ລາວ-ໄທແລກປ່ຽນບົດຮຽນການຄຸ້ມຄອງເສດຖະກິດມະຫາພາກ

- Finance 2 - ລາວ-ໄທແລກປ່ຽນບົດຮຽນການຄຸ້ມຄອງເສດຖະກິດມະຫາພາກ
- Untitled design - ລາວ-ໄທແລກປ່ຽນບົດຮຽນການຄຸ້ມຄອງເສດຖະກິດມະຫາພາກ

- Finance 2 - ລາວ-ໄທແລກປ່ຽນບົດຮຽນການຄຸ້ມຄອງເສດຖະກິດມະຫາພາກ  ກອງປະຊຸມແລກປ່ຽນບົດຮຽນການຄຸ້ມຄອງເສດຖະກິດມະຫາພາກລະຫວ່າງລາວ-ໄທ, ໄດ້ຈັດຂຶ້ນໃນວັນທີ 17 ພຶດສະພານີ້ດ ທີ່ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ສົມດີ ດວງດີ ເພື່ອຮັບຟັງການບັນລະຍາຍຈາກທ່ານ ວິລະພົງ ຣາມາກຸນ ອາດີດຮອງນາຍົກລັດຖະມົນຕີແຫ່ງຣາຊະອານາຈັກໄທ ກ່ຽວກັບບົດຮຽນ ແລະ ປະສົບການຕົວຈິງໃນການຄຸ້ມຄອງເສດຖະກິດມະຫາພາກຈາກປະເທດໄທ, ໂດຍສະເພາະໃນຊ່ວງໄລຍະພາກພື້ນໄດ້ປະເຊີນກັບວິກິດເສດຖະກິດ ແລະ ການເງິນ, ການຄຸ້ມຄອງການເງິນ-ງົບປະມານ, ການຄຸ້ມຄອງເງິນຕາໃຫ້ມີສະຖຽນລະພາບ, ການສົ່ງເສີມສິນຄ້າ ແລະ ການລົງທຶນ, ການປັບປຸງລັດວິສາຫະກິດ ແລະ ບົດຮຽນອື່ນໆ.

 

ກອງປະຊຸມຄັ້ງນີ້ແມ່ນມີຄວາມສໍາຄັນຫລາຍ, ເພາະວ່າຈັດຂຶ້ນໃນໄລຍະປີທີ 2 ຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ VIII ແລະ ໃນທ່າມກາງສະພາບແວດລ້ອມຢູ່ພາຍໃນ, ພາກພື້ນ ແລະ ສາກົນມີທັງສິ່ງເອື້ອອຳນວຍ ແລະ ທ້າທາຍດ້ານງົບປະມານ-ການເງິນ, ຊຶ່ງຈະສົ່ງຜົນກະທົບຕໍ່ການພັດທະນາເສດຖະກິດ-ສັງຄົມຂອງປະເທດບໍ່ໜ້ອຍ, ຊຶ່ງຕ້ອງໄດ້ປັບປຸງໂຄງສ້າງເສດຖະກິດໃຫ້ສົມດຸນເທື່ອລະກ້າວ.

- Wave100S AD to Website 2020 0 - ລາວ-ໄທແລກປ່ຽນບົດຮຽນການຄຸ້ມຄອງເສດຖະກິດມະຫາພາກ

 

ຝ່າຍລາວ ໃຫ້ຮູ້ວ່າ: ປັດຈຸບັນລັດຖະບານໄດ້ສະເໜີຫລາຍມາດຕະການເພື່ອຄຸ້ມຄອງເສດຖະກິດມະຫາພາກຕໍ່ກອງປະຊຸມສະໄໝສາມັນເທື່ອທີ 3ຂອງສະພາແຫ່ງຊາດຊຸດທີ VIII ທີ່ພວມດຳເນີນຢູ່ປັດຈຸບັນນີ້ຄື: ການຄຸ້ມຄອງເສດຖະກິດມະຫາພາກໃຫ້ມີສະຖຽນລະພາບ ແລະ ໝັ້ນທ່ຽງ, ການປັບປຸງການຄຸ້ມຄອງລະບົບການເງິນ-ງົບປະມານ, ການຄຸ້ມຄອງເງິນຕາໃຫ້ມີສະຖຽນລະພາບ, ປະຕິບັດນະໂຍບາຍດອກເບ້ຍທີ່ສົມເຫດສົມຜົນຕາມກົນໄກຕະຫລາດ, ກໍານົດອັດຕາດອກເບ້ຍເງິນຝາກ-ເງິນກູ້ຂອງທະນາຄານທຸລະກິດໃຫ້ເໝາະສົມ, ປັບປຸງສະພາບແວດລ້ອມການກໍານົດທຸລະກິດ ໂດຍແກ້ໄຂຂັ້ນຕອນຕ່າງໆທີ່ບໍ່ສະດວກ ແລະ ກົດໜ່ວງ ດ້ວຍການປະຕິບັດກົດໝາຍສົ່ງເສີມການລົງທຶນ, ກວດກາຄືນດຳລັດວ່າດ້ວຍການຄຸ້ມຄອງລາຄາສິນຄ້າ ແລະ ບໍລິການ ແລະ ຄົ້ນຄວ້າອອກລະບຽບການເພີ່ມຕື່ມເພື່ອຊຸກຍູ້ສົ່ງເສີມການຜະລິດ ແລະ ການບໍລິການໂດຍການສົ່ງເສີມການລົງທຶນໃສ່ຂະແໜງການຜະລິດ ແລະ ການບໍລິການທີ່ເປັນທ່າແຮງ, ຊຸກຍູ້ການຈັດຕັ້ງປະຕິບັດໂຄງການລະດັບຊາດທີ່ລັດຖະບານໄດ້ຕົກລົງ ແລະ ບັນຈຸໃນແຜນແລ້ວໃຫ້ປະກົດຜົນເປັນຈິງ.

- WhatsApp Image 2020 05 27 at 5 - ລາວ-ໄທແລກປ່ຽນບົດຮຽນການຄຸ້ມຄອງເສດຖະກິດມະຫາພາກ
- WhatsApp Image 2020 05 27 at 5 - ລາວ-ໄທແລກປ່ຽນບົດຮຽນການຄຸ້ມຄອງເສດຖະກິດມະຫາພາກ
error: Alert: ເນື້ອຫາຂ່າວມີລິຂະສິດ !!