IS ອ້າງຢູ່ເບື້ອງຫລັງໂຈມຕີ ກະຊວງຕ່າງປະເທດລີບີ

is ອ້າງຢູ່ເບື້ອງຫລັງໂຈມຕີ ກະຊວງຕ່າງປະເທດລີບີ - advert banner 728 90 728x90 - IS ອ້າງຢູ່ເບື້ອງຫລັງໂຈມຕີ ກະຊວງຕ່າງປະເທດລີບີ

      ກຸ່ມ​ລັດ​ອິດສະລາມ (IS) ອອກ​ມາ​ອ້າງ​ຄວາມ​ຮັບຜິດຊອບ​ວ່າ​ເປັນ​ຜູ້​ກໍ່​ເຫດ​ໂຈມ​ຕີ​ສຳນັກງານ​ໃຫຍ່​ກະຊວງ​ການ​ຕ່າງປະ​ເທດ​ຂອງ​ລີ​ບີ ຈົນ​ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 3 ຄົນ ​ແລະ ບາດ​ເຈັບ​ອີກ 10 ຄົນ.

       ກຸ່ມ IS ອອກ​ຖະ​ແຫລ​ງການ​ຜ່ານ​ສຳນັກ​ຂ່າວ​ອາ​ມັກ ​ເຊິ່ງ​ເປັນ​ຂອງ​ກຸ່ມ​ວ່າ: ສະມາຊິກ 3 ຄົນ​ຂອງ​ກຸ່ມ IS ​ເປັນ​ຜູ້​ກໍ່​ເຫດ​ໂຈມ​ຕີ​ສຳນັກງານ​ໃຫຍ່​ກະຊວງ​ການ​ຕ່າງປະ​ເທດ​ຂອງ​ລີ​ບີ ​ເຊິ່ງຕັ້ງຢູ່​ໃນ​ນະຄອນຫລວງ​ຕຣິ​ໂປ​ລີ ​ໂດຍ​ເຫດການ​ດັ່ງກ່າວ​ເກີດ​ຂຶ້ນ​ໃນ​ຕອນ​ເຊົ້າວັນ​ທີ 25 ທັນວາ ຕາມ​ເວລາ​ທ້ອງ​ຖິ່ນ.

      ການ​ເຄື່ອນ​ໄຫວ​ຂອງ​ກຸ່ມ IS ມີ​ຂຶ້ນຫລັງ​ຈາກ​ເກີດ​ເຫດ​ລະ​ເບີດ​ທາງ​ຫລັງ​ອາຄານ​ຂອງ​ກະຊວງ​ຕ່າງປະ​ເທດ​ລີ​ບີ ​​ເມື່ອເວລາປະມານ 9:00 ​ໂມງ ຕາມ​ເວລາ​ທ້ອງ​ຖິ່ນ ວັນ​ທີ 25 ທັນວາ (14:00 ​ໂມງ ຕາມ​ເວລາ​ຢູ່​ລາວ), ຈາກ​ນັ້ນມື​ປືນ​ກຸ່ມ​ໜຶ່ງ​ໄດ້​ບຸກ​ເຂົ້າ​ໄປ​ໃນ​ອາຄານ​ທັງ​ປະຕູ​ໜ້າ ​ແລະ ປະຕູ​ຫລັງ ​ແລະ ຍິງ​ຕໍ່ສູ້​ກັບ​ກອງ​ກຳລັງ​ຮັກສາ​ຄວາມ​ປອດ​ໄພ.

is ອ້າງຢູ່ເບື້ອງຫລັງໂຈມຕີ ກະຊວງຕ່າງປະເທດລີບີ - 1 1 - IS ອ້າງຢູ່ເບື້ອງຫລັງໂຈມຕີ ກະຊວງຕ່າງປະເທດລີບີ
is ອ້າງຢູ່ເບື້ອງຫລັງໂຈມຕີ ກະຊວງຕ່າງປະເທດລີບີ - lattana 1 - IS ອ້າງຢູ່ເບື້ອງຫລັງໂຈມຕີ ກະຊວງຕ່າງປະເທດລີບີ

       ສະພາ​ປະທານາທິບໍດີ​ແຫ່ງ​ລັດຖະບານ​ເອກະ​ພາບ ​ເຊິ່ງ​ເປັນ​ລັດຖະບານ​ທີ່​ສະຫະ​ປະຊາ​ຊາດ (UN) ​ໃຫ້ການ​ຮັບຮອງ ອອກ​ຖະ​ແຫລ​ງການ​ປະນາມ​ເຫດ​ໂຈມ​ຕີ​ດັ່ງກ່າວ​ຢ່າງ​ຮຸນ​ແຮງ ​ໂດຍ​ລະບຸ​ວ່າ​ເປັນ​ການ​ກະທຳ​ທີ່​ບໍ່​ກ້າຫານ.

      ​ໃນ​ເດືອນ​ກັນຍາ​ຜ່ານ​ມາ, ກຸ່ມ IS ​ໄດ້​ກໍ່​ເຫດ​ໂຈມ​ຕີ​ສຳນັກງານ​ໃຫຍ່​ຂອງ​ບໍລິສັດ​ນ້ຳມັນ​ແຫ່ງ​ຊາດ ​ເຊິ່ງຕັ້ງຢູ່​ກາງ​ນະຄອນຫລວງ​ຕຣິ​ໂປ​ລີ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ 2 ຄົນ ​ແລະ ບາດ​ເຈັບ​ອີກ​ຫລາຍ​ຄົນ.

error: Content is protected !!