ສປປ ເກົາຫລີ ອາດຢູ່ເບື້ອງຫລັງການໂຈມຕີໂລກອິນເຕີເນັດ

- Untitled design - ສປປ ເກົາຫລີ ອາດຢູ່ເບື້ອງຫລັງການໂຈມຕີໂລກອິນເຕີເນັດ

- nsa - ສປປ ເກົາຫລີ ອາດຢູ່ເບື້ອງຫລັງການໂຈມຕີໂລກອິນເຕີເນັດ      ຂ່າວຕ່າງປະເທດລາຍງານວ່າ: ຜູ້​ຊ່ຽວຊານ​ຄວາມ​ໝັ້ນຄົງ​ໃນ​ໂລກ​ອິນ​ເຕີ​ເນັດ​ ລະບຸ​ວ່າ​ມີ​ຫລັກ​ຖານ​ທາງ​ເຕັກນິກ​ບົ່ງ​ບອກ​ວ່າ: ສປປ ​ເກົາຫລີ ອາດ​ຢູ່​ເບື້ອງຫລັງ​ການ​ປ່ອຍ​ໄວຣັສ “WannaCry” ​ໂຈມ​ຕີ​ຄອມ​ພິວ​ເຕີ 300.000 ກວ່າ​ໜ່ວຍ​ໃນ 150 ປະ​ເທດ​ທົ່ວ​ໂລກ ນັບ​ແຕ່​ວັນ​ທີ 12 ພຶດສະພາ ​ເພື່ອ​​ເກັບ​ເງິນ​ຄ່າ​ໄຖ່​ໃນ​ການ​ປົດ​ລັອກຂໍ້​ມູນ​ທັງ​ໝົດ ຈົນ​ສ້າງ​ຄວາມ​ເສຍ​ຫາຍ​ມູນ​ຄ່າ​ມະຫາສານ.

 

ລາຍ​ງານ​ລະບຸ​ວ່າ: ລະຫັດ​ບາງ​ຢ່າງ​ໃນ​ຊອຟ​ແວຣ໌ WannaCry ທີ່​ໃຊ້​ໂຈມ​ຕີ​ໃນ​ໄລຍະ​ທຳ​ອິດ​ຄື​ກັບ​ກຸ່ມ​ເຈາະ​ຂໍ້​ມູນ Lazarus ຂອງ ສປປ ​ເກົາຫລີ ​ໃຊ້, ​ແຕ່​ຍັງ​ໄວ​ເກີນ​ໄປ​ທີ່​ຈະ​ບອກ​ວ່າ ສປປ ​ເກົາຫລີ ມີ​ສ່ວນ​ກ່ຽວຂ້ອງ​ກັບ​ການ​ໂຈມ​ຕີ​ໃນ​ໂລກ​ອິນ​ເຕີ​ເນັດ​ຄັ້ງ​ໃຫຍ່​ທີ່​ສຸດ​ເທົ່າ​ທີ່​​ເຄີຍ​ມີ​ມາ. ​ເຖິງຢ່າງ​ໃດ​ກໍ​ຕາມ, ການ​ໂຈມ​ຕີ​ເລີ່​ມ​ເບົາບາງ​ລົງ,​ ​ແຕ່​ຜູ້​ຊ່ຽວຊານ​ຈະ​ຕິດຕາມ​ສະຖານະ​ການ​ຢ່າງ​ໃກ້ຊິດ ​ໂດຍ​ຍຶດຖື​ກົດໝາຍ​ຂອງ​ປະ​ເທດ​ຕ່າງໆ​ທົ່ວ​ໂລກ ລວມທັງ​ອາ​ເມ​ລິ​ກາ.

 

+ ເຕືອນໄພ !!! ໄວຣັສຄອມພິວເຕີ WannaCry Ransomwareທີ່ພວມແຜ່ລະບາດໃນປັດຈຸບັນ

- Wave100S AD to Website 2020 0 - ສປປ ເກົາຫລີ ອາດຢູ່ເບື້ອງຫລັງການໂຈມຕີໂລກອິນເຕີເນັດ

+ ໄວຣັດ WannaCry ເອີ້ນຄ່າໄຖ່ໂຈມຕີຄອມພີວເຕີ້ໄປແລ້ວ 99ປະເທດ

 

​ເຈົ້າໜ້າ​ທີ່​ຄວາມ​ໝັ້ນຄົງ​ຂອງ​ອາ​ເມ​ລິ​ກາ ​ແລະ ​ເອີຣົບ ລະບຸ​ວ່າ​ປັດຈຸບັນ​ນີ້​ຍັງ​ໄວ​ເກີນ​ໄປ​ຈະ​ລະບຸ​ວ່າ​ໃຜ​ຢູ່​ເບື້ອງຫລັງ​ການ​ໂຈມ​ຕີ​ໃນ​ເທື່ອ​ນີ້, ​ແຕ່​ບໍ່​ປະຕິ​ເສດ​ວ່າ​ຜູ້​ຖືກ​ສົງ​ໄສ​ອາດ​ເປ​ັນ ສປປ ​ເກົາຫລີ. ຂະນະ​ດຽວ​ກັນ ປະທານາທິບໍດີ ປູ​ຕິນ ​ແຫ່ງຣັດ​ເຊຍ ກ່າວ​ວ່າ: ທ່ານ​ເອງ​ເຊື່ອ​ຕາມ​ບໍລິສັດ​ໄມ​ໂຄຣຊອຟລະບຸ​ວ່າ: ຕົ້ນຕໍ​ຂອງ​ໄວຣັສຮ້າຍ​ນີ້​ມາ​ຈາກ​ສຳນັກງານ​ຄວາມ​ໝັ້ນຄົງ​ຂອງ​ອາ​ເມ​ລິ​ກາ ຫລື NSA ທີ່​ໄປ​ສ້າງ​​ເຄື່ອງມື​ເຈາະ​ລະບົບ​ຂໍ້​ມູນ​ສ່ວນ​ຕົວ​ຂອງ​ປະຊາຊົນ, ​ແຕ່​ພັດ​ຖືກ​ຜູ້​ເຈາະ​ລະບົບ​ທີ່​ມີ​ຝີ​ມື​ສູງ​ກວ່າ​ເອົາ​ເຄື່ອງມື​ເຈາະ​ລະບົບ​ນີ້​ໄປ​ໃຊ້​​ໃຫ້​ເກີດ​ຜົນ​ປະ​ໂຫຍ​ດ​ໃນ​ການ​ສ້າງ​ມັລ​ແວຣ໌​ເອີ້ນ​ຄ່າ​ໄຖ່ WannaCry ທີ່​ແຜ່​ລະບາດ​ຢ່າງ​ວ່ອງ​ໄວ​ໂຈມ​ຕີ​ໄປ​ທົ່ວ​ໂລກ. ຂະນະ​ດຽວ​ກັນ ​ເວ​ັບ​ໄຊ​ເດິ​ກາ​ດຽນ ຂອງ​ອັງກິດ ລາຍ​ງານ​ວ່າ​ບໍລິສັດ​ດິສນີພວມ​ຖືກ​ມັລ​ແວຣ໌ WannaCry ​ໂຈມ​ຕີ​ໄຟ​ລ໌ຮູບ​ເງົາ​ເລື່ອງ Pirates of the carribian Dead men tell no tales ພາກ 5 ພ້ອມ​ຂູ່​​ເອົາ​ເງິນ​ຄ່າ​ໄຖ່ ​ໂດຍ​ຖ້າ​ບໍ່​ໄດ້​ເງິນ​ຈະ​ປ່ອຍ​ໜັງ​ຕົວ​ຢ່າງ​ອອນ​ລາຍ​ທັນທີ. ທັງ​ນີ້​ຮູບ​ເງົາ​ເລື່ອງ​ນີ້​ມີ​ກຳນົດ​ສະ​ແດງ​ວັນ​ທີ 25 ພຶດສະພາ​ນີ້ ​ໂດຍ​ທາງ​ດິສນີຢືນຢັນ​ຈະ​ບໍ່​ຈ່າຍ​ເງິນ​ຄ່າ​ໄຖ່ ​ໂດຍ​ປັດຈຸບັນ​ນີ້​ພວມ​ຫາລື​ກັບ​ທີ​ມສອບ​ສວນ​ຂອງ​ອາ​ເມ​ລິ​ກາ​ຢູ່.

- WhatsApp Image 2020 05 27 at 5 - ສປປ ເກົາຫລີ ອາດຢູ່ເບື້ອງຫລັງການໂຈມຕີໂລກອິນເຕີເນັດ
- WhatsApp Image 2020 05 27 at 5 - ສປປ ເກົາຫລີ ອາດຢູ່ເບື້ອງຫລັງການໂຈມຕີໂລກອິນເຕີເນັດ
error: Alert: ເນື້ອຫາຂ່າວມີລິຂະສິດ !!