WhatsApp Image 2020 05 27 at 5 - ປີ 2018 ເຈົ້າໜ້າທີ່ສາມາດມ້າງຄະດີຢາເສບຕິດລາຍໃຫຍ່ໄດ້ຫລາຍລາຍ
ປີ 2018 ເຈົ້າໜ້າທີ່ສາມາດມ້າງຄະດີຢາເສບຕິດລາຍໃຫຍ່ໄດ້ຫລາຍລາຍ - WhatsApp Image 2020 05 27 at 5 - ປີ 2018 ເຈົ້າໜ້າທີ່ສາມາດມ້າງຄະດີຢາເສບຕິດລາຍໃຫຍ່ໄດ້ຫລາຍລາຍ
error: Alert: ເນື້ອຫາຂ່າວມີລິຂະສິດ !!