ກົດໝາຍກົດລະບຽບທີ່ເບິ່ງອ່າວແປກ ແຕ່ເປັນຄວາມຈິງ

- advert banner 728 90 728x90 - ກົດໝາຍກົດລະບຽບທີ່ເບິ່ງອ່າວແປກ ແຕ່ເປັນຄວາມຈິງ

- Untitled 1 3 - ກົດໝາຍກົດລະບຽບທີ່ເບິ່ງອ່າວແປກ ແຕ່ເປັນຄວາມຈິງ

- new3 - ກົດໝາຍກົດລະບຽບທີ່ເບິ່ງອ່າວແປກ ແຕ່ເປັນຄວາມຈິງ

 

ໂດຍ: ວິ​ເສດ ສະ​ແຫວ​ງສຶກສາ

​ໃນ​ບັນຍາກາດ​ທີ່​ທົ່ວ​ສັງຄົມ​ລາວ​ພວກ​ເຮົາ​ດີ​ອົກ​ດີ​ໃຈ​ນຳ​ການ​ຮັບຮອງ​ເອົາ​ກົດໝາຍ​ໃໝ່ໆ ​ແລະ ກົດໝາຍ​ສະບັບ​ປັບປຸງ​ຫລາຍ​ສະບັບ​ໃນ​ກອງ​ປະຊຸມ​ສະພາ​ແຫ່ງ​ຊາດ​ທີ່​ຫາ​ກໍ​ອັດ​ລົງ​ສົດໆ​ຮ້ອນໆ​ນີ້, ຜູ້​ຂຽນ​ມີ​ເລື່ອງ​ກົດໝາຍ-ກົດ​ລະບຽບ​ທີ່​ເບິ່ງ​ອ່າວ​ແປກ ​ແຕ່​ເປັນຄວາມ​ຈິງ ​ເຊັ່ນ​ໃນຕົ້ນປີ 2015 ລັດຖະສະພາ​ປະ​ເທດ​ຈີ​ເລ ຢູ່​ອາ​ເມ​ລິ​ກາ​ໃຕ້ ​ໄດ້​ຮັບຮອງ​ເອົາ​ກົດໝາຍ​ເອົາ​ຜິດ​ຄົນ​ໃສ່​ຫູ​ຟັງ​ທີ່​ຍ່າງ​ຕາມ​ຖະໜົນ​ຫົນທາງ ​ແລະ ສະຖານ​ທີ່​ສາທາລະນະ​ໃນ​ທົ່ວ​ປະ​ເທດ. ​ເປົ້າໝາຍ​ຂອງ​ກົດໝາຍ​ສະບັບ​ນີ້​ແມ່ນ​ເພື່ອ​ກຳຈັດ​ຄວາມ​ສ່ຽງ​ທີ່​ຜູ້​ໃສ່​ຫູ​ຟັງ​ຈະ​ໄດ້​ຮັບ​ຈາກ​ອຸປະຕິ​ເຫດ ​ເພາະ​ມົວ​ແຕ່​ຈົດ​ຈໍ່​ຢູ່​ກັບ​ສຽງ​ເພງ ຫລື ຂໍ້ຄວາມ​ທີ່​ຟັງ​ ​ເລີຍ​ຂາດ​ສະຕິ​ລະວັງ​ຕົວ. ຜ່ານ​ມາ​ມີ​ຫລາຍ​ຄົນ​ທີ່​ເສຍ​ຊີວິດ​ຈາກ​ອຸປະຕິ​ເຫດ ຍ້ອນ​ໃສ່​ຫູ​ຟັງ.

- lattana 1 - ກົດໝາຍກົດລະບຽບທີ່ເບິ່ງອ່າວແປກ ແຕ່ເປັນຄວາມຈິງ

ການ​ລົງ​ໂທດ​ຜູ້​ລະ​ເມີດ​ແບ່ງ​ເປັນ 3 ພູດ ຄື​ຄວາມ​ຜິດ​ຖານ​ໃສ່​ຫູ​ຟັງ​ຕອນ​ຍ່າງ​ທຳ​ມະ​ດາ, ​ໃສ່​ຫູ​ຟັງ​ຕອນ​ຂ້າມ​ທາງ ​ແລະ ​ໃສ່​ຫູ​ຟັງ​ຕອນ​ຂັບ​ຂີ່​ຍານພາຫະນະ. ທັງ​ສາມ​ພູດ​ຄວາມ​ຜິດ​ນີ້ ຖ້າ​ເກີດ​ຂຶ້ນ​ໃນ​ບໍລິ​ເວນ​ໃກ້ໆ​ທາງ​ລົດ​ໄຟ​ຍິ່ງ​ມີ​ໂທດໜັກ. ອັດຕາ​ປັບ​ໄໝ (ຕາມ​ສະຖານ​ໜັກ-​ເບົາ) ​ແມ່ນ​ແຕ່ 35-103 ​ໂດ​ລາ​ສະຫະລັດ. ສະຖິຕິ​ແຕ່​ປີ 2011-2015 ຊີ້​ໃຫ້​ເຫັນ​ວ່າ: ຈີ​ເລ​ມີ​ຄົນ​ຍ່າງ​ທີ່​ປະສົບ​ອຸປະຕິ​ເຫດ​ເສຍ​ຊີວິດ​ສູງ​ທີ່​ສຸດ​ໃນ​ໂລກ​ ຄື​ມີ​ເຖິງ 3.024 ຄົນ ​ແລະ ອີກ​ປະມານ 42 ພັນ​ຄົນ​ໄດ້​ຮັບ​ບາດ​ເຈັບ.

ດັ່ງນັ້ນ ຈຶ່ງ​ແປກ​ຄື​ບໍ່​ແປກ​ທີ່​ຕ້ອງ​ມີ​ກົດໝາຍ​ລົງ​ໂທດ​ຜູ້​ໃສ່​ຫູ​ຟັງ​ຕອນ​ເຄື່ອນ​ໄຫວ​ໄປ​ມາ​ຕາມ​ທາງ. ຢູ່​ປະ​ເທດ​ຮົງ​ກາຣີ (​ແຕ່​ຢູ່​ລາວ​ພວກ​ເຮົາ​ນິຍົມ​ເອີ້ນ​ວ່າ ຮຸງ​ກາຣີ) ລັດຖະສະພາ​ໄດ້​ຮັບຮອງ​ເອົາ​ກົດໝາຍ​ຫ້າມ​ຮ້ານ​ຄຳ​ສ່ວນ​ໃຫຍ່​ເປີດ​ຂາຍ​ເຄື່ອງ​ໃນ​ວັນ​ອາທິດ. ກົດໝາຍ​ນີ້​ໄດ້​ຮັບ​ກະ​ແສ​ຕ້ານ​ຈາກ​ສະຫະພາບ​ແຮງ​ງານ ​ແລະ ກຸ່ມ​ທຸລະ​ກິດ​ຢ່າງ​ຮຸນ​ແຮງ ​ເພາະ​ຕາມ​ສະຖິຕິ​ບອກ​ວ່າ ຄົນ​ຮົງ​ກາຣີ 1​ ​ໃນ 5 ອອກ​ຈັບ​ຈ່າຍ​ຊື້​ເຄື່ອງ​ຂອງ​ໃນ​ວັນ​ອາທິດ, ສ່ວນ​ເຈົ້າຂອງ​ທຸລະ​ກິດ​ຮ້ານ​ຄ້າ​ອອກ​ມາບ​ອກວ່າ ກົດໝາຍ​ນີ້​ຈະ​ເຮັດ​ໃຫ້​ມີ​ຄົນ​ວ່າງ​ວຽກ​ເຖິງ 20 ຄົນ, ​ແຕ່​ກົດໝາຍ​ກໍ​ໄດ້​ຖືກ​ຮັບຮອງ ​ແລະ ປະກາດ​ໃຊ້​ແລ້ວ​ດ້ວຍ​ເຫດຜົນ​ທີ່​ວ່າ “​ໃນ​ວັນ​ອາທິດ​ຈະ​ຕ້ອງ​ບໍ່​ມີ​ພະນັກງານ​ຄົນ​ໃດ​ຖືກ​ບັງຄັບ​ໃຫ້​ເຮັດ​ວຽກ !” ຕໍ່​ໄປ​ແມ່ນ​ກ່ຽວ​ກັບກົດໝາຍ​ເອົາ​ຜິດ​ຄົນ​ອ່ານໜັງສື​ໜ້ອຍ (ບໍ່​ຫລາຍ) ທີ່ ສປ ຈີນ ຮັບຮອງ​ເອົາ​ເມື່ອ​ປະມານ 4 ປີຜ່ານມາ. ທີ່​ຕ້ອງມີ​ກົດໝາຍ​ນີ້​ກໍ​ເພາະ ສປ ຈີນ ​ເຫັນ​ວ່າ​ຄົນ​ຈີນ​ອ່ານໜັງສື​ທັງ​ເປັນ​ເຫລັ້ມ ​ແລະ ​ໃນ​ໜ້າ​ຈໍ​ໜ້ອຍ​ເກີນ​ໄປ ຄື​ລະຫວ່າງ 6-7 ຕໍ່​ປີ/ຄົນ ​ເຊິ່ງຍັງ​ຫລ້າຫລັງ​ໃຫ້​ບັນດາ​ປະ​ເທດ​ທີ່​ພັດທະນາ​ແລ້ວ. ຢູ່​ສະຫະລັດ ​ໂດຍ​ສະ​ເລ່ຍ​ແລ້ວ​ຄົນ​ໜຶ່ງ​ອ່ານໜັງສື 15 ຫົວ​ຕໍ່​ປີ. ຕອນ​ເລື່ອງ​ນີ້​ພວມ​ເປັນ​ຂ່າວ​ຢູ່​ນັ້ນ, ບໍ່​ທັນ​ມີ​ລາຍ​ລະອຽດ​ກ່ຽວ​ກັບ​ບົດ​ລົງ​ໂທດ​ຕໍ່​ຜູ້​ລະ​ເມີດ. ກົດໝາຍ​ດີໆ​ແນວ​ນີ້​ຄວນ​ຖືກ​ພິຈາລະນາ​ສ້າງ ​ແລະ ປະກາດ​ໃຊ້​ຢູ່​ລາວ​ພວກ​ເຮົາ, ​ແຕ່​ບໍ່​ຄວນ​ລົງ​ໂທດ​ຂັ້ນຕັດ​ອິດ​ສະລະ​ພາບ ​ເພາະ​ຢ້ານ​ບໍ່​ມີ​ຄຸກ​ພຽງພໍ​ສຳລັບ​ຮອງ​ຮັບ​ນັກ​ໂທດ​ຂີ້ຄ້ານ​ອ່ານ !!! ​ແຮະໆ.

error: Content is protected !!