ຊົມເຊີຍກຳລັງເຈົ້າໜ້າທີ່ຈະເຂັ້ມງວດດ້ານລະບຽບຈະລາຈອນ

- advert banner 728 90 728x90 - ຊົມເຊີຍກຳລັງເຈົ້າໜ້າທີ່ຈະເຂັ້ມງວດດ້ານລະບຽບຈະລາຈອນ

​ເພື່ອນ​ຜູ້​ອ່ານ​ທີ່​ຮັກ​ແພງ, ບໍ່​ວ່າ​ໃຜ​ກໍ​ຈະ​ດີ​ໃຈ​ເມື່ອເຫັນຂ່າວຂອງທ່ານຫົວໜ້າ​ພະ​ແນ​ກຕຳຫລວດ​ຈະລາຈອນ​ນະຄອນຫລວງ​ວຽງ​ຈັນ ອອກ​ມາ​ຊີ້​ແຈງ​ວ່າ: ນັບ​ແຕ່​ນີ້​ໄປ ກຳລັງ​ເຈົ້າໜ້າ​ທີ່​ຂອງ​ຕົນ​ຈະ​ເພີ່​ມທະວີ​ຄວາມ​ຂະຫຍັນ​ໃນ​ການ​ຄວບ​ຄຸມ​ລະບຽບ​ການ​ຈະລາຈອນ​ໃນ​ນະຄອນຫລວງ​ໃຫ້​ເຂັ້ມງວດ ​ແລະ ມີ​ຄວາມ​ເປັນ​ລະບຽບ​ຮຽບຮ້ອຍ​ດີ​ຂຶ້ນ ພາຍຫລັງ​ສັງ​ເກດ​ເຫັນ​ວ່າ​ສະພາບ​ການ​ສັນຈອນ​ໃນ​ນະຄອນຫລວງ​ນັບ​ມື້ມີ​ຄວາມ​ແອ​ອັດ​ສັບສົນ ​ໂດຍ​ສະ​ເພາະ​ແມ່ນ​ໃນ​ເວລາ​ເລັ່ງດ່ວນ​ເຂົ້າການ-​ເລີກ​ການ ​ໄດ້​ສົ່ງ​ຜົນ​ໃຫ້ການ​ສັນຈອນ​ຕິດ​ຂັດ​ຢູ່​ເສັ້ນທາງ​ຫລັກ​ຕ່າງໆ. ທັງ​ນີ້​ກໍ​ຍ້ອນ​ສະພາບ​ລົດ​ລາງ​ພາຫະນະ​ເພີ່ມ​ຂຶ້ນຢ່າງ​ໄວວາ ​ແລະ ການຈັດຕັ້ງປະຕິບັດ​ລະບຽບ​ກົດໝາຍ​ຈະລາຈອນ​ຂອງ​ຜູ້​ໃຊ້​ລົດ-​ໃຊ້​ຖະໜົນ​ຈຳນວນ​ໜຶ່ງ​ຍັງ​ເຮັດ​ບໍ່​ໄດ້​ດີ ​ໂດຍ​ເຈົ້າໜ້າ​ທີ່​ຈະ​ເພີ່ມ​ຄວາມ​ເຂັ້ມງວດ​ຕໍ່​ຜູ້​ລະ​ເມີດ ​ແລະ ຈະ​ອອກ​ແຮງ​ລະບາຍ​ການ​ຈະລາຈອນ​ໃນ​ເສັ້ນທາງ​ຫລັກ​ຕ່າງໆ​ໃຫ້​ດີ​ຂຶ້ນ ​ໂດຍ​ຈະ​ບໍ່​ໃຫ້​ມີ​ສະພາບ​ມີ​ເຈົ້າໜ້າ​ທີ່ຢູ່​ປ້ອມ​ປະຈຳການ​ເປັນ​ຈຳນວນ​ຫລາຍ ​ແຕ່​ຜູ້​ຈະ​ລົງ​ມາ​ເຮັດ​ໜ້າ​ທີ່​ລະບາຍ ​ແລະ ຄວບ​ຄຸມ​ການ​ຈະລາຈອນ​ແມ່ນ​ມີ​ໜ້ອຍ ຫລື ​ເຫັນ​​ແຕ່​ວ່າ​ແລ່ນນຳ​ການ​ປັບ​ໄໝ​ໃສ່​ໂທດ ​ແຕ່​ເບື້ອງ​ເຮັດ​ວຽກງານ​ການ​ເມ​ືອງ​ແນວ​ຄິດ, ສຶກສາ​ອົບຮົມ​ສ້າງ​ຈິດ​ສຳນຶກ​ດ້ານ​ລະບຽບ ​ແລະ ຄວາມ​ຕື່ນ​ຕົວ​ປະຕິບັດ​ລະບຽບ​ຈະລາຈອນ​ນັ້ນ​ແມ່ນ​ຍັງ​ມີ​ໜ້ອຍ ຈຶ່ງ​ເປັນຕົ້ນ​ເຫດ​ໜຶ່ງ​ກໍ່​ໃຫ້​ເກີດ​ການລະ​ເມີດ​ລະບຽບ​ຈະລາຈອນ​ຂອງ​ຜູ້​ຂັບ​ຂີ່​ມີ​ຫລາຍ​ຂຶ້ນ. ​ເອົາລະ​ທັງ​ໝົດ​ນີ້ ຫວັງ​ວ່າ​ເຈົ້າໜ້າ​ທີ່​ເຮົາ​ຈະ​ເປັນ​ເຈົ້າການ​ປະຕິບັດ​ໜ້າ​ທີ່​ວຽກ​ງານ​ຂອງ​ຕົນ​ໃຫ້​ດີ​ທີ່​ສຸດ ​ເພື່ອ​ຄວາມ​ເປັນ​ລະບຽບ​ຮຽບຮ້ອຍ​ຂອງ​ສັງຄົມ.

- Tiger Head 728x90 - ຊົມເຊີຍກຳລັງເຈົ້າໜ້າທີ່ຈະເຂັ້ມງວດດ້ານລະບຽບຈະລາຈອນ
- 1 1 - ຊົມເຊີຍກຳລັງເຈົ້າໜ້າທີ່ຈະເຂັ້ມງວດດ້ານລະບຽບຈະລາຈອນ
error: Content is protected !!