ໂຄງການໄຟຟ້ານ້ຳງຽບຈັດພິທີກັກເກັບນ້ຳໃນອ່າງດັດສົມ

- Untitled design - ໂຄງການໄຟຟ້ານ້ຳງຽບຈັດພິທີກັກເກັບນ້ຳໃນອ່າງດັດສົມ

- S  14188546 300x225 - ໂຄງການໄຟຟ້ານ້ຳງຽບຈັດພິທີກັກເກັບນ້ຳໃນອ່າງດັດສົມ

ພິທີກັກເກັບນ້ຳໃນອ່າງດັດສົມນ້ຳຂອງເຂື່ອນໄຟຟ້ານ້ຳງຽບ1ໄດ້ຈັດຂຶ້ນໃນວັນທີ 15 ພຶດສະພານີ້ທີ່ເຂ່ືອນດັ່ງກ່າວ ໃນບ້ານຫາດຢືນເມືອງບໍລິຄັນ ແຂວງບໍລິຄຳໄຊ, ໂດຍການເຂົ້າຮ່ວມຂອງ ທ່ານກອງແກ້ວ ໄຊສົງຄາມ ເຈົ້າແຂວງ ບໍລິຄຳໄຊ.

ທ່ານ ໂຢຊິຮິໂລ ຢາມາບາຢາຊິ ຜູ້ອຳນວຍການໃຫຍ່ບໍລິສັດໄຟຟ້ານ້ຳງຽບ 1 ຈຳກັດໃຫ້ຮູ້ວ່າ: ພາຍຫລັງທີ່ຕັນນ້ຳ ແລ້ວ ຈະເຮັດໃຫ້ນ້ຳໃນອ່າງຄ່ອຍໆ ສູງຂຶ້ນສະເລ່ຍ 1 ແມັດຕໍ່ມື້, ຄາດວ່າ ຈະໃຊ້ເວລາປະມານ 10 ມື້ຈະ ເຮັດໃຫ້ນ້ຳ ເຕັມອ່າງໃນເນື້ອ ທີ່ 1,3 ກິໂລແມັດ, ການກັກເກັບ ນ້ຳດັ່ງກ່າວຈະມີການລົບກວນເລັກນ້ອຍຕໍ່ການໄຫລ ແລະ ລະດັບນ້ຳໃນເຂດລຸ່ມເຂື່ອນແຕ່ ເຖິງຢ່າງໃດກໍຕາມທາງບໍລິສັດຈະສືບຕໍ່ຕິດຕາມລະດັບຂອງ ນ້ຳຢ່າງໃກ້ຊິດ. ພາຍຫລັງການປ່ອຍນ້ຳເຂົ້າອ່າງລົ້ນຝ່າຍແລ້ວນ້ຳຈະສືບຕໍ່ໄຫລລົ້ນສັນເຂື່ອນ ຈົນກວ່າການປະຕິບັດງານ ຂອງເຮືອນຈັກທີເຂ່ືອນດັດສົມຈະເລີ່ມຂຶ້ນໃນປີ 2018. ໂອກາດນີ້ ທ່ານ ກອງແກ້ວ ໄຊສົງຄາມ ໄດ້ກ່າວສະແດງ ຄວາມຍ້ອງຍໍຊົມເຊີຍມາຍັງບໍລິສັດທີ່ໄດ້ເອົາໃຈໃສ່ຈັດຕັ້ງປະຕິບັດວຽກງານ ດັ່ງກ່າວໄດ້ສຳເລັດຜົນຕາມລະດັບ ຄາດໝາຍ, ພ້ອມດ່ຽວກັນ ທ່ານຍັງໄດ້ຮຽກຮ້ອງໃຫ້ປະຊາຊົນທີ່ຢູ່ໃກ້ຄຽງບໍລິເວນ ເຂດລຸ່ມເຂື່ອນມີຄວາມລະມັດ ລະວັງຕໍ່ເຫດການຕ່າງໆທີອາດຈະເກີດຂຶ້ນ ແລະ ພ້ອມພາກັນປົກປັກຮັກສາສັບສົມບັດລວມຂອງຊາດນີ້ໄວ້ຢ່າງ ໝັ້ນຄົງ.

- Wave100S AD to Website 2020 0 - ໂຄງການໄຟຟ້ານ້ຳງຽບຈັດພິທີກັກເກັບນ້ຳໃນອ່າງດັດສົມ
- WhatsApp Image 2020 05 27 at 5 - ໂຄງການໄຟຟ້ານ້ຳງຽບຈັດພິທີກັກເກັບນ້ຳໃນອ່າງດັດສົມ
- WhatsApp Image 2020 05 27 at 5 - ໂຄງການໄຟຟ້ານ້ຳງຽບຈັດພິທີກັກເກັບນ້ຳໃນອ່າງດັດສົມ
error: Alert: ເນື້ອຫາຂ່າວມີລິຂະສິດ !!