ປີໃໝ່ຂໍໃຫ້ໂຊກໃຫຍ່ໄຊງາມ

ປີໃໝ່ຂໍໃຫ້ໂຊກໃຫຍ່ໄຊງາມ - advert banner 728 90 728x90 - ປີໃໝ່ຂໍໃຫ້ໂຊກໃຫຍ່ໄຊງາມ

ໂດຍ: ທິດກ່ຳ

ມື້ສະຫລອງສົ່ງທ້າຍປີເກົ່າຕ້ອນຮັບປີໃໝ່ສາກົນ 2018-2019 ພໍດີຕົງເປະກັບ ມື້ວັນຈັນ (31/12/2018)  ວັນອັງຄານເປັນວັນທີ 1/1/ 2019 ກໍເປັນມື້ພັກ.

ກ້າວເຂົ້າປີ 2019 ອາຍຸ ຂອງ ສປປ ລາວ ພວກເຮົາກໍ ຍ່າງເຂົ້າ 44 ປີ ຖ້າສົມທຽບ ໃສ່ອາຍຸຂອງຄົນເຮົາກໍພໍດີ ເປັນຊາຍສະກັນຫັນຫ້າວ ພວມຊອກພວມຫາ, ມີຊັບ ສິນສະເຫວີຍສຸກກັບການດຳ ລົງຊີວິດໃຜຈະສຸກ, ໃຜຈະ ທຸກ, ຈະຮັ່ງຈະມີ ແລະ ໄດ້ເປັນ ແຫລ່ງເປັນນາຍກໍຢູ່ໃນລະ ຫວ່າງອາຍຸ 40 – 50 ປີມາເປັນຕົວວັດ.

ປີໃໝ່ຂໍໃຫ້ໂຊກໃຫຍ່ໄຊງາມ - 5854 - ປີໃໝ່ຂໍໃຫ້ໂຊກໃຫຍ່ໄຊງາມ

ກົງກັນຂ້າມ, ຖ້າອາຍຸກາຍ 50 ປີຂຶ້ນໄປກໍເປັນການ ເລີ່ມຕົ້ນສູ່ການເປັນວຸດທິ ຂອງອາຍຸສັງຂານເປັນຫລັກສັງຄົມ ແລະ ຄອບຄົວ.

ຜ່ານໄລຍະ 40 ກວ່າປີ ແຫ່ງການ ປົກປັກຮັກສາ  ແລະ ສ້າງສາປະເທດຊາດ ສປປ ລາວ ຂອງພວກເຮົານັບມື້ມີຄວາມຈະເລີນຮຸ່ງ ເຮືອງ ແລະ ພັດທະນາໄປ ຢ່າງກ້າວໄກ, ການເມືອງນັບ ມື້ມີສະເຖຍລະພາບໝັ້ນຄົງ, ເສດຖະກິດຂະຫຍາຍ ຕົວຢ່າງຕໍ່ເນື່ອງສະເລ່ຍແຕ່ ລະປີ 6,5% ຂຶ້ນໄປ.

ດ້ານສັງຄົມກໍມີຄວາມຈະເລີນຮຸ່ງເຮືອງ ແລະ ພັດ ທະນາໄປຕາມຍຸກຕາມສະ ໄໝ. ສິ່ງທີ່ໂດດເດັ່ນ ແລະ ສຳຄັນທີ່ສຸດກໍແມ່ນໄດ້ສ້າງເມືອງຫລວງພະບາງ, ວັດພູຈຳປາສັກ ແລະ ສຽງ ແຄນລາວກາຍເປັນມໍລະດົກ ຂອງໂລກ ແລະ ພວມສະເໜີ ທົ່ງໄຫຫີນ, ພູຫີນໜາມໜ ໍ່ ແລະ ລຳວົງລາວໃຫ້ເປັນມໍລະດົກໂລກອີກຕໍ່ໄປ.

ເມື່ອຕັ້ງໂຈດກັນ ວ່າດ້ວຍ ສາເຫດໃດປະເທດຊາດຂອງພວກເຮົາ ຈຶ່ງມີການປ່ຽນ ແປງ ແລະ ພັດທະນາໄປໃນ ທາງ ທີ່ດີກ້າວທັນຍຸກທັນ ສະໄໝ? ຄຳຕອບກໍແມ່ນ ຍ້ອນໝາກຜົນແຫ່ງການ     ຕໍ່ສູ້ ຢ່າງຍຶດເຍື້ອຍາວນານ ຂອງປະຊາຊົນບັນດາເຜົ່າ ເພື່ອຄວາມ ເປັນເອກະລາດ ແລະ ອະທິປະໄຕຂອງຊາດ ລາວຄົນ ລາວນັບແຕ່ເປິງ ເຈົ້າອານຸວົງຈົນມາຮອດ    ຍຸກການປະຕິ ວັດຊາດປະ ຊາທິປະໄຕ ປີ 1975 ຈຶ່ງ ໄດ້ຮັບໄຊຊະນະຢ່າງສົມບູນແບບ.

ປີໃໝ່ຂໍໃຫ້ໂຊກໃຫຍ່ໄຊງາມ - lattana 1 - ປີໃໝ່ຂໍໃຫ້ໂຊກໃຫຍ່ໄຊງາມ
ປີໃໝ່ຂໍໃຫ້ໂຊກໃຫຍ່ໄຊງາມ - 1 1 - ປີໃໝ່ຂໍໃຫ້ໂຊກໃຫຍ່ໄຊງາມ

ການໄດ້ມາເຊິ່ງຊື່ສຽງ ຂອງປະເທດຊາດອັນທີ່ເອີ້ນ ວ່າ ສາທາລະນະລັດ ປະຊາທິປະໄຕ ປະຊາຊົນລາວມັນບໍ່ໄດ້ງ່າຍຄືປອກກ້ວຍ, ບັນດາວິລະກິດສັດ, ນັກຮົບປະຕິວັດ ແລະ ຜູ້ນຳທີ່ຮັກຊາດ ບ້ານເມືອງໄດ້ສະຫລະຊີວິດເລືອດເນື້ອເປັນເດີມພັນຫລາຍໝື່ນຫລາຍແສນ ແລະ ຫລາຍລ້ານຄົນ.

ຕາມທິດກ່ຳວ່າ, ມາຮອດຍຸກນີ້ ພວກເຮົາມີຄວາມສຸກ, ປະເທດຊາດບ້ານ ເມືອງມີຄວາມສະຫງົບຮົ່ມເຢັນ  ແລະ ກ້າວໄປໄດ້ສ່ຳນີ້ ກໍຖືວ່າ ເປັນໂຊກໃຫຍ່ໄຊງາມ ໄດ້ພາກັນເດີນຕາມເສັ້ນ ທາງອັນຖືກຕ້ອງແຫ່ງຍຸກສະໄໝພາຍໃຕ້ການນຳພາ ອັນປີຊາສາມາດຂອງພັກ ແລະ ລັດຖະບານ.

ອີກບໍ່ນານພວກເຮົາກໍຈະເຫັນໝາກຜົນອັນຍິ່ງໃຫຍ່ ຫລາຍຢ່າງແຫ່ງໄຊຊະນະໃນການສ້າງສາປະເທດຊາດ ບ້ານເມືອງຕາມວິໄສທັດຂອງຜູ້ນຳແຕ່ລະໄລຍະ.

ໃນໂອກາດປີໃໝ່ສາກົນ ເລີ່ມຕົ້ນແຕ່ວັນທີ 1 ມັງກອນ 2019 ໜັງສືພິມລາຍວັນ ລາວພັດທະນາ ຂໍວິ້ງວອນ ແລະ ອຳນວຍອວຍໄຊ ໃຫ້ຜູ້ ນຳພັກ-ລັດ, ປວງຊົນລາວ ທັງຊາດ, ນັບທັງເພື່ອນມິດທີ່ ໃຫ້ການສະໜັບສະໜູນຈັບ ຈອງໜັງສືພິມລາວພັດທະນາ ໃຫ້ຍືນຍົງຄົງກະພັນປະ ກອບໄປດ້ວຍອາຍຸວັນນະ, ສຸຂາພາລະມີໂຊກໃຫຍ່ໄຊ ງາມພ້ອມກັນຖະໜອມຫອມຮັກປະເທດຊາດດ້ວຍຄວາມຈົ່ງຮັກພັກດີເຮັດຫລ້ອນໜ້າທີ່, ຜູ້ເຮັດທຸລະກິດກໍຂໍໃຫ້ ເສຍພາສີ, ຜູ້ເຮັດຄະດີກໍຂໍໃຫ້ປອດໂປ່ງ, ຜູ້ເຮັດຖະໜົນ ຫົນທາງກໍຂໍຢ່າໃຫ້ເປັນບວກ ເປັນຂຸມມີຂີ້ຝຸ່ນໄງ່ກຸ່ມ.

ຜູ້ສໍ້ລາດບັງຫລວງກໍຂໍ ໃຫ້ຢຸດຕິ, ລັກຕັດໄມ້ທຳລາຍ ປ່າກໍຂໍໃຫ້ເຊົາ, ຜູ້ໄປຊອກຫາ ເລາະຈັບຈອງດິນລັດ, ດິນ ຫລວງກໍຂໍໃຫ້ຢ່າພ້ອມກັນ ຫັນໜ້າສູ່ການຜະລິດເຮັດໃຫ້ ປະເທດຊາດຫລຸດພົ້ນອອກ ຈາກຄວາມທຸກຍາກ ແລະ ດ້ອຍພັດທະນາ./.

ປີໃໝ່ຂໍໃຫ້ໂຊກໃຫຍ່ໄຊງາມ - 789547 - ປີໃໝ່ຂໍໃຫ້ໂຊກໃຫຍ່ໄຊງາມ

error: Content is protected !!