ຊົມເຊີຍຜົນສຳເລັດກອງປະຊຸມສະພາແຫ່ງຊາດ

ຊົມເຊີຍຜົນສຳເລັດກອງປະຊຸມສະພາແຫ່ງຊາດ - advert banner 728 90 728x90 - ຊົມເຊີຍຜົນສຳເລັດກອງປະຊຸມສະພາແຫ່ງຊາດ

ໂດຍ: ທິດກ່ຳ

ຊົມເຊີຍຜົນສຳເລັດກອງປະຊຸມສະພາແຫ່ງຊາດ - new3 - ຊົມເຊີຍຜົນສຳເລັດກອງປະຊຸມສະພາແຫ່ງຊາດ

ດັ່ງທີ່ຮູ້ກັນແລ້ວວ່າ, ກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ VIII ໄດ້ເປີດຂຶ້ນຕັ້ງແຕ່ ວັນທີ 12 ເດືອນພະຈິກຈົນມາ ຮອດວັນທີ 21 ທັນວາ 2018 ຈຶ່ງໄດ້ອັດລົງຢ່າງເປັນທາງການ.

ໄລຍະ 23 ວັນອັນເປັນ ວາລະກອງປະຊຸມບັນດາ ທ່ານຜູ້ແທນ ແຕ່ລະເຂດກໍ ໄດ້ສຸມໃສ່ເຮັດໜ້າທີ່ຂອງຕົນຢ່າງເຕັມປ່ຽມສົມກັບວ່າ ເປັນຜູ້ແທນປະຊາຊົນ, ເພື່ອປະຊາຊົນ ແລະ ຮັບໃຊ້ປະຊາຊົນ.

ເທົ່າທີ່ທິດກ່ຳໄດ້ຕິດ ຕາມສະພາບບັນຍາກາດ ຂອງກອງປະຊຸມຕັ້ງແຕ່ຕົ້ນ ຈົນຈົບກໍເຫັນວ່າມີອັນປັບປຸງປ່ຽນແປງ ແລະ ຄືບໜ້າ ໄປຫລາຍເຕີບ ເຊິ່ງສັງລວມ ແລ້ວກໍແມ່ນການເຮັດໜ້າ ທີ່ໄປຕາມຂອບຂອງສະພາ ທັງສາມດ້ານຄື: ໃນດ້ານ ນິຕິບັນຍັດ, ບໍລິຫານ ແລະ ຕຸລາການຖືເອົາສະພາເປັນ ກົກໃນການຕັດສິນບັນຫາ ຂອງຊາດບ້ານເມືອງ.

ຈາກຜົນໄດ້ຮັບໃນກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ VIII  ຄັ້ງນີ້ກໍແມ່ນໄດ້ ຮັບຮອງເອົາບົດລາຍງານ ຂອງລັດຖະບານກ່ຽວກັບ ແຜນພັດທະນາເສດຖະກິດ- ສັງຄົມຂອງປະເທດ, ແຜນ ເງິນຕາ, ແຜນງົບປະມານ, ບົດລາຍງານອົງການກວດສອບ, ອົງການໄອຍະການ ປະຊາຊົນສູງສຸດ, ສານປະຊາຊົນສູງສຸດກາງສະໄໝ  ແລະ ປະຈຳປີ 2018, ວຽກ ງານຈຸດສຸມປີ 2019, ທິດ ທາງແຜນການຮອດປີ 2020.

ແນວໃດກໍຕາມ, ໜຶ່ງໃນ ໝາກຜົນທີ່ໄດ້ຮັບນັ້ນຄືການ ແຕ່ງຕັ້ງ ແລະ ຮັບຮອງເອົາ ທ່ານ ພົນໂທ ວິໄລ ຫລ້າຄຳ ຟອງ ເປັນລັດຖະມົນຕີກະ ຊວງປ້ອງກັນຄວາມສະ ຫງົບ, ປະກາດ ທ່ານ ສອນໄຊ ສິດພະໄຊ ເປັນຜູ້ວ່າການທະ ນາຄານແຫ່ງ ສປປ ລາວ, ມີມະຕິຮັບຮອງເອົາຊົນເຜົ່າ ບຣູ ເປັນຊົນເຜົ່າທີ 50 ຂອງ ວົງສາຄະນາຍາດແຫ່ງຊາດ.

ນອກຈາກນັ້ນ, ໃນວາ ລະດຳເນີນກອງປະຊຸມບັນ ດາທ່ານຜູ້ແທນກໍໄດ້ຕາງ ໜ້າໃຫ້ບາງເຂດມີການຊັກ ຖາມ ແລະ ເຈາະຈິ້ມກັບລັດ ຖະບານໃນພາລະກິດການ ບໍລິຫານ ບ້ານເມືອງໃນໄລ ຍະຜ່ານມາກໍຄືໝາກຜົນ   ໃນປີ 2018 ແລະ ນອກນັ້ນ, ກໍໄດ້ຕັ້ງບັນຫາເຈາະຈິ້ມເຖິງແຜນບຸກທະລຸໃນປີ 2019.

ຊົມເຊີຍຜົນສຳເລັດກອງປະຊຸມສະພາແຫ່ງຊາດ - lattana 1 - ຊົມເຊີຍຜົນສຳເລັດກອງປະຊຸມສະພາແຫ່ງຊາດ

ພິເສດ, ຍັງໄດ້ຮັບຮອງ ເອົາກົດໝາຍສະບັບປັບປຸງ ແລະ ກົດໝາຍຮ່າງໃໝ່ ເຖິງ 8 ສະບັບ, ຕໍ່ການຕັ້ງບັນ ຫາຊັກຖາມກໍໄດ້ພົວພັນໄປ ເຖິງບາງຂົງເຂດຈຸດໜັກ ກໍແມ່ນເລື່ອງເຂື່ອນໄຟຟ້າ, ເລື່ອງຖະໜົນຫົນທາງ,   ເລື່ອງຢາເສບຕິດ, ເລື່ອງ ເງິນຮົ່ວໄຫລ, ເລື່ອງທີ່ດິນ ແລະ ບັນຫາໜີ້ສິນອື່ນໆ ທີ່ມັນຍັງລາມພະລາມຈົວ.

ແນວໃດກໍດີ, ຕໍ່ຄຳຊັກ ຖາມຂອງຜູ້ແທນບາງທ່ານ, ບາງເຂດເຂົ້າເປົ້າຈົນເຮັດໃຫ້ ບັນຍາກາດໃນສະພາຟົດຟື້ນ ສົມຄວນ. ສັງລວມແລ້ວ ບັນຫາຕ່າງໆ ທີ່ຖືກຊັກຖາມເຈາະຈິ້ມໃນສະພາໃນມື້ວັນທີ 8 ທັນວາ ຜ່ານມາ ນັ້ນ ທ່ານ ນາຍົກລັດຖະມົນຕີ ທອງລຸນ ສີສຸລິດ ກໍໄດ້ ອອກມາຊີ້ແຈງ ແລະ ໃຫ້ ຄວາມກະຈ່າງແຈ້ງແຕ່ລະບັນຫາ, ແຕ່ລະຂົງເຂດນັບ ທັງລັດຖະມົນຕີຈາກ 10 ກະຊວງ ແລະ ອົງການທີ່ ກ່ຽວຂ້ອງກໍໄດ້ອອກມາໃຫ້ ຂໍ້ມູນເຖິງຜົນໄດ້ຜົນເສຍ ຍ້ອນເງື່ອນໄຂ ແລະ ຫລາຍປັດໄຈຫລາຍອັນມາກະທົບ ຕົວຢ່າງຂົວຫັກທາງເພແມ່ນຍ້ອນລົດເກີນນ້ຳໜັກສົມທົບກັບເສັ້ນທາງບໍ່ໄດ້ມາດຕະຖານ.

ເຖິງຢ່າງໃດກໍດີ, ຕາມ ທິດກ່ຳ ວ່າອັນສຳຄັນກວ່າ ໝູ່ ທີ່ຕ້ອງແກ້ໄຂຢ່າງຮີບດ່ວນ ແມ່ນເລື່ອງຖະໜົນຫົນທາງເພາະໄປມາທາງໃດກໍມີແຕ່ ສຽງຈົ່ມ, ອັນສອງມາ ກໍແມ່ນ ເລື່ອງປາກເລື່ອງທ້ອງການຜະລິດຂ້ອນຂ້າງໜ້ອຍ, ການສະໜອງບໍ່ພຽງພໍລາຄາສິນຄ້າຂຶ້ນບໍ່ຍອມລົງ, ສິນຄ້າ ຈຳນວນບໍ່ໜ້ອຍປົນເປື້ອນດ້ວຍສານເຄມີ.

ນອກຈາກນັ້ນ, ການ ຫັນເຂົ້າສູ່ລັດແຫ່ງກົດໝາຍ ຍັງບໍ່ທັນເຂັ້ມແຂງ, ການຫັນຈາກປະລິມານສູ່ຄຸນນະພາບ ແລະ ຫັນສູ່ທັນສະໄໝສ່ວນໜຶ່ງຍັງເປັນມ້າມ ແປະພຸງເຮັດໜ້ອຍຢາກໄດ້ ຫລາຍເວົ້າຫລາຍເຮັດໜ້ອຍນີ້ລະຄືບັນຫາຂວາງໜ້າ ທີ່ພວກເຮົາຈະຕ້ອງໄດ້ ພ້ອມກັນເຢີກ./.

ຊົມເຊີຍຜົນສຳເລັດກອງປະຊຸມສະພາແຫ່ງຊາດ - 236974414 - ຊົມເຊີຍຜົນສຳເລັດກອງປະຊຸມສະພາແຫ່ງຊາດ

error: Content is protected !!