ສະມາຊິກ TPP ຈະຫາລືນອກຮອບເອເປກເລື່ອງຟື້ນຂໍ້ຕົກລົງຫລັງອາເມລິກາຖອນຕົວ

- advert banner 728 90 728x90 - ສະມາຊິກ TPP ຈະຫາລືນອກຮອບເອເປກເລື່ອງຟື້ນຂໍ້ຕົກລົງຫລັງອາເມລິກາຖອນຕົວ

ສະມາຊິກຂໍ້​ຕົກລົງ​ການ​ເປັນ​ຫຸ້ນ​ສ່ວນ​ຂ້າມ​ມະຫາ​ສະໝຸດ​ປາຊີ​ຟິກ (TPP) ຈະ​ຫາລື​ນອກ​ຮອບ​ກອງ​ປະຊຸມ​ກຸ່ມ​ການ​ຮ່ວມ​ມື​ທາງ​ເສດຖະກິດ​ໃນ​ພາກພື້ນອາຊີ-ປາຊີ​ຟິກ (​ເອ​ເປ​ກ) ​ໃນ​ທ້າຍ​ອາທິດ​ນີ້ ​ເລື່ອງ​ຈະ​ຟື້ນ TPP ​ແນວ​ໃດ​ພາຍຫລັງ​ອາ​ເມ​ລິ​ກາ​ຖອນ​ຕົວ.

 

- 1495009114609 960x0 - ສະມາຊິກ TPP ຈະຫາລືນອກຮອບເອເປກເລື່ອງຟື້ນຂໍ້ຕົກລົງຫລັງອາເມລິກາຖອນຕົວ

 

ລັດຖະມົນຕີ​ການ​ຄ້າ 11 ປະ​ເທດ​ສະມາຊິກ TPP ຈະ​ຫາລື​ນອກ​ຮອບ​ກອງ​ປະຊຸມ​ເອ​ເປ​ກ ຢູ່​ນະຄອນຫລວງ​ຮ່າ​ໂນ້ຍ ຂອງ​ຫວຽດນາມ ​ໃນ​ວັນ​ທີ 19-21 ພຶດສະພາ​ນີ້ ​ເພ່ືອ​ເດີນ​ໜ້າ TPP ຕໍ່​ໄປ, ພາຍຫລັງ​ປະທານາທິບໍດີ ​ໂດ​ນັນ ທຣຳ ຂອງ​ອາ​ເມ​ລິ​ກາ ຖອນ​ຕົວ​ຈາກ TPP ທັນທີ​ທີ່​ເຂົ້າຮັບ​ຕຳ​ແໜ່​ງ ສົ່ງ​ຜົນ​ໃຫ້​ມູນ​ຄ່າ​ການ​ຄ້າ​ພາຍ​ໃນ TPP ​ເຫລືອ​ພຽງ 1 ​ໃນ 4 ຂອງ TPP ​ເກົ່າ​ທີ່​ມີ​ອາ​ເມ​ລິ​ກາ​ຢູ່​ນຳ. ຮອດ​ປັດຈຸບັນ​ນີ້ມີ​ພຽງ​ຍີ່ປຸ່ນ ​ແລະ ນູ​ແວນ​ເຊ​ລັງ​ທີ່​ສະ​ແດງ​ທ່າ​ທີ​ຈະ​ແຈ້ງວ່າ​ຈະ​ຊຸກ​ດັນ​ TPP ຕໍ່​ໄປ, ສ່ວນ​ປະ​ເທດ​ທີ່​ເຫລືອ​ຍັງ​ສະຫງວນ​ທ່າ​ທີ​ໄດ້​ແກ່​ອົດ​ສະຕຣາລີ, ບຣູ​ໄນ, ກາ​ນາ​ດາ, ຊີ​ເລ, ມາ​ເລ​ເຊຍ, ​​ເມັກ​ຊິກ, ​ເປຣູ, ສິງກະ​ໂປ ​ແລະ ຫວຽດນາມ. ນາຍົກລັດຖະມົນຕີ ຊິນ​ໂຊ ອາ​ເບະ ຂອງ​ຍີ່ປຸ່ນ ກ່າວ​ໃນ​ວັນ​ທີ 16 ພຶດສະພາ​ນີ້​ວ່າ: ຍີ່ປຸ່ນ​ຈະ​ປະ​ຄັບ​ປະຄອງ​ການ​ຫາລື​ຢູ່​ນະຄອນຫລວງ​ຮ່າ​ໂນ້ຍ​ໃຫ້​ເປັນ​ໄປ​ໃນ​ທິດ​ທາງ​ທີ່​ຈະ​ແຈ້ງ. ນັກວິຊາການ​ຊາວ​ຫວຽດນາມ​ເບິ່ງ​ວ່າ: ການ​ຊຸກ​ດັນ TPP ຈະ​ເຮັດ​ໃຫ້​ຍີ່ປຸ່ນ​ມີ​ອຳນາດ​ໃນ​ການ​ເຈລະຈາ​ທະວີ​ພາຄີ​ກັບ​ອາ​ເມ​ລິ​ກາ​ຫລາ​ຍຂຶ້ນ ​ເຊັ່ນ​ດຽວ​ກັບ​ສະມາຊິກ​ປະ​ເທດ​ອື່ນໆ​ໃນ TPP.

- lattana 1 - ສະມາຊິກ TPP ຈະຫາລືນອກຮອບເອເປກເລື່ອງຟື້ນຂໍ້ຕົກລົງຫລັງອາເມລິກາຖອນຕົວ
- 1 1 - ສະມາຊິກ TPP ຈະຫາລືນອກຮອບເອເປກເລື່ອງຟື້ນຂໍ້ຕົກລົງຫລັງອາເມລິກາຖອນຕົວ

 

 

ຂະນະ​ດຽວ​ກັນຫລາຍ​ຝ່າຍ​ເຝົ້າຕິດຕາມ​ການ​ເຈລະຈາ​ທະວີ​ພາຄີ​ລະຫວ່າງ​ທ່ານ ​ໂຣ​ເບີດ ​ໄລ​ໄທ​ເຊີ ຜູ້​ແທນ​ການ​ຄ້າ​ອາ​ເມ​ລິ​ກາ​ກັບປະ​ເທດ​ຄູ່​ເຈລະຈາ​ໃນ​ອາ​ເປ​ກຢ່າງ​ໃກ້ຊິດ. ທ່ານ ​ໄລ​ໄທ​ເຊີ ກ່າວ​ກ່ອນ​ໜ້າ​ນີ້​ວ່າ: ຈະ​ເຮັດ​ໃຫ້ການ​ຄ້າ​ກັບປະ​ເທດ​ອື່ນ​ມີ​ຄວາມ​ເສລີ ​ແລະ ​ເປັນ​ທຳ​ຕໍ່​ອາ​ເມ​ລິ​ກາ​ຫລາຍ​ຂຶ້ນ ​ເພື່ອ​ຜົນ​ປະ​ໂຫຍ​ດຂອງ​ຊາວ​ອາ​ເມ​ລິ​ກາ ຕາມ​ປະທານາທິບໍດີ​ ທຣຳ ປະກາດ​ນະ​ໂຍບາຍ​ອາ​ເມ​ລິ​ກາມາ​ກ່ອນ.

error: Content is protected !!