ເອັມບັບເປ້ ຍິງຫລາຍສຸດ ເມື່ອອາຍຸຄົບ 20 ປີ

ເອັມບັບເປ້ ຍິງຫລາຍສຸດ ເມື່ອອາຍຸຄົບ 20 ປີ - advert banner 728 90 728x90 - ເອັມບັບເປ້ ຍິງຫລາຍສຸດ ເມື່ອອາຍຸຄົບ 20 ປີ

     ຄີ​ລິຢັນ ​ເອັມບັບ​ເປ້ ຫົວ​ຫອກ ປາຣີ ​ແຊງ​ແຊກ​ແມງ ​ເປັນ​ນັກ​ເຕະ​ທີ່​ຍິງ​ລວມກັນ​ໄດ້​ຫລາຍ​ທີ່​ສຸດ​ເມື່ອ​ອາຍຸ​ຄົບ 20 ປີ ​ໂດຍ​ຫລາຍ​ກວ່າ ລິ​ໂອ​ເນລ ​ເມສຊີ ​ແລະ ຄຣິສ​ເຕຍ​ໂນ ​ໂຣນັລ​ໂດ້.

    ຄີ​ລິ​ຢັນ ​ເອັມບັບ​ເປ້ ກອງ​ໜ້າ​ດາວ​ຮຸ່ງ​ຂອງ ປາຣີ ​ແຊງ​ແຊກ​ແມງ ສະ​ໂມ​ສອນ​ມະຫາ​ເສດຖີ​ແຫ່ງ ລີກ ​ເອິງ ຝຣັ່ງ ​ເປັນ​ນັກ​​ເຕະ​ທີ່​ຍິງ​ປະຕູ​ລວມ​ໄດ້​ຫລາຍ​ທີ່​ສຸດ ​ເມື່ອ​​ໄລ່​ຈາກ​ການ​ລົງ​ສະໜາມ​ທຳ​ອິດ​ຈົນ​ເຖິງ​ຕອນ​ອາຍຸ​ຄົບ 20 ປີ ຈາກ​ການ​ຍິງ​ໄດ້​ເຖິງ 73 ລູກ.

      ​ເອັມບັບ​ເປ້ ​ໄດ້​ລົງ​ຫລິ້ນ​ໃນ​ເກ​ມລະດັບ​ທີ​ມຊຸດ​ໃຫຍ່​ເປັນ​ເທື່ອ​ທຳ​ອິດ​ໃນ​ລະດູ​ການ 2015-16 ກັບ ອາ​ແອ​ສ ​ໂມນາ​ໂກ ​ແລະ ລະດູ​ການ​ຕໍ່​ມາ ລາວ​ຍິງ​ປະຕູ​ໄດ້​ຫລາຍ ດ້ວຍ​ການ​ຍິງ​ໄປ 26 ລູກ ຈາກ​ການ​ລົງ​ຫລິ້ນ 44 ນັດ​ໃນ​ທຸກ​ລາຍການ ພ້ອມ​​ເຮັດ​ໃຫ້ ​ໂມ​ນາ​ໂກ ​ໄດ້​ແຊ້ມລີກ​ສູງ​ສຸດ​ໃນ​ລະດູ​ການ​ນັ້ນ​ໄປ​ຄອງ.

      ຜົນງານ​ດັ່ງກ່າວ​ເຮັດ​ໃຫ້ ປາຣີ ​ແຊງ​ແຊກ​ແມງ ຕັດສິນ​ໃຈ​ດຶງ ​ເອັມບັບ​ເປ້ ​ໄປ​ຮ່ວມ​ທີ​ມ ​ເຊິ່ງດາວ​ເຕະ​ເລືອດ​ນ້ຳຫອມ ຍັງ​ຫລິ້ນ​ໄດ້​ດີ​ຢ່າງ​ຕໍ່​ເນື່ອງ ​ໂດຍ​ລາວ​ເປັນ​ໜຶ່ງ​ນັກ​ເຕະ​ທີ​ມຊາດ​ຝຣັ່ງ ຊຸດ​ໄດ້​ແຊ້ມບານ​ໂລກ 2018 ນຳ​ອີກ.

ເອັມບັບເປ້ ຍິງຫລາຍສຸດ ເມື່ອອາຍຸຄົບ 20 ປີ - 1 1 - ເອັມບັບເປ້ ຍິງຫລາຍສຸດ ເມື່ອອາຍຸຄົບ 20 ປີ
ເອັມບັບເປ້ ຍິງຫລາຍສຸດ ເມື່ອອາຍຸຄົບ 20 ປີ - lattana 1 - ເອັມບັບເປ້ ຍິງຫລາຍສຸດ ເມື່ອອາຍຸຄົບ 20 ປີ

      ທັງ​ນີ້ ​ເອັມບັບ​ເປ້ ຫາກໍ​ອາຍຸ​ຄົບ 20 ປີ ​ໃນ​ວັນ​ທີ 20 ທັນວາ​ຜ່ານ​ມາ ​ເຊິ່ງມາ​ຮອດ​ປັດຈຸບັນ​ລາວ​ຍິງ​ປະຕູ​​ໄປ​ແລ້ວ 73 ລູກ ​ເໜືອກ​ວ່າ​ອັນ​ດັບ 2 ຄື ​ໂຣນັລ​ໂດ້ ຕຳນານ​ກອງ​ໜ້າ​ຊາວບຣາຊິ​ລ ​ໂດຍ ​ໂຣນັລ​ໂດ້ ຍິງ​ໄດ້ 59 ປະຕູ.

      ສຳລັບ​ອັນ​ດັບ 3 ຕົກ​ເປັນ​ຂອງ ​ໄມ​ເຄິ່ລ ​ໂອ​ເວ່ນ ອະດີດ​ດາວ​ຍິງ​ຊາວ​ອັງກິດ ຕອນ​ມີ​ອາຍຸ​ຄົບ 20 ປີ​ຍິງ​ໄດ້ 51 ປະຕູ ​ໂດຍ ລິ​ໂອ​ເນລ ​ເມສຊີ ຫົວ​ຫອກ ບາ​ເຊ​ໂລ​ນາ ຕາມ​ມາ​ເປັນອັນ​ດັບ 4 ຍິງ​ໄດ້ 30 ລູກ. ຂະນະ​ທີ່ ຄຣິສ​ເຕຍ​ໂນ ​ໂຣນັລ​ໂດ້ ນັກ​ເຕະ​ຂອງ ຢູ​ເວນ​ຕຸ​ສ ຍິງ​ໄປ 21 ປະຕູ ຢູ່​ທີ 5. 

error: Content is protected !!