ສັ່ງຢຸດຕິການບໍລິການຫ້ອງກວດພະຍາດເອກະຊົນ ເກືອບ 250 ແຫ່ງໃນທົ່ວປະເທດ

ສັ່ງຢຸດຕິການບໍລິການຫ້ອງກວດພະຍາດເອກະຊົນ ເກືອບ 250 ແຫ່ງໃນທົ່ວປະເທດ - advert banner 728 90 728x90 - ສັ່ງຢຸດຕິການບໍລິການຫ້ອງກວດພະຍາດເອກະຊົນ ເກືອບ 250 ແຫ່ງໃນທົ່ວປະເທດ

     ກະຊວງສາທາລະນະສຸກ ໄດ້ອອກຄຳສັ່ງໃຫ້ຢຸດຕິການບໍລິການຫ້ອງກວດພະຍາດ ຫລື ຄລີນິກເອກະຊົນ 248 ແຫ່ງ ໃນທົ່ວປະເທດ, ຫລັງຈາກກວດກາແລ້ວເຫັນວ່າເຄື່ອນໄຫວບໍ່ຖືກຕ້ອງຕາມກົດໝາຍ ແລະ ລະບຽບການທີ່ກຳນົດໄວ້, ໃນນີ້ຫລາຍກວ່າໝູ່ແມ່ນຢູ່ນະຄອນຫລວງວຽງຈັນມີ 120 ກວ່າແຫ່ງ, ຮອງລົງມາແມ່ນຢູ່ແຂວງສະຫວັນນະເຂດມີເກືອບ 40 ແຫ່ງ ແລະ ແຂວງອຸດົມໄຊ 16 ແຫ່ງ.

ສັ່ງຢຸດຕິການບໍລິການຫ້ອງກວດພະຍາດເອກະຊົນ ເກືອບ 250 ແຫ່ງໃນທົ່ວປະເທດ - new3 - ສັ່ງຢຸດຕິການບໍລິການຫ້ອງກວດພະຍາດເອກະຊົນ ເກືອບ 250 ແຫ່ງໃນທົ່ວປະເທດ

      ທ່ານ ບຸນໜັກ ໄຊຊະນະສົງຄາມ ຫົວໜ້າກົມປິ່ນປົວ ແລະ ຟື້ນຟູໜ້າທີ່ການ ກະຊວງສາທາລະນະສຸກ ໃຫ້ຮູ້ວ່າ: ໃນປີ 2017, ທົ່ວປະເທດ ມີຄລີນິກເອກະຊົນທັງໝົດ 1.050 ແຫ່ງ. ຜ່ານການກວດກາຕົວຈິງໃນປີ 2018 ນີ້ ສາມາດຕໍ່ໃບອະນຸຍາດໃຫ້ສືບຕໍ່ເຄື່ອນໄຫວບໍລິການສັງຄົມຕໍ່ໄປໄດ້ 802 ແຫ່ງ, ສ່ວນອີກ 248 ແຫ່ງ ແມ່ນຕ້ອງໄດ້ຢຸດເຊົາການບໍລິການ ເນື່ອງຈາກຫລາຍປັດ​ໄຈ ເປັນຕົ້ນຜູ້ໄດ້ຮັບໃບອະນຸຍາດດຳເນີນກິດຈະການຈຳນວນໜຶ່ງເອົາໃບອະນຸ

ສັ່ງຢຸດຕິການບໍລິການຫ້ອງກວດພະຍາດເອກະຊົນ ເກືອບ 250 ແຫ່ງໃນທົ່ວປະເທດ - 20160919 120311 - ສັ່ງຢຸດຕິການບໍລິການຫ້ອງກວດພະຍາດເອກະຊົນ ເກືອບ 250 ແຫ່ງໃນທົ່ວປະເທດ

ຍາດຂອງຕົນໄປໃຫ້ຄົນຕ່າງປະເທດເຊົ່າ, ຈຳນວນໜຶ່ງເສຍຊີວິດ ແລະ ອື່ນໆ ຊຶ່ງເຫັນວ່າບໍ່ຖືກຕ້ອງຕາມກົດ ໝາຍ ແລະ ລະບຽບການ. ສໍາລັບຄລີນິກທີ່ໄດ້ຮັບຕໍ່ໃບອະນຸຍາດແລ້ວ 802 ແຫ່ງນີ້, ຂະແໜງການກ່ຽວຂ້ອງຈະສືບຕໍ່ຕິດຕາມກວດກາຢ່າງຕໍ່ເນື່ອງ, ຖ້າເຫັນວ່າຄລີນິກໃດເຄື່ອນໄຫວບໍລິການບໍ່ຖືກຕ້ອງກໍຈະໃຫ້ຢຸດເຊົາ, ເພື່ອຮັບປະກັນໃຫ້ຄຸນນະພາບດ້ານການບໍລິການຂອງຄລີນິກເອກະຊົນໃນລາວໄດ້ຮັບການປັບປຸງໃຫ້ນັບມື້ນັບດີຂຶ້ນຢ່າງຕໍ່ເນື່ອງ.

ສັ່ງຢຸດຕິການບໍລິການຫ້ອງກວດພະຍາດເອກະຊົນ ເກືອບ 250 ແຫ່ງໃນທົ່ວປະເທດ - lattana 1 - ສັ່ງຢຸດຕິການບໍລິການຫ້ອງກວດພະຍາດເອກະຊົນ ເກືອບ 250 ແຫ່ງໃນທົ່ວປະເທດ

     ທ່ານຫົວໜ້າກົມປິ່ນປົວ ແລະ ຟື້ນຟູໜ້າທີ່ການ ກ່າວຢ້ຳວ່າ: ຫ້ອງກວດພະຍາດ ຫລື ຄລີນິກເອກະຊົນເປັນອາຊີບທີ່ລັດຖະບານສະຫງວນໄວ້ໃຫ້ຄົນລາວເພື່ອນໍາໃຊ້ວິຊາສະເພາະຂອງຕົນທຳມາຫາກິນ ແລະ ຊ່ວຍບໍລິການປິ່ນປົວສຸຂະພາບຂອງປະຊາຊົນໃນສະພາບທີ່ຕາໜ່າງສາທາລະນະສຸກຂອງລາວຍັງບໍ່ທັນກວ້າງຂວາງເທົ່າທີ່ຄວນ; ສ່ວນໂຮງໝໍແມ່ນສາມາດເປີດບໍລິການໄດ້ທັງຄົນລາວ ແລະ ຄົນຕ່າງປະເທດ ແຕ່ຕ້ອງຖືກຕ້ອງຕາມກົດໝາຍ ແລະ ລະບຽບການທຸກຢ່າງ. ປັດຈຸບັນ, ທົ່ວປະເທດເຮົາມີໂຮງໝໍເອກະຊົນ 27 ແຫ່ງ, ໃນນີ້ຢູ່ນະຄອນຫລວງວຽງຈັນມີ 18 ແຫ່ງ ແລະ ຕ່າງແຂວງ 9 ແຫ່ງ.

      ສ່ວນບັນຫາຫາງສຽງຂອງສັງຄົມກ່ຽວກັບຄ່າບໍລິການຢູ່ໂຮງໝໍ ຫລື ຄລີນິກເອກະຊົນບາງແຫ່ງຍັງແພງເກີນໄປນັ້ນ, ທ່ານຫົວໜ້າກົມປິ່ນປົວ ແລະ ຟື້ນຟູໜ້າທີ່ການ ຊີ້ແຈງວ່າ: ຍ້ອນການນຳເຂົ້າເຄື່ອງມືອຸປະກອນການແພດຕ່າງໆທີ່ທັນສະໄໝຂອງເຂົາເຈົ້າມີລາຄາສູງ ຈຶ່ງເຮັດໃຫ້ຄ່າບໍລິການແພງກວ່າໂຮງໝໍລັດທົ່ວໄປ. ຜ່ານມາ, ຂະແໜງການກ່ຽວຂ້ອງກໍໄດ້ລົງໄປກວດກາບັນດາໂຮງໝໍເອກະຊົນປີລະຄັ້ງ ແລະ ເຫັນວ່າຜູ້ປະກອບການແມ່ນປະຕິບັດຕາມການແນະນໍາຂອງຂະແໜງການກ່ຽວຂ້ອງໄດ້ດີສົມຄວນ. ແນວໃດກໍຕາມ, ທ່ານໄດ້ຝາກມາຍັງສັງຄົມວ່າຖ້າຫາກມີບັນຫາ ຫລື ຂໍ້ຂ້ອງໃຈຕ່າງໆກ່ຽວກັບການບໍລິການຂອງໂຮງໝໍ ແລະ ຄລີນິກເອກະຊົນກໍສາມາດໂທລະສັບມາແຈ້ງຜ່ານຫມາຍເລກ 021-214011 ໄດ້ໃນວັນເວລາລັດຖະການ.

error: Content is protected !!