ທຄຕລ ອອກບັດສິນເຊື່ອເບີກເກີນບັນຊີໃຫ້ແກ່ລູກຄ້າຂອງບໍລິສັດໃສທິລາດ

ທຄຕລ ອອກບັດສິນເຊື່ອເບີກເກີນບັນຊີໃຫ້ແກ່ລູກຄ້າຂອງບໍລິສັດໃສທິລາດ - Untitled 2 - ທຄຕລ ອອກບັດສິນເຊື່ອເບີກເກີນບັນຊີໃຫ້ແກ່ລູກຄ້າຂອງບໍລິສັດໃສທິລາດ
ທຄຕລ ອອກບັດສິນເຊື່ອເບີກເກີນບັນຊີໃຫ້ແກ່ລູກຄ້າຂອງບໍລິສັດໃສທິລາດ - Untitled design - ທຄຕລ ອອກບັດສິນເຊື່ອເບີກເກີນບັນຊີໃຫ້ແກ່ລູກຄ້າຂອງບໍລິສັດໃສທິລາດ

  ໃນວັນທີ 24 ທັນວານີ້, ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ແລະ ບໍລິສັດໃສທິລາດກຣຸບຈໍາກັດ ໄດ້ຕົກລົງຮ່ວມມືບໍລິການອອກບັດສິນເຊື່ອເບີກເກີນບັນຊີ (OD) ໃຫ້ແກ່ລູກຄ້າຂອງບໍລິສັດໃສທິລາດກຣຸບ ຈຳກັດ, ໂດຍແມ່ນທ່ານ ພູຂົງ ຈັນທະຈັກ ຜູ້ອໍານວຍການໃຫຍ່ ທຄຕລ ແລະ ທ່ານ ສຸກສາຄອນ ໃສທິລາດ ຜູ້ອໍານວຍການບໍລິສັດ ໄດ້ຮ່ວມລົງນາມໃນສັນຍາ, ໂດຍການເຂົ້າຮ່ວມເປັນສັກຂີພະຍານຂອງທ່ານ ຄໍາແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ.

  ບັດສິນເຊື່ອເບີກເກີນບັນຊີເປັນຜະລິດຕະພັນໜຶ່ງຂອງ ທຄຕລ ທີ່ພັດທະນາຂຶ້ນ ເພື່ອໃຫ້ຜູ້ປະກອບການທຸລະກິດຕ່າງໆສາມາດເຂົ້າເຖິງແຫຼ່ງທຶນ, ທັງເປັນການຜັນຂະຫຍາຍເຄືອຄ່າຍບໍລິການໃຫ້ກວ້າງຂວາງ ແລະ ເພີ່ມຂີດຄວາມສາມາດໃນການແຂ່ງຂັນທາງທຸລະກິດ; ທຄຕລ ໄດ້ເລີ່ມໃຫ້ບໍລິການອອກບັດສິນເຊື່ອເບີກເກີນບັນຊີ ຄັ້ງທຳອິດໃນປີ 2014 ໃຫ້ກັບບັນດາບໍລິສັດທີ່ມີຕົວແທນຈໍາໜ່າຍສິນຄ້າທີ່ຊື້ຈາກບໍລິສັດນັ້ນ ໂດຍການນຳໃຊ້ບັດ OD ໃນການຊໍາລະສະສາງຄ່າສິນຄ້າ ແລະ ບໍລິການ, ສ້າງຄວາມສະດວກໃນການຊໍາລະສະສາງຜ່ານລະບົບທະ ນາຄານ ແລະ ເປັນການຫຼຸດຜ່ອນການນຳໃຊ້ເງິນສົດອີກດ້ວຍ.

  ໃນການຮ່ວມມືກັນຂອງທັງສອງຝ່າຍວ່າດ້ວຍການບໍລິການອອກບັດສິນເຊື່ອເບີກເກີນບັນຊີໃຫ້ແກ່ລູກຄ້າຂອງບໍລິສັດໃສທິລາດກຣຸບ ຈຳກັດ ກໍ່ເພື່ອເປັນການຂະຫຍາຍສິນເຊື່ອຂອງ ທຄຕລ ແລະ ເພື່ອເພີ່ມຍອດຂາຍສິນຄ້າຂອງບໍລິສັດໃສທິລາດ ກຣຸບຈຳກັດ ທັງສ້າງຄວາມສະດວກສະບາຍ ແລະ ສະພາບຄ່ອງໃຫ້ກັບລູກຄ້າກໍ່ຄືຫົວໜ່ວຍທຸລະກິດ ສາມາດນຳໃຊ້ວົງເງິນເບີກເກີນບັນຊີ (OD) ໄດ້ຕາມການອະນຸມັດສິນເຊື່ອຂອງ ທຄຕລ ແລະ ນໍາໃຊ້ໃນການຊໍາລະຄ່າວັດສະດຸກໍ່ສ້າງທີ່ຊື້ຈາກບໍລິສັດໃສທິລາດກຣຸບຜ່ານເຄື່ອງຮູດບັດ EDC ຂອງ ທຄຕລ ແລະ ທະນາຄານດັ່ງ ກ່າວຈະສືບຕໍ່ພັດທະນາລະບົບການບໍລິການໃຫ້ມີຄວາມທັນສະໄໝ ແລະສືບຕໍ່ໃຫ້ການຮ່ວມມືກັບພາກສ່ວນອື່ນໆເພື່ອອໍານວຍຄວາມສະດວກໃນການຊຳລະສະສາງຕ່າງໆຂອງລູກຄ້າ.

ທຄຕລ ອອກບັດສິນເຊື່ອເບີກເກີນບັນຊີໃຫ້ແກ່ລູກຄ້າຂອງບໍລິສັດໃສທິລາດ - Wave100S AD to Website 2020 0 - ທຄຕລ ອອກບັດສິນເຊື່ອເບີກເກີນບັນຊີໃຫ້ແກ່ລູກຄ້າຂອງບໍລິສັດໃສທິລາດ

# ຂ່າວ-ພາບ: ຣັດສະໝີ ດວງສັດຈະ

ທຄຕລ ອອກບັດສິນເຊື່ອເບີກເກີນບັນຊີໃຫ້ແກ່ລູກຄ້າຂອງບໍລິສັດໃສທິລາດ - WhatsApp Image 2020 05 27 at 5 - ທຄຕລ ອອກບັດສິນເຊື່ອເບີກເກີນບັນຊີໃຫ້ແກ່ລູກຄ້າຂອງບໍລິສັດໃສທິລາດ
ທຄຕລ ອອກບັດສິນເຊື່ອເບີກເກີນບັນຊີໃຫ້ແກ່ລູກຄ້າຂອງບໍລິສັດໃສທິລາດ - WhatsApp Image 2020 05 27 at 5 - ທຄຕລ ອອກບັດສິນເຊື່ອເບີກເກີນບັນຊີໃຫ້ແກ່ລູກຄ້າຂອງບໍລິສັດໃສທິລາດ
error: Alert: ເນື້ອຫາຂ່າວມີລິຂະສິດ !!