ນາຍົກລັດຖະມົນຕີ ຮ່ວມປະດັບຫລຽນໄຊ ແລະ ມອບໃບຍ້ອງຍໍໃຫ້ຄະນະນັກກິລາລາວທີ່ມີຜົນງານເດັ່ນລະດັບສາກົນ

ນາຍົກລັດຖະມົນຕີ ຮ່ວມປະດັບຫລຽນໄຊ ແລະ ມອບໃບຍ້ອງຍໍໃຫ້ຄະນະນັກກິລາລາວທີ່ມີຜົນງານເດັ່ນລະດັບສາກົນ - Coin - ນາຍົກລັດຖະມົນຕີ ຮ່ວມປະດັບຫລຽນໄຊ ແລະ ມອບໃບຍ້ອງຍໍໃຫ້ຄະນະນັກກິລາລາວທີ່ມີຜົນງານເດັ່ນລະດັບສາກົນ
ນາຍົກລັດຖະມົນຕີ ຮ່ວມປະດັບຫລຽນໄຊ ແລະ ມອບໃບຍ້ອງຍໍໃຫ້ຄະນະນັກກິລາລາວທີ່ມີຜົນງານເດັ່ນລະດັບສາກົນ - Untitled design - ນາຍົກລັດຖະມົນຕີ ຮ່ວມປະດັບຫລຽນໄຊ ແລະ ມອບໃບຍ້ອງຍໍໃຫ້ຄະນະນັກກິລາລາວທີ່ມີຜົນງານເດັ່ນລະດັບສາກົນ

      ​ໃນ​ວັນ​ທີ 28 ທັນວາ​ຜ່ານ​ມາ​ນີ້, ກະຊວງສຶກສາທິການ ແລະ ກິລາ ​ໄດ້ຈັດພິທີສະຫລຸບຜົນສຳເລັດການເຂົ້າຮ່ວມງານມະຫາກຳກິລາເອຊຽນເກມ ຄັ້ງທີ 18, ກິລາເອຊຽນພາຣາເກມ ຄັ້ງທີ 12 ແລະ ການເຂົ້າຮ່ວມແຂ່ງຂັນຊີງແຊ້ມລະດັບສາກົນຕ່າງໆ​ຂຶ້ນ ທີ່ນະຄອນຫລວງວຽງຈັນ ໂດຍການໃຫ້ກຽດເຂົ້າຮ່ວມຂອງ ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ​ແລະ​ ມີລັດຖະມົນຕີກະຊວງສຶກສາທິການ ແລະ ກິລາ, ປະທານຄະນະກຳມະການໂອແລມປິກແຫ່ງຊາດ ພ້ອມດ້ວຍປະທານສະຫະພັນກິລາແຫ່ງຊາດ, ຄູຝຶກ ​ແລະ ນັກກິລາປະ​ເພດ​ຕ່າງໆເຂົ້າຮ່ວມ​ເປັນ​ຈຳນວນ​ຫລາຍ.

       ​ໃນ​ໂອກາດ​ນີ້, ທ່ານ ສົມພູ ພົງສາ ຜູ້ຊ່ວຍລັດຖະມົນຕີກະຊວງສຶກສາທິການ ແລະ ກິລາ, ຮອງປະທານ ແລະ ເລຂາທິການ ຄະນະກຳມະການໂອແລມປິກແຫ່ງຊາດ ໄດ້ກ່າວລາຍງານຜົນສຳເລັດການເຂົ້າຮ່ວມງານກິລາລະດັບສາກົນຕ່າງໆໃນປີ 2018ຄື: ກິລາເອຊຽນເກມ ຄັ້ງທີ 18 ທີ່ນະຄອນຫລວງຈາກາຕາ ແລະ ເມືອງປາເລັມບັງ ປະເທດອິນໂດເນເຊຍ ໃນວັນທີ 18 ສິງຫາ ຫາວັນທີ 2 ກັນຍາ 2018 ລາວເຮົາສົ່ງກິລາເຂົ້າຮ່ວມແຂ່ງຂັນ 19 ປະເພດ ຈາກທັງໝົດ 40 ປະເພດກິລາ ສາມາດຍາດໄດ້ 2 ຫລຽນເງິນ 3 ຫລຽນທອງ ຈາກ 2 ປະເພດກິລາຄື: ກິລາປັນຈັກສີລັດປະເພດຕໍ່ສູ້ 1 ຫລຽນເງິນ ​ແລະ ໄດ້ຈາກກິລາກະຕໍ້ທີມຄູ່ຊາຍ ​ເຮັດ​ໃຫ້ລາວເຮົາໄດ້ອັນດັບທີ 31 ຈາກ 45 ປະເທດເຂົ້າຮ່ວມ.

      ສ່ວນກິລາຄົນພິການອາຊີ ຫລື ເອຊຽນພາຣາເກມ ຄັ້ງທີ 12 ທີ່ນະຄອນຫລວງຈາກາຕາ ປະເທດອິນໂດເນເຊຍ ໃນວັນທີ 6-13 ຕຸລາ 2018 ລາວເຮົາສົ່ງນັກກິລາເຂົ້າຮ່ວມແຂ່ງຂັນ 4 ປະເພດກິລາ: ໂກນບານ, ແລ່ນ, ຍົກນໍ້າໜັກ ແລະ ລອຍນໍ້າ ຈາກທັງໝົດ 18 ປະເພດກິລາ ໄດ້ 1 ຫລຽນຄຳປະຫວັດສາດຈາກ ທ້າວ ເປ້ຍ ເຫລົາພັກດີ ກິລາຍົກນໍ້າໜັກ ລຸ້ນ 49 ກິໂລ ເຮັດໃຫ້ລາວເຮົາໄດ້ອັນດັບທີ 26 ຈາກ 44 ປະເທດເຂົ້າຮ່ວມ.

      ນອກນັ້ນທ້າຍປີ ນັກກິລາລາວເຮົາກໍສ້າງຫວັດສາດຍາດ​ໄດ້ 2 ຫລຽນຄຳ 1 ຫລຽນເງິນ 1 ຫລຽນທອງ ຈາກການແຂ່ງຂັນກິລາກະຕໍ້ຊີງແຊ້ມໂລກ ຄັ້ງທີ 33 ທີ່ໂຄລາດ ປະເທດໄທ ມີ 45 ປະເທດເຂົ້າຮ່ວມ, ສ່ວນກິລາໂວວີນາມຂອງລາວເຮົາກໍສາມາດຍາດໄດ້ 1 ຫລຽນຄຳ 3 ຫລຽນເງິນ 2 ຫລຽນທອງ ​ໃນ​ລາຍການແຂ່ງຂັນຊີງແຊ້ມອາຊຽນ ຄັ້ງທີ 5 ທີ່ນະຄອນຫລວງເນປີດໍ ປະເທດມຽນມາ.

     ຈາກຜົນງານໃນຄັ້ງນີ້ ລັດຖະບານ ໄດ້ມອບຫລຽນໄຊແຮງງານ ຊັ້ນ 1 ໃຫ້ 14 ທ່ານ ແລະ 2 ກົມກອງ ຈາກກິລາກະຕໍ້ຊີງແຊ້ມໂລກ ແລະ ກິລາເອຊຽນພາຣາເກມ; ມອບຫລຽນໄຊແຮງງານຊັ້ນ 2 ໃຫ້ 26 ທ່ານ ແລະ 4 ກົມກອງ ຈາກກິລາເອຊຽນເກມ ແລະ ກິລາກະຕໍ້ຊີງແຊ້ມໂລກ; ມອບຫລຽນໄຊແຮງງານຊັ້ນ 3 ໃຫ້ 19 ທ່ານ ແລະ 1 ກົມກອງ ຈາກກິລາເອຊຽນເກມ ແລະ ກິລາໂວວີນາມຊີງແຊ້ມອາຊຽນ, ກະຕໍ້ຊີງແຊ້ມໂລກ ແລະ ຍິງປືນ. ມອບຫລຽນກາແຮງງານ 26 ຫລຽນ ຈາກການເຂົ້າຮ່ວມກິລາກເອຊຽນເກມ ແລະ ໂວວີນາມຊີງແຊ້ມອາຊຽນ ແລະ ມອບໃບຍ້ອງຍໍລັດຖະບານ ໃຫ້ 2 ທ່ານ ​ແລະ 21 ກົມກອງ ຈາກການເຂົ້າຮ່ວມກິລາເອຊຽນເກມ ແລະ ກະຕໍ້ຊີງແຊ້ມໂລກ.

ນາຍົກລັດຖະມົນຕີ ຮ່ວມປະດັບຫລຽນໄຊ ແລະ ມອບໃບຍ້ອງຍໍໃຫ້ຄະນະນັກກິລາລາວທີ່ມີຜົນງານເດັ່ນລະດັບສາກົນ - Wave100S AD to Website 2020 0 - ນາຍົກລັດຖະມົນຕີ ຮ່ວມປະດັບຫລຽນໄຊ ແລະ ມອບໃບຍ້ອງຍໍໃຫ້ຄະນະນັກກິລາລາວທີ່ມີຜົນງານເດັ່ນລະດັບສາກົນ

      ໂອກາດດັ່ງກ່າວ ພະນະທ່ານນາຍົກລັດຖະມົນຕີ ທອງລຸນ ສິສຸລິດ ໄດ້ກ່າວຍ້ອງຍໍຊົມເຊີຍຕໍ່ຜົນງານທີ່ຄະນະນັກກິລາລາວຍາດມາໄດ້ ໂດຍສະເພາະນັກກິລາຄົນພິການລາວທີ່ສ້າງປະຫວັດສາດຄວ້າຫລຽນຄຳປະ ຫວັດສາດ ໃນງານກິລາເອຊຽນພາຣາເກມ 2018, ລັດຖະບານໄດ້ໃຫ້ຄວາມສຳຄັນດ້ານວຽກງານກິລາຕະຫລອດມາ ເພາະກິລາເປັນຜູ້ສ້າງຄົນ, ຄົນສ້າງຊາດ ເພື່ອສຸຂະພາບ, ສັນຕິພາບ ແລະ ມິດຕະພາບ ພ້ອມ​​ໄດ້ເນັ້ນໜັກໃຫ້ຄະນະນຳ, ຄູຝຶກ ແລະ ນັກກິລາທຸກຄົນສືບຕໍ່ບຸກບືນ ແລະ ພັດທະນາຕົນເອງໃຫ້ມີຜົນງານອັນໃຫມ່ໃຫຍ່ຫລວງກວ່າເກົ່າ.

     ສຳລັບໃນປີ 2019 ຄະນະນັກກິລາລາວເຮົາກຽມເຂົ້າຮ່ວມງານລະດັບພາກພື້ນ ແລະ ສາກົນຫລາຍງານ ເປັນຕົ້ນຊີເກມ 2019, ການແຂ່ງຂັນຊີງແຊ້ມອາຊີ, ຊີງແຊ້ມໂລກຫລາຍປະເພດກິລາ ລວມທັງການແຂ່ງຂັນພາຍໃນທີ່ໃຫຍ່ທີ່ສຸດຄື: ກິລາແຫ່ງຊາດ ຄັ້ງທີ 11 ທີ່ແຂວງຊຽງຂວາງ​ໃຫ້​ປະສົບ​ຜົນສຳ​ເລັດ​ສູງ.

ນາຍົກລັດຖະມົນຕີ ຮ່ວມປະດັບຫລຽນໄຊ ແລະ ມອບໃບຍ້ອງຍໍໃຫ້ຄະນະນັກກິລາລາວທີ່ມີຜົນງານເດັ່ນລະດັບສາກົນ - WhatsApp Image 2020 05 27 at 5 - ນາຍົກລັດຖະມົນຕີ ຮ່ວມປະດັບຫລຽນໄຊ ແລະ ມອບໃບຍ້ອງຍໍໃຫ້ຄະນະນັກກິລາລາວທີ່ມີຜົນງານເດັ່ນລະດັບສາກົນ
ນາຍົກລັດຖະມົນຕີ ຮ່ວມປະດັບຫລຽນໄຊ ແລະ ມອບໃບຍ້ອງຍໍໃຫ້ຄະນະນັກກິລາລາວທີ່ມີຜົນງານເດັ່ນລະດັບສາກົນ - WhatsApp Image 2020 05 27 at 5 - ນາຍົກລັດຖະມົນຕີ ຮ່ວມປະດັບຫລຽນໄຊ ແລະ ມອບໃບຍ້ອງຍໍໃຫ້ຄະນະນັກກິລາລາວທີ່ມີຜົນງານເດັ່ນລະດັບສາກົນ
error: Alert: ເນື້ອຫາຂ່າວມີລິຂະສິດ !!