- Untitled design -

3 ປີຜ່ານມາ ລາວສົ່ງອອກຜະລິດຕະພັນໄມ້ສໍາເລັດຮູບ ໄດ້ 1 ແສນກວ່າແມັດກ້ອນ

    ທ່ານລັດຖະມົນຕີ ກະຊວງອຸດສາຫະກໍາ ແລະ ການຄ້າ ໃຫ້ຮູ້ວ່າ: ນັບແຕ່ກາງປີ 2016 ມາຮອດປັດຈຸບັນ ລາວເຮົາໄດ້ສົ່ງອອກຜະລິດຕະພັນໄມ້ສໍາເລັດຮູບ ທັງໝົດ 122.739 ກວ່າແມັດກ້ອນ, ລວມມີມູນຄ່າ 64 ລ້ານກວ່າໂດລາສະຫະລັດ. ຊຶ່ງເປັນຕົວເລກທີ່ມີລັກສະນະ ກ້າວກະໂດດ ທັງບໍລິມາດ ແລະ ມູນຄ່າ, ໃນນີ້, ການສົ່ງອອກ 3 ແຂວງຄື: ຈໍາປາສັກ, ອັດຕະປື ແລະ ແຂວງສະຫວັນນະເຂດ ມີມູນຄ່າຫຼາຍກວ່າໝູ່.

- Wave100S AD to Website 2020 0 -

    ທ່ານລັດຖະມົນຕີກ່າວຕື່ມວ່າ: ໃນຕໍ່ໜ້ານີ້ຈະສືບຕໍ່ປັບປຸງບັນດາໂຮງງານອຸດສາຫະກໍາປຸງແຕ່ງໄມ້ທຸກຂັ້ນ, ທຸກຂະໜາດ ໃຫ້ເຄື່ອນໄຫວຖືກຕ້ອງຕາມລະບຽບກົດໝາຍ, ໄດ້ຕາມເງື່ອນໄຂ ແລະ ມາດຕະຖານ ກໍານົດໄວ້ ນັບແຕ່ດ້ານມາດຕະຖານຂອງໂຮງງານ, ມາດຕະຖານຜະລິດຕະພັນ, ການນໍາວັດຖຸດິບເຂົ້າໂຮງງານ, ຊຸກຍູ້ສົ່ງເສີມ ການສ້າງສີມືແຮງງານໃຫ້ຄົນລາວ ດ້ານການປຸງແຕ່ງຜະລິດຕະພັນໄມ້, ພ້ອມທັງ, ປະຕິບັດແຜນການສ້າງຕັ້ງເຄືອຂ່າຍການຜະລິດ ແລະ ປຸງແຕ່ງໄມ້ລາວ ໂດຍຮ່ວມມືກັບຕ່າງປະເທດ ເປັນຕົ້ນ ຍີ່ປຸ່ນ, ຈີນ ແລະ ຫວຽດນາມ ເພື່ອສ້າງເງື່ອນໄຂຊຸກຍູ້ສົ່ງເສີມ ຂະແໜງອຸດສາຫະກໍາປຸງແຕ່ງໄມ ຫັນຈາກການນໍາໃຊ້ໄມ້ທໍາມະຊາດ ໄປນໍາໃຊ້ໄມ້ຈາກສວນປູກຫຼາຍຂຶ້ນ ແລະ ສາມາດເຂົ້າເຖິງຕະຫຼາດຕ່າງປະເທດຫຼາຍຂຶ້ນ.

- WhatsApp Image 2020 05 27 at 5 -
- WhatsApp Image 2020 05 27 at 5 -
error: Alert: ເນື້ອຫາຂ່າວມີລິຂະສິດ !!