8 ທັກສະສ້າງລູກພ້ອມສູ່ອະນາຄົດ

8 ທັກສະສ້າງລູກພ້ອມສູ່ອະນາຄົດ - 012612 2018 - 8 ທັກສະສ້າງລູກພ້ອມສູ່ອະນາຄົດ
8 ທັກສະສ້າງລູກພ້ອມສູ່ອະນາຄົດ - Untitled design - 8 ທັກສະສ້າງລູກພ້ອມສູ່ອະນາຄົດ

     8 ທັກສະສຳຄັນທີ່ຈະຊ່ວຍໃຫ້ລູກສາມາດຢູ່ໃນສັງຄົມໄດ້ຢ່າງມີຄວາມສຸກ ພ້ອມທີ່ຈະເຕີບໃຫຍ່ຢ່າງເຕັມສັກກະຍະພາບ ແລະ ປະສົບຄວາມສຳເລັດໃນແບບທີ່ພວກເຂົາເລືອກເອງ ເຊິ່ງເດັກທີ່ມີການພັດທະນາ 8 ທັກສະໃນການໃຊ້ຊີວິດຈະເຂົ້າໃຈຕົນເອງ ຕະຫລອດຈົນຄວາມປ່ຽນແປງຂອງຄົນທີ່ຢູ່ອ້ອມຂ້າງ ແລະ ສິ່ງແວດລ້ອມໄດ້ເປັນຢ່າງດີ, ຮູ້ເຖິງຄຸນຄ່າຂອງຕົນເອງ ແລະ ຜູ້ອື່ນ ໂດຍພໍ່ແມ່ມີສ່ວນສຳຄັນຢ່າງຍິ່ງໃນການພັດທະນາທັກສະຈຳເປັນເຫລົ່ານີ້ໃຫ້ແກ່ລູກ ໂດຍສະເພາະແມ່ນໄລຍະ 3 ປີທຳອິດ ເຊິ່ງເປັນຊ່ວງທີ່ດີແຫ່ງການຮຽນຮູ້ ແລະ ຄວາມຄິດລິເລີ່ມສ້າງສັນ ລູກຈຶ່ງຄວນໄດ້ຮັບການສະໜັບສະໜູນ ແລະ ສົ່ງເສີມຈາກພໍ່ແມ່ ຜ່ານການຫລິ້ນ ແລະ ການເຮັດກິດຈະວັດປະຈຳວັນຢ່າງເໝາະສົມ. 8 ທັກສະສຳຄັນເປັນຂະບວນການທາງຄວາມຄິດໃນສະໝອງທີ່ຈະກຳກັບການສະແດງອອກຜ່ານການກະທຳຂອງເດັກ ເປັນຄວາມສາມາດໃນການບໍລິຫານຈັດການຊີວິດໃນເລື່ອງຕ່າງໆທີ່ຈຳເປັນຕ້ອງໃຊ້ເພື່ອຄວາມສຳເລັດໃນອະນາຄົດ ທັງດ້ານການຮຽນ, ການເຮັດວຽກ ແລະ ການໃຊ້ຊີວິດຄອບຄົວ ໂດຍນັກວິຊາ ການໃຫ້ຄວາມເຫັນວ່າ ທັກສະທີ່ຮອບດ້ານນັ້ນມີຄວາມສຳຄັນກ່ວາຄວາມສະຫລາດທາງສະຕິປັນຍາ.

     8 ທັກສະສຳຄັນທີ່ເດັກຍຸກໃໝ່ຕ້ອງມີ ປະກອບດ້ວຍ :

1. ມີສະມາທິຈົດຈໍ່ :ເປັນຄວາມສົນໃຈຕໍ່ສິ່ງໃດສິ່ງໜຶ່ງຢ່າງຕໍ່ເນື່ອງ ເພື່ອໃຫ້ບັນລຸເປົ້າໝາຍຂອງໂຕເອງໄດ້ ເວລາເດັກມີສະ ມາທິຈົດຈໍ່ຈະຊ່ວຍໃຫ້ເຂົາຮັບ ແລະ ເກັບຂໍ້ມູນໃນເລື່ອງທີ່ສົນໃຈໄວ້ໃນສະໝອງ ເກີດການຮຽນຮູ້ໄດ້ໄວ, ເຂົ້າໃຈສິ່ງຕ່າງໆໄດ້ງ່າຍ ແລະ ເຮັດໃຫ້ຈື່ໄດ້ດີ.

     2. ຮູ້ຈັກອົດທົນ ລໍຄອຍ : ເດັກທີ່ມີທັກສະນີ້ຈະສາມາດຄວບຄຸມອາລົມ, ອົດທົນລໍຄອບ, ຫັກຫ້າມໃຈໄດ້ດີ, ເດັກທີ່ມີຄວາມອົດທົນ ເມື່ອໃຫຍ່ຂຶ້ນຈະປັບໂຕຕໍ່ສະພາບແວດລ້ອມໄດ້ດີກ່ວາ.

     3. ຮູ້ຈັກແກ້ບັນຫາ : ເດັກຈະສາມາດປັບປ່ຽນວິທີຄິດໄປຕາມເຫດການທີ່ປ່ຽນແປງໄປ ໂດຍນຳເອົາປະສົບການເກົ່າມາປັບໃຊ້ໃນການແກ້ບັນຫາ ຈະຊຸກຍູ້ໃຫ້ເດັກເກີດແຮງຈູງໃຈທີ່ຈະຮຽນຮູ້ໃນສິ່ງທີ່ຍາກຂຶ້ນຢ່າງຕໍ່ເນື່ອງ.

     4. ຈື່ຈຳ ນຳມາໃຊ້ : ເປັນການຝຶກເພື່ອໃຫ້ເດັກສາມາດຈື່ຈຳຂໍ້ມູນ  ຫລື ປະສົບການເກົ່າ ແລະ ນຳເອົາມາໃຊ້ຮ່ວມກັບປະສົບການໃໝ່ຢ່າງມີປະສິດທິພາບ.

8 ທັກສະສ້າງລູກພ້ອມສູ່ອະນາຄົດ - Wave100S AD to Website 2020 0 - 8 ທັກສະສ້າງລູກພ້ອມສູ່ອະນາຄົດ

     5. ສື່ສານເຂົ້າໃຈ : ການພັດທະນາທັກສະນີ້ຈະຊ່ວຍໃຫ້ເດັກສາມາດສື່ສານສິ່ງທີ່ຕົນເອງຄິດໃຫ້ຜູ້ອື່ນເຂົ້າໃຈ ແລະ ເຂົ້າໃຈສິ່ງທີ່ຜູ້ອື່ນສື່ສານສົ່ງມາໄດ້ດີ ຊ່ວຍໃຫ້ເຮັດວຽກຮ່ວມກັບຄົນອື່ນຢ່າງຄ່ອງແຄ້ວ ແລະ ປະສົບຄວາມສຳເລັດໄດ້ບໍ່ຍາກ.

     6. ລິເລີ່ມ ສ້າງສັນ : ເປັນທັກສະທີ່ຝຶກໃຫ້ເດັກສາມາດລິເລີ່ມສິ່ງໃໝ່ໆ ເມື່ອສະໝອງຖືກກະຕຸ້ນໃຫ້ຄິດຢ່າງຕໍ່ເນື່ອງ ຈະເຮັດໃຫ້ແຊນສະໝອງສາມາດເຊື່ອມໂຍງຂໍ້ມູນຕ່າງໆທີ່ໄດ້ພົບມານັ້ນເຂົ້າດ້ວຍກັນໄດ້ງ່າຍ.

     7. ເຂົ້າສັງຄົມໄດ້ ເຮັດວຽກເປັນທີມ : ເດັກຈະສາມາດປັບໂຕ ໄດ້, ຮູ້ຈັກໜ້າທີ່, ເຂົ້າໃຈອາລົມຄວາມຮູ້ສຶກຂອງໂຕເອງ ແລະ ຂອງຜູ້ອື່ນ ແລະ ປັບໂຕໃຫ້ເຂົ້າກັບສະພາບແວດລ້ອມ ແລະ ຄົນອ້ອມໂຕໄດ້ດີ.

     8. ມີຄຸນນະທຳ : ຄຸນສົມບັດຂໍ້ນີ້ເປັນສິ່ງສຳຄັນທີ່ເດັກຕ້ອງມີໄວ້ ບໍ່ວ່າຍຸກສະໄໝໃດ ການຮູ້ຜິດຮູ້ຖືກ ບໍ່ເຮັດຜິດ ແລະ ເຮັດຊົ່ວ, ເຮັດແຕ່ສິ່ງທີ່ມັກ ແລະ ດີ ຈະຊ່ວຍສົ່ງເສີມໃຫ້ລູກປະສົບຄວາມສຳເລັດ ແລະ ມີຄວາມສຸກໃນການໃຊ້ຊີວິດໃນອະນາຄົດ.

    ນອກຈາກນີ້ ໂພຊະນາການທີ່ດີກໍແມ່ນສິ່ງສຳຄັນທີ່ຂາດບໍ່ໄດ້.     

8 ທັກສະສ້າງລູກພ້ອມສູ່ອະນາຄົດ - WhatsApp Image 2020 05 27 at 5 - 8 ທັກສະສ້າງລູກພ້ອມສູ່ອະນາຄົດ
8 ທັກສະສ້າງລູກພ້ອມສູ່ອະນາຄົດ - WhatsApp Image 2020 05 27 at 5 - 8 ທັກສະສ້າງລູກພ້ອມສູ່ອະນາຄົດ
error: Alert: ເນື້ອຫາຂ່າວມີລິຂະສິດ !!