ເຫດການສຳຄັນຂອງໂລກໃນປີ 2018

ເຫດການສຳຄັນຂອງໂລກໃນປີ 2018 - advert banner 728 90 728x90 - ເຫດການສຳຄັນຂອງໂລກໃນປີ 2018
ເຫດການສຳຄັນຂອງໂລກໃນປີ 2018 - 1545967255082 - ເຫດການສຳຄັນຂອງໂລກໃນປີ 2018

       ການ​ວາງຢາ​ອະດີດ​ສາຍ​ລັບ​ສອງ​ໜ້າຣັດ​ເຊຍ: 4 ມີນາ, ທ່ານ ​ເຊີ​ເກ ສະກຣີປາລ ອະດີດ​ສາຍ​ລັບຣັດ​ເຊຍ​ໄວ 66 ປີ ​ແລະ ລູກ​ສາວ​ໄວ 33 ປີ ຖືກ​ພົບນອນ​ໝົດ​ສະຕິ ​ແລະ ຖືກ​ວາງຢາ​ຢູ່​ຫາດ​ຊາຍ​ເມືອງ​ຊອລບຣີ​ໃນ​ອັງກິດ, ທາງ​ການ​ອັງກິດ​ບົ່ງ​ໃສ່​ທີ່ຣັດ​ເຊຍ ສົງ​ໄສ​ວ່າ​ຢູ່​ເບື້ອງຫລັງ. ຈາກ​ນັ້ນ​ເດືອນ​ກັນຍາ, ອັງກິດ​ອອກ​ໝາຍ​ຈັບ​ສາຍ​ລັບຣັດ​ເຊຍ 2 ຄົນຂໍ້​ຫາ​ພະຍາຍາມ​ຂ້າ​ພໍ່-ລູກ​ຄອບຄົວ ສະກຣີປາລ, ​ແຕ່​ຮັດ​ເຊຍ​ບອກ​ບໍ່​ກ່ຽວຂ້ອງ. ອັງກິດ-ຣັດ​ເຊຍ ຕອບ​ໂຕ້​ກັນ​ໄປມາ​ຢ່າງ​ດຸ​ເດືອດ ​ໂດຍ​ມີ​ປະ​ເທດ​ຕາ​ເວັນ​ຕົກ​ຮ່ວມ​ໜຸນ​ອັງກິດ. ​ເຫດການ​ແຜ່​ລາມ​ໄປ​ເຖິງ​ການ​ສັ່ງ​ຂັບ​ໄລ່​ທູດ​ອອກ​ຈາກ​ປະ​ເທດ​ເຊິ່ງກັນ ​ແລະ ກັນ ​ແລະ ມີ​ມາດ​ຕະການ​ຂວ້ຳບາດຣັດ​ເຊຍ ສຸດ​ທ້າຍ​ຄອບຄົວ ສະກຣີປາລ ລອດ​ຊີວິດ.

ເຫດການສຳຄັນຂອງໂລກໃນປີ 2018 - 1545967220202 - ເຫດການສຳຄັນຂອງໂລກໃນປີ 2018

      ທ່ານ ທຣຳ ຈີ​ກຂໍ້​ຕົກລົງ​ນິວ​ເຄຼຍອີຣານ: 8 ພຶດສະພາ, ປະທານາທິບໍດີ ​ໂດ​ນັລ ທຣຳ ປະກາດ​ວ່າ​ອາ​ເມ​ລິ​ກາ​ຖອນ​ຕົວ​ຈາກ​ຂໍ້​ຕົກລົງ​ນິວ​ເຄຼຍກັບ​ອີຣານປີ 2014 ​ເຊິ່ງຈຳກັດ​ໂຄງການ​ນິວ​ເຄຼຍອີຣານ​ແລກປ່ຽນ​ກັບ​ການ​ຫລຸດຜ່ອນ​ມາດ​ຕະການ​ຂວ້ຳບາດ. ທ່ານ ທຣຳ ອ້າງ​ວ່າ​ຂໍ້​ຕົກລົງ​ພຽງ​ດ້ານ​ດຽວ​ບໍ່​ພຽງພໍ​ຈະ​ສະກັດ​ອີຣານ​ໃນ​ການ​ພັດທະນາ​ລະ​ເບີດ​ນິວ​ເຄຼຍ​ໄດ້, ​ແຕ່​ຫລາຍ​ຝ່າຍ​ພັດ​ຕຳ​ໜິຜູ້ນຳ​ອາ​ເມ​ລິ​ກາ. ສ່ວນ​ພາຄີ​ທີ່​ເຫລືອ​ເຊັ່ນ: ອັງກິດ, ຝຣັ່ງ, ​ເຢຍລະ​ມັນ, ຣັດ​ເຊຍ ​ແລະ ຈີນ ຢືນຢັນ​ປະຕິບັດ​ຕາມ​ຂໍ້​ຕົກລົງ​ນິວ​ເຄຼຍກັບ​ອີຣານຕໍ່​ໄປ. ລັດຖະບານ​ອາ​ເມ​ລິ​ກາ​ຍັງ​ເດີນ​ໜ້າຮື້ຟື້ນຂວ້ຳບາດ​ອີຣານຮອບ​ທຳ​ອິດ​ໃນ​ເດືອນ​ສິງຫາ ​ແລະ ​ເພີ່ມ​ອີກ​ຮອບ​ທີ​ສອງ​ໃນ​ເດືອນ​ພະຈິກ.

ເຫດການສຳຄັນຂອງໂລກໃນປີ 2018 - 1545967356777 - ເຫດການສຳຄັນຂອງໂລກໃນປີ 2018

     ອາ​ເມ​ລິ​ກາ​ຍ້າຍ​ສະຖານທູດ​ໄປ​ເຢລູຊາ​ເລ​ມ: 14 ພຶດສະພາ, ອາ​ເມ​ລິ​ກາ​ເປີດສະຖານທູດ​ແຫ່ງ​ໃໝ່​ໃນ​ນະຄອນຫລວງ​ເຢລູຊາ​​ເລ​ມ ​ເຮັດ​ໃຫ້​ປາ​ແລັສຕິນບໍ່ພໍ​ໃຈ ​ເພາະ​ເບິ່ງ​ວ່າ​ເປັນ​ດິນ​ແດນ​ສັກສິດ​ທີ່​ຫວັງ​ສ້າງຕັ້ງ​ເປັນ​ເມືອງ​ຫລວງ​ເຊັ່ນ​ກັນ. ການ​ກະທຳ​ຂອງ​ອາ​ເມ​ລິ​ກາ​ຍັງ​ຂັດ​ກັບ​ນະ​ໂຍບາຍ​ສາກົນ​ທີ່​ຕ້ອງການ​ໃຫ້​ອິດສະ​ລາ​ແອນ-ປາ​ແລັສຕິນຕົກລົງ​ກັນ​ເອງ. ການ​ປະ​ທະ​ມີ​ຂຶ້ນຕາມ​ຊາຍ​ແດນ​ອິດສະ​ລາ​ແອນ-ກາຊາ​ໃນ​ເຂດ​ປາ​ແລັສຕິນກາຍ​ເປັນ​ເຫດ​ນອງ​ເລືອດ, ຊາວ​ປາ​ແລັສຕິນ​ເສຍ​ຊີວິດ 60 ຄົນ ​ເພາະ​ຝ່າຍ​ອິດສະ​ລາ​ແອນ​ທີ່​ຍິງ​​ໂຈມ​ຕີ​ກັບ.

ເຫດການສຳຄັນຂອງໂລກໃນປີ 2018 - 1545967460984 - ເຫດການສຳຄັນຂອງໂລກໃນປີ 2018

     ທ່ານ ທຣຳ – ທ່ານ ກິມ ​ພົບ​ປະ​ຫາລື​ກັນ: 12 ມິຖຸນາ, ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ​ແລະ ທ່ານ ກິມ ຈ໋ອງອິນ ຜູ້ນຳ ສປປ ​ເກົາຫລີ ພົບ​ກັນ​ຢູ່​ສິງກະ​ໂປ​ເປັນຄັ້ງທຳ​ອິດ, ທັງ​ຍັງ​ລົງ​ນາມ​ໃນ​ຂໍ້​ຕົກລົງ​ເພື່ອ​ຢືນຢັນ​ວ່າ: ສປປ ​ເກົາຫລີ ປະຕິບັດ​ຕາມ​ສັນຍາ​ປົດ​ນິວ​ເຄຼຍຢູ່​ແຫລມ​ເກົາຫລີ, ​ແຕ່​ການ​ຍົກ​ເລີກ​ໂຄງການ​ນິວ​ເຄຼຍ ສປປ ​ເກົາຫລີ ຍັງ​ບໍ່​ຄືບ​ໜ້າ, ອາ​ເມ​ລິ​ກາ ​ແລະ ສປປ ​ເກົາ​ຫລີ ຍັງ​ເຫັນ​ຕ່າງ​ໃນ​ເລື່ອງ​ຂໍ້​ຕົກລົງ.

ເຫດການສຳຄັນຂອງໂລກໃນປີ 2018 - 1545967241452 - ເຫດການສຳຄັນຂອງໂລກໃນປີ 2018

       ພາລະກິດ​ໂລກ-ຊ່ວຍ​ທີ​ມໝູ​ປ່າ​ຈາກ​ຖ້ຳຫລວງ: 10 ກໍລະກົດ, ທີ​ມກູ້​ໄພ​ຈາກ​ທົ່ວ​ໂລກ​ຮ່ວມ​ກັນ​ອອກ​ຕິດຕາມ​ຄົ້ນຫາ ​ແລະ ຊ່ວຍ​ເຫລືອ​ນັກ​ເຕະບານ​ເຍົາວະ​ຊົນ​ທີ​ມໝູ​ປ່າ​ອາຄາ​ເດ​ມີ 12 ຄົນ ​ແລະ ​ຄູ​ຝຶກ ​ເຊິ່ງຕິດ​ຢູ່​ພາຍ​ໃນ​ຖ້ຳຫລວງ-ຂຸນ​ນ້ຳນອງ​ນອນ ​ແຂວງ​ຊຽງຣາຍ ປະ​ເທດ​ໄທ ​ເຖິງ 17 ວັນ. ທ່ົວ​ໂລກ​ເອົາ​ໃຈ​ຊ່ວຍ ​ແລະ ຕິດຕາມ​ຊະ​ຕາ​ກຳ​ທີ​ມໝູ​ປ່າ​ນ້ອຍ​ຈາກ​ຂ່າວ ​ແລະ ສັງຄົມ​ອອນ​ລາຍ. “ຈ່າ​ແຊມ” ທ່ານ ສະໝານ ກຸ​ນັນ ອະດີດ​ນາວິກ​ໂຍທິນ​ໄວ 38 ປີ​ເສຍ​ຊີວິດ ລະຫວ່າງ​ພາລະກິດ​ຊ່ວຍ​ທີ​ມໝູ​ປ່າ ​ໂດຍ​ມີ​ຜູ້​ຊ່ຽວຊານ​ດ້ານ​ການ​ດຳ​ຖ້ຳຈາກ​ອັງກິດ, ອາ​ເມ​ລິ​ກາ ​ແລະ ບັນດາ​ປະ​ເທດ​ຮ່ວມ​ນຳ ຈົນ​ຊ່ວຍ​ທີ​ມໝູ​ປ່າ​ອອກ​ຈາກ​ຖ້ຳຫລວງ​ໄດ້​ສຳ​ເລັດ.

ເຫດການສຳຄັນຂອງໂລກໃນປີ 2018 - 1 1 - ເຫດການສຳຄັນຂອງໂລກໃນປີ 2018
ເຫດການສຳຄັນຂອງໂລກໃນປີ 2018 - lattana 1 - ເຫດການສຳຄັນຂອງໂລກໃນປີ 2018
ເຫດການສຳຄັນຂອງໂລກໃນປີ 2018 - 1545967204894 - ເຫດການສຳຄັນຂອງໂລກໃນປີ 2018
SPAIN-WEATHER-HEAT-TOURISM

      ​ເອີຣົບ-ອາ​ເມ​ລິ​ກາ ທັງ​ຮ້ອນ​ທັງ​ໄໝ້: ​ເດືອນ​ກໍລະກົດ-ສິງຫາ ຄື້ນຄວາມ​ຮ້ອນ​ແຜ່​ປົກ​ຄຸມ​ທົ່ວ​ທະ​ວີ​ບ​ເອີຣົບ ອຸນຫະພູມ​ທຳລາຍ​ສະຖິຕິ​ສູງ​ສຸດ​ເປັນ​ປະຫວັດສາດ 48 ອົງສາ. ​ເອີຣົບ​ໃຕ້​ເຊັ່ນ: ​ເກຣັກ, ປອກຕຸຍ​ການ ​ແລະ ​ແອັສປາຍ ​ເກີດ​ໄຟ​ໄໝ້​ປ່າ​ຢ່າງ​ຮຸນ​ແຮງ, ຕໍ່​ມາ​ເດືອນ​ພະຈິກ ລັດ​ກາ​ລິ​ຟໍ​ເນຍທີ່​ມີ​ປະຊາກອນ​ຫລາຍ​ທີ່​ສຸດ​ຂອງ​ອາ​ເມ​ລິ​ກາ​ຜະ​ເຊີນ​ໄຟ​ໄໝ້​ປ່າ​ຄັ້ງຮ້າຍ​ແຮງ​ທີ່​ສຸດ​ໃນ​ປະຫວັດສາດ​ຂອງ​ລັດ​ນີ້ ມີ​ຜູ້​ເສ​ຍຊີວິດ 85 ຄົນ, ​ໄຟ​ໄດ້​ໄໝ້​ຢູ່​ສອງ​ອາທິດ​ກວ່າ​ເຈົ້າໜ້າ​ທີ່​ຈະ​ຄວບ​ຄຸມ​ໄດ້. ອົງການ​ອຸຕຸນິຍົມ​ວິທະຍາ​ໂລກ​ຂອງ​ສະຫະ​ປະຊາ​ຊາດ​ປະກາດ​ໃຫ້​ເດືອນ​ພະຈິກ​ປີ​ນີ້​ເປັນ​ເດືອນ​ທີ່​ຮ້ອນ​ທີ່​ສຸດ​ເປັນອັນ​ດັບ 4 ນັບ​ແຕ່​ມີ​ການ​ເກັບ​ສະຖິຕິ​ມາ.

ເຫດການສຳຄັນຂອງໂລກໃນປີ 2018 - 1545967248540 - ເຫດການສຳຄັນຂອງໂລກໃນປີ 2018

        ຂ້າ​ນັກ​ຂ່າວ​ອາຣັບບີ ຊາ​ອຸ​ດິດ: ວັນ​ທີ 2 ຕຸລາ, ທ່ານ ຈາ​ມາລ ຄາ​ຊອກ​ກີ ນັກ​ຂ່າວ​ຊາວ​ອາຣັບບີ ຊາ​ອຸ​ດິດ ​ແລະ ນັກ​ຂຽນ​ຄໍ​ລຳ​ຂອງ​ໜັງສືພິມ​ວໍ​ຊິງ​ຕັນ​ໂພສ ​ເຂົ້າ​ໄປ​ໃນ​ສະຖານ​ກົງສຸນ​ອາຣັບບີ ຊາ​ອຸ​ດິດ ​ໃນ​ນະຄອນ​ອິສຕັນ​ບູລຂອງ​ຕວກກີ ​ແລະ ບໍ່​ໄດ້​ກັບ​ອອກ​ມາ​ອີກ. ທາງ​ການ​ອາຣັບບີ ຊາ​ອຸ​ດິດ ຍອມຮັບ​ຫລັງ​ປະຕິ​ເສດ ​ແລະ ອອກ​ຖະ​ແຫລ​ງການ​ເນື້ອ​ໃນ​ຂັດ​ແຍ່ງ​ກັນ​ມາ​ກວ່າ​ສອງ​ອາທິດ​ວ່າ: ລາວ​ຖືກ​ຂ້າ​ໃນ​ສະຖານ​ກົງສຸນ ​ເພາະ​ມີ​ປາກ​ສຽງ. ພ້ອມ​ສັ່ງ​ປົດ ​ແລະ ຈັບ​ກຸມ​ເຈົ້າໜ້າ​ທີ່​ຫລາຍ​ຄົນ​ທີ່​ກ່ຽວຂ້ອງ​ໃນ​ເລື່ອງ​ນີ້, ​ແຕ່​ຢືນຢັນ​ໜັກ​ແໜ້ນ​ວ່າ: ​ເຈົ້າຊາຍ​ໂມ​ຮຳ​ເໝັດ ບິ​ນ ຊັລມານ ບໍ່​ໄດ້​ສັ່ງ​ຂ້າ​ຕາມ​ທີ່​ມີ​ສຽງ​ລື.

ເຫດການສຳຄັນຂອງໂລກໃນປີ 2018 - 1545967687945 - ເຫດການສຳຄັນຂອງໂລກໃນປີ 2018

      ​ເສື້ອກັກ​ເຫລືອງ​ກໍ່​ເຫດ​ທົ່ວ​ຝຣັ່ງ: ວັນ​ເສົາ​ທີ 17 ພະຈິກ, ຜູ້​ໃສ່​ເສື້ອກັກສີ​ເຫລືອງ​ສະທ້ອນ​ແສງ​ຊຸມນຸມ​ທົ່ວ​ຝຣັ່ງປະ​ທ້ວງ​ລັດຖະບານ​ທີ່​ຂຶ້ນພາສີ​ນ້ຳມັນ. ການ​ປະ​ທ້ວງ​ທຸກ​ວັນ​ເສົາ​ລຸກລາມ​ຂະຫຍາຍ​ວົງ​ກວ້າງ​ເປັນ​ການ​ຕໍ່ຕ້ານ​ນະ​ໂຍບາຍ​ທຸກ​ຢ່າງ​ຂອງ​ລັດຖະບານ​ປະທານາທິບໍດີ ​ເອມາ​ນູ​ເອລ ມາຄຣົງ. ​ເຂດ​ທ່ອງ​ທ່ຽວ​ຊື່​ດັງ​ຂອງ​ນະຄອນຫລວງ​ປາຣີກາຍ​ເປັນ​ສະໜາມຮົບ, ມີ​ການ​ຈູດ​ເຜົາສິ່ງ​ຂອງ, ທຳລາຍ​ຮ້ານ​ຄ້າ ຈົນ​ລັດຖະບານ​ຍອມ​ຍົກ​ເລີກ​ແຜນການ​ຂຶ້ນພາສີ ​ແລະ ປະທານາທິບໍດີ ມາຄຣົງ ປະກາດ​ອີກ​ຫລາຍ​ມາດ​ຕະການ​ໃນ​ວັນ​ທີ 10 ທັນວາ ຫວັງ​ບັນ​ເທົາ​ກະ​ແສ​ປະ​ທ້ວງ, ໜຶ່ງ​ໃນ​ນັ້ນຄື​ການ​ຂຶ້ນຄ່າ​ແຮງ​ຂັ້ນຕໍ່າ ​ແຕ່​ຍັງ​ມີ​ການ​ປະ​ທ້ວງ​ທຸກ​ວັນ​ເສົາ ​ເຖິງ​ວ່າ​ຈຳນວນ​ຜູ້​ເຂົ້າຮ່ວມ​ເລີ່​ມໜ້ອຍ​ລົງ.

ເຫດການສຳຄັນຂອງໂລກໃນປີ 2018 - 1545967318689 - ເຫດການສຳຄັນຂອງໂລກໃນປີ 2018

       ​ເບຣັກຊິດ​ວຸ້ນ​ບໍ່​ຈົບ: ອັງກິດ ​ແລະ ສະຫະພາບ​ເອີຣົບ (EU) ບັນລຸ​ຂໍ້​ຕົກລົງ​ເບຣັກຊິດ​ໄດ້​ໃນ​ທີ່​ສຸດ​ວັນ​ທີ 25 ພະຈິກ ຫລັງ​ຈາກ​ຊາວ​ສະຫະ​ລາຊະ​ອານາຈັກ​ລົງ​ປະຊາ​ມະຕິ​ໄປ​ແຕ່​ວັນ​ທີ 23 ມິຖຸນາ 2016. ນາຍົກລັດຖະມົນຕີ ​ເທ​ເຣຊາ ​ເມ ​ເລື່ອນ​ລົງມະຕິ​ໃນ​ສະພາ​ຜູ້​ແທນ​ລາສະດອນ​ຢ່າງ​ກະທັນຫັນ ​ເພາະ​ຮູ້​ດີ​ວ່າ​ຈະ​ຖືກ​ຂວ້ຳ​ແນ່ນອນ ​ເຮັດ​ໃຫ້ ສສ ລູກ​ພັກ​ເປີດ​ລົງມະຕິ​ບໍ່​ໄວ້​ວາງ​ໃຈ​ໃນ​ຖານະ​ຫົວໜ້າ​ພັກ​ອະນຸລັກ​ນິຍົມ ​ແຕ່​ນາງ​ລອດ​ມາ​ໄດ້ ​ແລະ ປະກາດ​ຈະ​ເປີດ​ລົງມະຕິ​ໃນ​ກາງ​ເດືອນ​ມັງກອນ ກ່ອນ​ຈະ​ຕ້ອງ​ອອກ​ຈາກ EU ພາຍ​ໃນ​ເດືອນ​ມີນາ.

error: Content is protected !!