ເອົາໃຈໃສ່ແນະນຳໃຫ້ຜູ້ລ້ຽງສັດຮູ້ປ້ອງກັນພະຍາດລະດູໜາວ

ເອົາໃຈໃສ່ແນະນຳໃຫ້ຜູ້ລ້ຽງສັດຮູ້ປ້ອງກັນພະຍາດລະດູໜາວ - 28471843 1664979413593669 6532953816256479232 n - ເອົາໃຈໃສ່ແນະນຳໃຫ້ຜູ້ລ້ຽງສັດຮູ້ປ້ອງກັນພະຍາດລະດູໜາວ
ເອົາໃຈໃສ່ແນະນຳໃຫ້ຜູ້ລ້ຽງສັດຮູ້ປ້ອງກັນພະຍາດລະດູໜາວ - Untitled design - ເອົາໃຈໃສ່ແນະນຳໃຫ້ຜູ້ລ້ຽງສັດຮູ້ປ້ອງກັນພະຍາດລະດູໜາວ

     ກົມລ້ຽງສັດ ແລະ ການປະມົງ ກະຊວງກະສິກໍາ ແລະ ປ່າໄມ້ ຮຽກຮ້ອງໃຫ້ຜູ້ລ້ຽງສັດໃນທົ່ວປະເທດ ໂດຍສະເພາະຢູ່ບັນດາແຂວງພາກເໜືອໃຫ້ເອົາ ໃຈໃສ່ປ້ອງກັນພະຍາດທີ່ອາດຈະເກີດຂຶ້ນໃນໄລຍະອາກາດໜາວຢ່າງຕໍ່ເນື່ອງ ເພື່ອຮັບປະກັນບໍ່ໃຫ້ມີຜົນເສຍຫາຍແກ່ສັດລ້ຽງທີ່ອາດຈະເກີດຂຶ້ນ.

      ທ່ານ ສີທອງ ພິພັກຄະວົງ ຮອງຫົວໜ້າກົມລ້ຽງສັດ ແລະ ການປະມົງ ໃຫ້ຮູ້ວ່າ: ພະຍາດທີ່ມັກເກີດຂຶ້ນໃນໄລຍະອາກາດໜາວ, ສະເພາະງົວ-ຄວາຍ ແມ່ນພະຍາດປາກເປື່ອຍລົງເລັບ, ເຕົ້າໂຮມເລືອດ, ໄຂ້ເລືອດດຳ ແລະ ພະຍາດທ້ອງເບັງ. ໝູ ແມ່ນພະຍາດອະຫິວາ ແລະ ພະຍາດໝູຫູກໍ່າ. ໄກ່ ແມ່ນພະຍາດໄຂ້ຫວັດສັດປີກ, ອະຫິວາສັດປີກ ແລະ ພະຍາດນິວຄາເຊິນ.
ເພື່ອປ້ອງກັນການລະບາດຂອງພະຍາດທີ່ອາດຈະເກີດຂຶ້ນ, ກະຊວງກະສິກໍາ ແລະ ປ່າໄມ້ ໄດ້ເປີດຂະບວນການສັກຢາປ້ອງກັນພະຍາດສັດ ເນື່ອງໃນໂອ ກາດວັນສັກຢາກັນພະຍາດສັດແຫ່ງຊາດ ວັນທີ 11 ພະຈິກ 2018. ນອກຈາກນີ້ ຍັງໄດ້ສົ່ງວິຊາການຈໍານວນໜຶ່ງລົງສົມທົບກັບຂະແໜງກ່ຽວຂ້ອງຂອງແຕ່ລະທ້ອງຖິ່ນລົງ ເພື່ອຕິດຕາມສະພາບການລ້ຽງສັດຂອງປະຊາຊົນຢ່າງໃກ້ຊິດ, ພ້ອມທັງໃຫ້ຄໍາແນະນຳດ້ານເຕັກນິກການລ້ຽງ ແລະ ການປ້ອງກັນພະຍາດສັດທີ່ອາດຈະເກີດຂຶ້ນໃນແຕ່ລະລະດູການຢ່າງຕໍ່ເນື່ອງ.

      ທ່ານຮອງຫົວໜ້າກົມລ້ຽງສັດ ແລະ ການປະມົງ ໃຫ້ຮູ້ຕື່ມວ່າ: ປັດຈຸບັນ ລາວເຮົາສາມາດຜະລິດຢາກວັກແຊັງປ້ອງກັນພະຍາດສັດໄດ້ຫລາຍຊະນິດຄື: ວັກແຊັງກັນພະຍາດເຕົ້າໂຮມເລືອດງົວ-ຄວາຍ, ອະຫິວາໝູ, ນິວຄາເຊິນ, ອະຫິວາສັດປີກ ແລະ ວັກແຊັງກັນພະຍາດຫລອດລົມອັກເສບ, ຊຶ່ງໃນແຕ່ລະປີສາມາດຜະລິດໄດ້ບໍ່ຕໍ່າກວ່າ 6-7 ລ້ານເຂັມ ຜູ້ລ້ຽງສັດຢູ່ແຕ່ລະທ້ອງຖິ່ນສາມາດຕິດຕໍ່ຊື້ໄດ້ຢູ່ຫ້ອງການກະສິກໍາ ແລະ ປ່າໄມ້ເມືອງ ແລະ ພະແນກກະສິກໍາ ແລະ ປ່າໄມ້ແຂວງທີ່ຕົນອາ​ໄສຢູ່.

      ແນວໃດກໍຕາມ, ໃນໄລຍະທີ່ສະພາບອາກາດຍັງໜາວຢູ່ນີ້ ຜູ້ລ້ຽງສັດຄວນເອົາໃຈໃສ່ປ້ອງກັນພະຍາດທີ່ອາດຈະເກີດຂຶ້ນໃຫ້ຫລາຍທີ່ສຸດ, ຖ້າອາກາດໜາວຫລາຍ ສະເພາະງົວ-ຄວາຍຄວນຄັງໄວ້ໃນຄອກ ຫລື ໃຊ້ວິທີດັງໄຟເພື່ອໃຫ້ຄວາມອົບອຸ່ນ ແລະ ເອົາວັດຖຸສິ່ງຂອງທີ່ສາມາດປົກຫຸ້ມໄວ້. ສ່ວນສັດປີກຄວນຂັງໄວ້ໃນຄອກພ້ອມເອົາສິ່ງຫຸ້ມຫໍ່ເພື່ອຮັກສາຄວາມອົບອຸ່ນຕະຫລອດໄລຍະອາກາດໜາວ.

ເອົາໃຈໃສ່ແນະນຳໃຫ້ຜູ້ລ້ຽງສັດຮູ້ປ້ອງກັນພະຍາດລະດູໜາວ - Wave100S AD to Website 2020 0 - ເອົາໃຈໃສ່ແນະນຳໃຫ້ຜູ້ລ້ຽງສັດຮູ້ປ້ອງກັນພະຍາດລະດູໜາວ

    ໃນໄລຍະຜ່ານມາ, ປະເທດລາວເຄີຍປະສົບບັນຫາສະພາບອາກາດໜາວຮ້າຍແຮງສົມຄວນມາແລ້ວຫລາຍຄັ້ງ ຊຶ່ງຄັ້ງຫລ້າສຸດເກີດຂຶ້ນໃນໄລຍະທ້າຍເດືອນມັງກອນຫາຕົ້ນເດືອນກຸມພາ ປີ 2016 ຜ່ານມາ ໄດ້ເຮັດໃຫ້ບັນດາແຂວງພາກເໜືອປະສົບບັນຫານໍ້າກ້າມ ສົ່ງຜົນໃຫ້ສັດ ລ້ຽງປະເພດງົວ-ຄວາຍຕາຍເປັນຈຳນວນຫລາຍສົມຄວນ.

ເອົາໃຈໃສ່ແນະນຳໃຫ້ຜູ້ລ້ຽງສັດຮູ້ປ້ອງກັນພະຍາດລະດູໜາວ - WhatsApp Image 2020 05 27 at 5 - ເອົາໃຈໃສ່ແນະນຳໃຫ້ຜູ້ລ້ຽງສັດຮູ້ປ້ອງກັນພະຍາດລະດູໜາວ
ເອົາໃຈໃສ່ແນະນຳໃຫ້ຜູ້ລ້ຽງສັດຮູ້ປ້ອງກັນພະຍາດລະດູໜາວ - WhatsApp Image 2020 05 27 at 5 - ເອົາໃຈໃສ່ແນະນຳໃຫ້ຜູ້ລ້ຽງສັດຮູ້ປ້ອງກັນພະຍາດລະດູໜາວ
error: Alert: ເນື້ອຫາຂ່າວມີລິຂະສິດ !!