ແມ່ຍິງຕ້ອງເອົາໃຈໃສ່ສັນຍານຈາກອາການລົງຂາວ

ແມ່ຍິງຕ້ອງເອົາໃຈໃສ່ສັນຍານຈາກອາການລົງຂາວ - advert banner 728 90 728x90 - ແມ່ຍິງຕ້ອງເອົາໃຈໃສ່ສັນຍານຈາກອາການລົງຂາວ


     ອະໄວຍະວະພາຍໃນຂອງແມ່ຍິງລະອຽດອ່ອນຫລາຍ ໂດຍສະເພາະລະບົບຂອງອະໄວຍະວະສືບພັນທີ່ມີຜົນໂດຍກົງຕໍ່ການຖືພາ ຫລື ການໃຊ້ຊີວິດ, ເພດຍິງຈຶ່ງຈຳເປັນຕ້ອງຮຽນຮູ້ ແລະ ເຂົ້າໃຈສັນຍານທີ່ຮ່າງກາຍສະແດງອອກມາ ຫາກມີສິ່ງຮ້າຍເລີ່ມກໍ່ໂຕ ທ່ານຕ້ອງຮັບຮູ້ ແລະ ແກ້ໄຂຢ່າງທັນເວລາ. ລົງຂາວ ແມ່ນໜຶ່ງໃນສັນຍານສຳຄັນທີ່ບອກສະຖານະການພາຍໃນຮ່າງກາຍ ເພາະມັນເປັນສິ່ງທ່ີຕອບສະໜອງຕໍ່ຮໍໂມນເພດຄວາມຜິດປົກກະຕິ ຫລື ບໍ່ຜິດປົກກະຕິຂອງລະບົບສືບພັນ ເຊິ່ງເມື່ອຮ່າງກາຍມີການປ່ຽນແປງ ລົງຂາວກໍຈະປ່ຽນແປງໄປນຳ.

     ລົງຂາວທີ່ບໍ່ມີອາການຄັນ, ບໍ່ມີກິ່ນ ຫລື ບໍ່ມີສີທີ່ຕ່າງອອກໄປຈາກປົກກະຕິ ຖືວ່າເປັນປົກກະຕິ ແລະ ບໍ່ມີຄວາມຈຳເປັນທີ່ຕ້ອງພົບແພດເພື່ອປິ່ນປົວ, ແຕ່ຖ້າບໍ່ແມ່ນແບບນີ້ຕ້ອງຟ້າວໄປໂຮງໝໍໂດຍໄວ ເຊິ່ງລົງຂາວທ່ີຜິດປົກກະຕິສາມາດແບ່ງໄດ້ເປັນ 2 ສາເຫດ ໄດ້ແກ່ : ລົງຂາວທີ່ມີສາເຫດມາຈາກການຕິດເຊື້ອ ແລະ ລົງຂາວທີ່ມີສາເຫດຈາກການບໍ່ຕິດເຊື້ອ.

     – ລົງຂາວທ່ີມີສາເຫດຈາກການຕິດເຊື້ອ : ເກີດຈາກການຕິດເຊື້ອບາງຢ່າງ ເຊັ່ນ : ເຊື້ອໄວຣັສ, ເຊື້ອແບັກທີເຣຍ, ເຊື້ອລາ ຫລື ແມ່ພະຍາດ ເຊິ່ງການຕິດເຊື້ອແຕ່ລະແບບຈະມີຜົນຕໍ່ລັກສະນະ ແລະ ຄວາມຮຸນແຮງທີ່ແຕກຕ່າງກັນດັ່ງນີ້ :

     1. ເຊື້ອໄວຣັສ : ລົງຂາວຈະມີກິ່ນ ແລະ ມີສີເຫລືອງ ໂດຍສ່ວນຫລາຍຈະເປັນຍ້ອນໄດ້ຮັບມາຈາກການຕິດເຊື້ອພະຍາດບາງຊະນິດ ເຊັ່ນ : ພະຍາດຕິດຕໍ່ທາງເພດສຳພັນ ເປັນຕົ້ນ. ໃນຂະນະທີ່ຫາກເປັນສາເຫດຍ້ອນ.

     2. ແບັດທີເຣຍ : ລົງຂາວຈະໄປທາງສີເຫລືອງ ຫລື ຂຽວ ພ້ອມກັບມີອາການຄັນ ຫລື ມີອາການຍ່ຽວແສບ, ຍ່ຽວຂັດຮ່ວມນຳ.

     3. ເຊື້ອລາ : ລົງຂາວຈະມີສີຂາວ, ແຕ່ມີລັກສະນະເປັນກ້ອນຄ້າຍຄືນົມທີ່ເດັກນ້ອຍຮາກອອກມາ ພ້ອມທັງມີອາການຄັນໃນ ຊ່ອງຄອດນຳ.

ແມ່ຍິງຕ້ອງເອົາໃຈໃສ່ສັນຍານຈາກອາການລົງຂາວ - Tiger Head 728x90 - ແມ່ຍິງຕ້ອງເອົາໃຈໃສ່ສັນຍານຈາກອາການລົງຂາວ
ແມ່ຍິງຕ້ອງເອົາໃຈໃສ່ສັນຍານຈາກອາການລົງຂາວ - 1 1 - ແມ່ຍິງຕ້ອງເອົາໃຈໃສ່ສັນຍານຈາກອາການລົງຂາວ

     4. ແມ່ພະຍາດ :ລົງຂາວປະເພດນີ້ຈະມີສີເຫລືອງ ອາດເຫັນເປັນຟອງ, ມີກິ່ນສົ້ມ ແລະ ມີອາການຄັນໃນຊ່ອງຄອດເກີດຂຶ້ນໄປພ້ອມໆກັນນຳ.

      – ລົງຂາວທ່ີມີສາເຫດຈາກການບໍ່ຕິດເຊື້ອ : ເກີດຈາກການແພ້ສານເຄມີບາງຊະນິດ ຫລືການມີສິ່ງແປກປອມເຂົ້າໄປໃນຊ່ອງຄອດ. ໃນຂະນະທີ່ບາງຄົນອາດເກີດຂຶ້ນຍ້ອນເປັນພະຍາດມະເຮັງໃນອະໄວຍະວະສືບພັນ ເຊັ່ນ : ມະເຮັງປາກມົດລູກ, ມະເຮັງຊ່ອງຄອດ, ມະເຮັງທໍ່ສົ່ງໄຂ່ ເປັນຕົ້ນ.

     ຫາກພົບວ່າມີລົງຂາວຜິດປົກກະຕິຕາມທີ່ກ່າວມາຂ້າງເທິງ ທ່ານຄວນຈະຕ້ອງປະຕິບັດໂຕດັ່ງນີ້ :

     1. ໄປພົບທ່ານໝໍເພື່ອກວດ ແລະ ປິ່ນປົວທັນທີທີ່ພົບຄວາມຜິດປົກກະຕິ, ຢ່າຊື້ຢາມາກິນ ຫລື ສອດເອງ ຫລື ຫາກຄິດວ່າອາ ການລົງຂາວຜິດປົກກະຕິເກີດຂຶ້ນຍ້ອນຜົວ ຫລື ແຟນຂອງທ່ານ ກໍຄວນພາຄູ່ນອນຂອງທ່ານໄປຮ່ວມກວດ ແລະ ປິ່ນປົວພ້ອມກັນ.

     2. ເມື່ອເລີ່ມມີອາຍຸຫລາຍຂຶ້ນ (30 ປີຂຶ້ນໄປ) ຫລື ຜ່ານການມີເພດສຳພັນມາແລ້ວ ຄວນເຂົ້າຮັບການກວດພະຍາດມະເຮັງປາກມົດລູກທຸກໆ 1 ປີ.

     ການເປັນລົງຂາວທີ່ຜິດປົກກະຕິສາມາດແກ້ໄຂໄດ້ ຫາກທ່ານໄດ້ຮັບການແກ້ໄຂໂດຍໄວ, ເອົາໃຈໃສ່ນຳມັນຈັກໜ້ອຍ ເພື່ອຊີວິດທີ່ດີຂອງທ່ານ.

error: Content is protected !!