ເຣດດິ້ງ ປ່ຽນມື, ຖືກກຸ່ມລົງທຶນຈີນຊື້ຫຸ້ນໃຫຍ່ແລ້ວ
May 17, 2017 - 5:32 PM
ສະໂມສອນ ເຣດດິ້ງ ທີມດັງ ຈາກເດິແຊ໊ມປຽນຊິບ ຖະແຫຼງ ຜ່ານເວັບໄຊສະໂມສອນຢືນຢັນ ວ່າ ໄຕ້ ຫຍົງເກີ ແລະ ໄຕ້ ຊິວຫຼີ ສອງອ້າຍນ້ອງນັກທຸລະກິດຈາກ ສປ.ຈີນ ໄດ້ເຂົ້າມາຊື້ຫຸ້ນໃຫຍ່ເປັນ ທີ່ຮຽບຮ້ອຍແລ້ວ.
“ສະໂມສອນເຣດດິ້ງ ຢືນ ຢັນວ່າ: ໄຕ້ ຫຍົງເກີ ແລະ ໄຕ້ ຊິວຫຼີ ສອງອ້າຍນ້ອງຄົນ ຈີນ ໄດ້ ກາຍເປັນຜູ້ຖືຫຸ້ນລາຍໃຫຍ່ຂອງ ສະໂມສອນແລ້ວ ສ່ວນຜູ້ຖືຫຸ້ນຄົນ ອື່ນໆຈະຍັງຄົງຄອບຄອງຫຸ້ນ ສ່ວນໜ້ອຍທີ່ເຫຼື່ອ” ຖະແຫຼງການ ຈາກ ສະໂມສອນເຣດດິ້ງ ລະບຸ.
ທັງນີ້ ເຣດດິ້ງ ຫາກໍຊະນະ ຟູແລມ ດ້ວຍປະຕູລວມ 2-1 ໃນ ຮອບຮອງເພລອອຟ ລຸ້ນໂກຕ້າ ເລື່ອນຊັ້ນພຣີເມຍລີກລະດູການ ໜ້າ ໂດຍຈະເຂົ້າຮອບຊີງຊະນະ ເລີດ ລໍຖ້າພົບຜູ້ຊະນະລະຫວ່າງ ເຊຟ ຟິລ ເວນສະເດ ຫຼື ຮັດເດິຟິລ ທາວ.
