ສິງກະໂປເຜີຍ GDP ໄຕມາດ 4 ຂະຫຍາຍຕົວໜ້ອຍ

ສິງກະໂປເຜີຍ gdp ໄຕມາດ 4 ຂະຫຍາຍຕົວໜ້ອຍ - 750x422 822869 1546399682 - ສິງກະໂປເຜີຍ GDP ໄຕມາດ 4 ຂະຫຍາຍຕົວໜ້ອຍ
ສິງກະໂປເຜີຍ gdp ໄຕມາດ 4 ຂະຫຍາຍຕົວໜ້ອຍ - Untitled design - ສິງກະໂປເຜີຍ GDP ໄຕມາດ 4 ຂະຫຍາຍຕົວໜ້ອຍ

      ກະຊວງ​ການ​ຄ້າ ​ແລະ ອຸດສາຫະກຳ​ສິງກະ​ໂປ ​ເປີດ​ເຜີຍ​ໃນ​ວັນ​ທີ 2 ມັງກອນ​ນີ້​ວ່າ: ​ເສດຖະກິດ​ຂອງ​ສິງກະ​ໂປ​ຂະຫຍາຍຕົວ​ຊ້າ​ໃນ​ໄລຍະ​ທ້າຍ​ປີ ຫລັງ​ໄດ້​ຮັບ​ຜົນ​ກະທົບ​ຈາກ​ສົງຄາມ​ການ​ຄ້າ​ໂລກ. ຂະນະ​ທີ່​ການ​ປັບ​ຂຶ້ນອັດຕາ​ດອກ​ເບ້ຍ​ໄດ້​ສົ່ງ​ຜົນ​ກະທົບ​ຕໍ່​ຂະ​ແໜງ​ການ​ສົ່ງ​ອອກ ​ໂດຍ​ຕົວ​ເລກ​ລວມຍອດ​ຜະລິດ​ຕະພັນ​ພາຍ​ໃນ (GDP) ​ໄຕ​ມາດ 4 ປັບ​ຂຶ້ນ 1,6% ​ເມື່ອທຽບ​ໃສ່​ໄຕ​ມາດ​ຜ່ານ​ມາ, ຂະນະ​ທີ່​ນັກ​ເສດຖະສາດ​ຄາດ​ຄະ​ເນ​ວ່າ: ​ເສດຖະກິດ​ຂະຫຍາຍຕົວ​ຂຶ້ນ 3,6%.

      ສ່ວນ​ປະທານາທິບໍດີ ລີ ຊຽນລຸງ ຂອງ​ສິງກະ​ໂປ ກ່າວ​ສູນ​ທອນ​ພົດ​ໃນ​ວັນ​ທີ 31 ທັນວາ​ຜ່ານ​ມາ​ວ່າ: ​ເສດຖະກິດ​ສິງກະ​ໂປຂະຫຍາຍຕົວ 3,3% ​ໃນ​ປີ 2018 ​ເຊິ່ງ​ໃກ້​ຄຽງ​ປີ 2017 ທີ່​ຂະຫຍາຍຕົວ 3,5% ​ແລະ ສອດຄ່ອງ​ກັບ​ການ​ຄາດ​ຄະ​ເນ ​ໂດຍ​ຖື​ເປ​ັນປີ​ທີ​ສອງ​ທີ່​ເສດຖະກິດ​ສິງກະ​ໂປ​ຂະຫຍາຍຕົວ​ສູງ​ກວ່າ 3%.

       ທ່ານ ລີ ຊຽງ​ລຸງ ຍັງ​ກ່າວ​ອີກ​ວ່າ: ​ເສດຖະກິດ​ສິງກະ​ໂປ​ຈະ​ຂະຫຍາຍຕົວ​ລະຫວ່າງ 1,5-3,5% ​ໃນ​ປີ 2019 ພ້ອມ​ກັບ​ເຕືອນ​ວ່າ: ​ເສດຖະກິດ​ທົ່ວ​ໂລກຜະ​ເຊີນ​ຄວາມ​ບໍ່​ແນ່ນອນ​ຕ່າງໆ ​ເນື່ອງ​ມາ​ຈາກ​ຄວາມ​ຂັດ​ແຍ່ງ​ທາງ​ການ​ຄ້າ, ຕະຫລາດ​ການ​ເງິນ​ປັ່ນ​ປ່ວນ ​ແລະ ທ່າ​ອ່ຽງການ​ຂະຫຍາຍຕົວ​ຊ້າ​ລົງ. ​ແຕ່​ຢ່າງ​​ໃດ​ກໍ​ຕາມ, ຈາກ​ນະ​ໂຍບາຍ​ບໍລິຫານ​ປະ​ເທດ​ໃນ​ໄລຍະ​ຍາວ ​ແລະ ທີ​ມບໍລິຫານ​ທີ່​ເຂັ້ມ​ແຂງ, ສິງກະ​ໂປ​ຈຶ່ງ​ເຊື່ອ​ໝັ້ນ​ໄດ້​ເຖິງ​ອະນາຄົດ ​ແລະ ພ້ອມ​ກ້າວ​ເຂົ້າສູ່​ປີ 2019 ດ້ວຍ​ຄວາມ​ແຂງ​ແຮງ ​ແລະ ຈຸດ​ມຸ່ງ​ໝາຍ​ໃໝ່.

ສິງກະໂປເຜີຍ gdp ໄຕມາດ 4 ຂະຫຍາຍຕົວໜ້ອຍ - Wave100S AD to Website 2020 0 - ສິງກະໂປເຜີຍ GDP ໄຕມາດ 4 ຂະຫຍາຍຕົວໜ້ອຍ
ສິງກະໂປເຜີຍ gdp ໄຕມາດ 4 ຂະຫຍາຍຕົວໜ້ອຍ - WhatsApp Image 2020 05 27 at 5 - ສິງກະໂປເຜີຍ GDP ໄຕມາດ 4 ຂະຫຍາຍຕົວໜ້ອຍ
ສິງກະໂປເຜີຍ gdp ໄຕມາດ 4 ຂະຫຍາຍຕົວໜ້ອຍ - WhatsApp Image 2020 05 27 at 5 - ສິງກະໂປເຜີຍ GDP ໄຕມາດ 4 ຂະຫຍາຍຕົວໜ້ອຍ
error: Alert: ເນື້ອຫາຂ່າວມີລິຂະສິດ !!