ປີໃໝ່ໃຫ້ໃສ່ໃຈຕ້ານໄພສັງຄົມ

ປີໃໝ່ໃຫ້ໃສ່ໃຈຕ້ານໄພສັງຄົມ - 3698 - ປີໃໝ່ໃຫ້ໃສ່ໃຈຕ້ານໄພສັງຄົມ
ປີໃໝ່ໃຫ້ໃສ່ໃຈຕ້ານໄພສັງຄົມ - Untitled design - ປີໃໝ່ໃຫ້ໃສ່ໃຈຕ້ານໄພສັງຄົມ

ໂດຍ: ທ່ຽງທຳ

ສະບາຍດີ, ເພື່ອນຜູ້ອ່ານທີ່ຮັກແພງທັງຫລາຍ, ນັບວ່າເປັນ ສິ່ງຍອດຍິ່ງທີ່ ພວກເຮົາຕ່າງ ກໍໄດ້ພ້ອມກັນ ສະເຫລີມສະຫລອງປີໃໝ່ ດ້ວຍຄວາມສຸກສຳລານ, ຄວາມເບີກບານມ່ວນຊື່ນໄປຄຽງຄູ່ກັບການປະຢັດມັດທະຍັດຕາມເນື້ອໃນຈິດໃຈຂອງຄຳສັ່ງແນະນຳຂອງ ທ່ານ ນາຍົກລັດຖະມົນຕີໄດ້ລະບຸໄວ້ຫລາຍກະຊວງ,  ສຳນັກງານອົງການຕ່າງໆ  ກໍມີຄວາມຕື່ນຕົວຫັນມາປະຕິບັດນະໂຍບາຍຮັດສາຍແອວດີຂຶ້ນກວ່າເກົ່າ, ຮູ້ປະຢັດກິນດື່ມພໍພຽງ ແລະ ໃນໂອ ກາດປີໃໝ່ນີ້ກໍຂໍໃຫ້ຮັກສາມູນເຊື້ອອັນດີງາມດັ່ງກ່າວ ເພື່ອປະເທດຊາດບ້ານເມືອງເຮົາຈະໄດ້ຮັບການສ້າງສາ ພັດທະນາໃຫ້ຈະເລີນ ສີວິໄລຍິ່ງຂຶ້ນ.

ແຕ່ຄຽງຄູ່ກັນນັ້ນກໍຂໍໃຫ້ທຸກພາກສ່ວນໃນສັງຄົມ ເປັນເຈົ້າການຕ້ານສິ່ງຫຍໍ້ ທໍ້ຕ່າງໆໃນສັງຄົມໃຫ້ຫລຸດໜ້ອຍຖອຍລົງ.

ໂດຍສະເພາະພ້ອມກັນ ເອົາໃຈໃສ່ຕ້ານການຟູມ ເຟືອຍ, ບັນຫາຢາເສບຕິດ, ປະກົດການໄພສັງຄົມປຸ້ນຈີ້ຊີງຊັບ, ລັກເລັກຂະໂມຍນ້ອຍ, ແມ່ຈ້າງນາງເລງຕ່າງໆ ໃຫ້ໝົດໄປ, ເພາະສິ່ງ ນີ້ຍັງເກດເຫັນວ່າໃນປີເກົ່າຜ່ານມາຍັງປາກົດມີຫລາຍ ໂດຍສະເພາະແມ່ນຮ້ານເລັກ ຮ້ານນ້ອຍໄຟແສງສີຕ່າງໆ ເຊິ່ງເປັນບ່ອນມົ້ວສຸມຂອງໄພສັງຄົມຍັງມີຢູ່ໃນເຂດ ເສັ້ນທາງຮ່ອມທາງຊອຍຕ່າງໆ ໃນນະຄອນຫລວງ ວຽງຈັນບາງບ່ອນກໍແມ່ນ ຄົນລາວເຮົາເປັນເຈົ້າຂອງ ແລະ ບາງບ່ອນກໍແມ່ນຂອງຊາວຕ່າງ ປະເທດເຂົ້າມາ ບໍລິການເຮັດເປັນຮ້ານຕັດຜົມ, ເສີມສວຍ, ອົບນວດ- ມາດຊາອື່ນໆ.

ປີໃໝ່ໃຫ້ໃສ່ໃຈຕ້ານໄພສັງຄົມ - Wave100S AD to Website 2020 0 - ປີໃໝ່ໃຫ້ໃສ່ໃຈຕ້ານໄພສັງຄົມ

ແຕ່ໃນເບິ່ງເລິກຂອງມັນ ແມ່ນສາວບໍລິການ ແລະ ບາງ ຮ້ານກໍເປີດຂຶ້ນຢ່າງເປີດແປນຕັ້ງຢູ່ເສັ້ນທາງດົງນາໂຊກ, ທັງໂຊກັນໄປຕາມຕູ້ ແກ້ວເຮືອນແກ້ວໄດ້ປາກົດມີຂຶ້ນ.

ສິ່ງນີ້ໄດ້ມີປະຊາຊົນສ່ອງແສງມາຫາກອງບັນ ນາທິການໜັງສືພິມລາວພັດ ທະນາ ພວກເຮົາເພື່ອຊ່ວຍບອກພາກສ່ວນກ່ຽວຂ້ອງ ໃຫ້ລົງມາກວດກາເບິ່ງຕົວຈິງເພື່ອຈະມີການແກ້ໄຂສິ່ງ ບໍ່ດີບໍ່ງາມດັ່ງກ່າວໃຫ້ໝົດໄປໃນປີໃໝ່ນີ້./.

ປີໃໝ່ໃຫ້ໃສ່ໃຈຕ້ານໄພສັງຄົມ - 3698 - ປີໃໝ່ໃຫ້ໃສ່ໃຈຕ້ານໄພສັງຄົມ
(ພາບປະກອບ)
ປີໃໝ່ໃຫ້ໃສ່ໃຈຕ້ານໄພສັງຄົມ - WhatsApp Image 2020 05 27 at 5 - ປີໃໝ່ໃຫ້ໃສ່ໃຈຕ້ານໄພສັງຄົມ
ປີໃໝ່ໃຫ້ໃສ່ໃຈຕ້ານໄພສັງຄົມ - WhatsApp Image 2020 05 27 at 5 - ປີໃໝ່ໃຫ້ໃສ່ໃຈຕ້ານໄພສັງຄົມ
error: Alert: ເນື້ອຫາຂ່າວມີລິຂະສິດ !!