ອາເມລິກາ-ອີຢູ ບໍ່ອອກຄຳສັ່ງຫ້າມເອົາໂນ໊ດບຸກຈາກຖ້ຽວບິນເອີຣົບຂຶ້ນເຮືອບິນ

- advert banner 728 90 728x90 - ອາເມລິກາ-ອີຢູ ບໍ່ອອກຄຳສັ່ງຫ້າມເອົາໂນ໊ດບຸກຈາກຖ້ຽວບິນເອີຣົບຂຶ້ນເຮືອບິນ

ອາ​ເມ​ລິ​ກາ ​ແລະ ສະຫະພາບ​ເອີຣົບ ມີ​ມະຕິ​ຮ່ວມ​ກັນ​ບໍ່​ສັ່ງ​ຫ້າມ​ການ​ພົກ​ພາ​ໂນ໊ດບຸກ​ຂຶ້ນ​ເຮືອບິນ​ທີ່​ເດີນທາງ​ມາ​ຈາກ​ເອີຣົບ, ພາຍຫລັງ​ອາ​ເມ​ລິ​ກາ​ມີ​ຂໍ້​ມູນ​ໃໝ່​ວ່າ​ຊິ້ນສ່ວນ​ເອ​ເລັກ​ໂຕຣນິກຢູ່​ໂນ໊ດບຸ​ກອາດ​ຈະ​ຖືກ​ດັດ​ແປງ​ເປັນ​ລະ​ເບີດ​ໄດ້.

- new3 - ອາເມລິກາ-ອີຢູ ບໍ່ອອກຄຳສັ່ງຫ້າມເອົາໂນ໊ດບຸກຈາກຖ້ຽວບິນເອີຣົບຂຶ້ນເຮືອບິນ

 

- 96098520 3c4b1279 0924 4c63 9f76 71299b37a6ad - ອາເມລິກາ-ອີຢູ ບໍ່ອອກຄຳສັ່ງຫ້າມເອົາໂນ໊ດບຸກຈາກຖ້ຽວບິນເອີຣົບຂຶ້ນເຮືອບິນ

 

ຂໍ້ສະ​ຫລຸບ​ນີ້​ມີ​ຂຶ້ນພາຍຫລັງ​ກອງ​ປະຊຸມ​ຮ່ວມ​ລະຫວ່າງ​ອາ​ເມ​ລິ​ກາ ​ແລະ ສະຫະພາບ​ເອີຣົບ ​ເປັນ​ເວລາ 4 ຊົ່ວ​ໂມງ ຢູ່​ນະຄອນຫລວງ​ບຣຸກ​ແຊນ ປະ​ເທດ​ແບນ​ຊິກ ​ເພື່ອ​ຫາລື​ເລື່ອງ​ໄພ​ຄຸກ​ຄາມ​ຕໍ່​ຄວາມ​ໝັ້ນຄົງ​ທາງ​ການບິນ, ພາຍຫລັງ​ໜ່ວຍ​ງານ​ຂອງ​ອາ​ເມ​ລິ​ກາ​ມີ​ຂໍ້​ມູນ​ໃໝ່​ວ່າ​ຊິ້ນສ່ວນ​ຂອງ​ຄອມ​ພິວ​ເຕີ​ໂນ໊ດບຸກສາມາດ​ເກີດ​ການລະ​ເບີດ​ໄດ້, ​ແຕ່​ບໍ່​ມີ​ການ​ເປີດ​ເຜີຍ​ລາຍ​ລະອຽດ.

 

​ເຖິງ​ວ່າ​ຈະ​ບໍ່​ມີ​ຄຳ​ສັ່ງ​ຫ້າມ​ນຳ​ເອົາ​​ໂນ໊ດບຸກຂຶ້ນ​ເຮືອບິນ​ທີ່​ເດີນທາງ​ຈາກ​ເອີຣົບ, ​ແຕ່​ອາ​ເມ​ລິ​ກາ ​ແລະ ອີ​ຢູ ພວມ​ພິຈາລະນາ​ມາດ​ຕະການ​ອື່ນ​ເພື່ອ​ປ້ອງ​ກັນ​ເລື່ອງ​ນີ້.

 

- lattana 1 - ອາເມລິກາ-ອີຢູ ບໍ່ອອກຄຳສັ່ງຫ້າມເອົາໂນ໊ດບຸກຈາກຖ້ຽວບິນເອີຣົບຂຶ້ນເຮືອບິນ

​ໃນ​ເດືອນ​ມີນາຜ່ານ​ມາ, ທາງ​ການ​ອາ​ເມ​ລິ​ກາ ​ເປີດ​​ເຜີຍ​ວ່າ: ຄວາມ​ພະຍາຍາມ​ໃນ​ການ​ຂະຫຍາຍ​ມາດ​ຕະການ​ຄຳ​ສັ່ງ​ຫ້າມ​ນຳ​ເອົາ​ໂນ໊ດບຸກຂຶ້ນ​ເຮືອບິນ​ໂດຍສານ ຈາກ​ຖ້ຽວ​ບິນ​ທີ່​ມາ​ຈາກ​ເອີຣົບ ​ເປັນ​ຜົນ​ມາ​ຈາກ​ການ​ມີ​ຄຳ​ສັ່ງ​ຫ້າມ​ການ​ພົກ​ພາ​ອຸປະກອນ​ເອ​ເລັກ​ໂຕຣນິກຂະ​ໜາດ​ໃຫຍ່​ກວ່າ​ມື​ຖື​ທົ່ວ​ໄປ​ເຂົ້າ​ໄປ​ໃນ​ເຮືອບິນ​ ​ໂດຍ​ບັງຄັບ​ໃຊ້​ກັບ​ຖ້ຽວ​ບິນ​ທີ່​ມາ​ຈາກ​ປະ​ເທດ​ມຸສລິ​ມກວ່າ 8 ປະ​ເທດ ​ໄດ້​ແກ່​ຕວກກີ, ​ມາຣົກ, ຊອກ​ດາ​ນີ, ​ເອຢິບ, ​ເອ​ເມຣັດ ອາຣັບ, ອາຣັບບີ ຊາ​ອຸ​ດິດ ​ແລະ ກູ​ເວດ ​ເນື່ອງ​ຈາກ​ຢ້ານ​ວ່າ: ລະ​ເບີດ​ຈະ​ຖືກ​ເຊື່ອງ​ຢູ່​ໃນ​ອຸປະກອນ​ເຫລົ່າ​ນີ້. ຂະນະ​ທີ່​ສະຫະ​ລາຊະ​ອານາຈັກ ​ໄດ້​ອອກ​ມາດ​ຕະການ​ໃນ​ລັກສະນະ​ດຽວ​ກັນ​ມາ​ບັງຄັບ​ໃຊ້​ກັບ​ຖ້ຽວ​ບິນ​ຈາກ 6 ປະ​ເທດ.

 

+ ອາເມລິກາຫ້າມບໍ່ໃຫ້ຜູ້ໂດຍສານ 8ປະເທດນຳເອົາເຄື່ອງເອເລັກໂຕຣນິກທີ່ໃຫຍ່ກວ່າມືຖືຂຶ້ນເຮືອບິນ

+ ດູໄບເລີ່ມຫ້າມຄົນນຳອຸປະກອນໃຫຍ່ກວ່າມືຖືຂຶ້ນເຮືອບິນອາເມລິກາແລ້ວ

 

ທ່ານ ສະຕີຟ ​ແລນ​ເດລ ຜູ້​ຊ່ຽວຊານ​ດ້ານ​ຄວາມ​ປອດ​ໄພ​ຂອງ​ສະມາຄົມ​ນັກ​ບິນ​ແຫ່ງ​ສາຍ​ການບິນ​ຢູ່​ສະຫະ​ລາຊະ​ອານາຈັກ ຊີ້​ວ່າ​ຍິ່ງ​ພົກ​ພາ​ອຸປະກອນ​ເອ​ເລັກ​ໂຕຣນິກທີ່​ໃຊ້​ແບັກ​ເຕີ​ລີ​ລິ​ທຽມ​ຂຶ້ນ​ເຮືອນ​ບິນ​ໃຫຍ່​ເທົ່າ​ໃດ ກໍ​ຍິ່ງ​ເພີ່ມ​ຄວາມ​ສ່ຽງ​ຂອງ​ການ​ເກີດ​ລະ​ເບີດ​​ເທົ່າ​ນັ້ນ, ຄວາມ​ສ່ຽງ​ໃນ​ການ​ເກີດ​ໄຟ​ໄໝ້​ຈາກ​ອຸປະກອນ​ຈຳພວກ​ນີ້ ຄື​ການລະ​ເບີດ ຫລື ການ​ລັດ​ວົງ​ຈອນ​ຂອງ​ແບກ​ເຕີຣີ ​ເຊິ່ງຖ້າ​ເກີດ​ເຫດ​ແບບ​ນີ້​ຂຶ້ນ ຫ້ອງ​ໂດຍສານ​ຈະ​ກວດ​ຈັບ​ສັນຍານ​ຄວາມ​ຜິດ​ປົກກະຕິ, ຈາກ​ນັ້ນລູກ​ເຮືອ​ຈະ​ເຂົ້າມອດ​ໄຟ​ກ່ອນ​ຈະ​ລຸກລາມ​ຈົນ​ບໍ່​ສາມາດ​ຄວບ​ຄຸມ​ໄດ້. ​ເຖິງ​ຢ່າງ​ໃດ​ກໍ​ຕາມ, ​ເຄີຍ​ມີ​ລາຍ​ງານ​ເຫດ​ແບກ​ເຕີ​ຣີລິ​ທຽມ​ລະ​ເບີດ​ມາ​ແລ້ວ 2 ​ເທື່ອ.

error: Content is protected !!