ເຄເອັບຊີ ປັບແຜນໃຫມ່ເລີກຊື້ໄກ່ຢາວັກຊິນ

- KFC Chicken Antibiotics 070717 lt - ເຄເອັບຊີ ປັບແຜນໃຫມ່ເລີກຊື້ໄກ່ຢາວັກຊິນ
- Untitled design - ເຄເອັບຊີ ປັບແຜນໃຫມ່ເລີກຊື້ໄກ່ຢາວັກຊິນ

ເຄເອັບຊີ ຊຶ່ງເປັນຮ້ານຟາສຕ໌ຟູ້ດຊື່ດັງໃນເຄືອຂອງບໍລິສັດ ຍໍາ ແບຣນ ອິງ ໄດ້ກາຍເປັນເຊນຮ້ານຟາສຕ໌ຟູ້ດໄກ່ໃຫຍ່ສຸດລາຍທີ 2 ໃນສະຫະລັດ ທີ່ປະກາດແຜນກຽມຍົກເລີກການຊື້ໄກ່ທີ່ໃຊ້ຢາວັກຊິນທັງໝົດ ໂດຍໃຫ້ເວລາຈົນເຖິງທ້າຍປີ 2018 ເພື່ອປັບຕົວຢຸດຕິການໃຊ້ຢາວັກຊິນໃນໄກ່ ຊຶ່ງຖືເປັນສ່ວນໜຶ່ງຂອງປັນຫາແບັກທີເຣຍດື້ຢາວັກຊິນ ( ຊູເປີບັ໊ກ ) ທີ່ກໍາລັງເປັນປັນຫາໃຫຍ່ຕໍ່ະນຸດໃນປັດຈຸບັນ.

 

ທິດທາງຂອງເຄເອຟຊີມີຂຶ້ນຫຼັງຈາກທີ່ຮ້ານ ຊິດຟິລເລ ຊຶ່ງເປັນສາຂາຮ້ານຟາສຟູ້ດໄກ່ຊື່ດັງໃນສະຫະລັດໄດ້ປະກາດຕັ້ງແຕ່ປີ 2014 ວ່າຈະເລີກຮັບຊື້ຊີ້ນໄກ່ທີ່ໃຊ້ຢາວັກຊິນທັງໝົດພາຍໃນທ້າຍປີ 2019 ເຊັ່ນດຽວກັບຮ້ານ ແມຄໂດນັດ  ທີ່ປະກາດບໍ່ໃຊ້ໄກ່ມີຢາວັກຊິນໃນຮ້ານ 1.4 ໝື່ນແຫ່ງທົ່ວສະຫະລັດໄປເມື່ອປີທີ່ແລ້ວ ແລະສົ່ງຜົນໃຫ້ອຸດສາຫະກໍາຜູ້ປະກອບກິດຈະການຊີ້ນໄກ່ຕ້ອງເລັ່ງປັບຕົວ.

ຮອຍເຕີ ລະບຸວ່າ: ຢາວັກຊິນທີ່ໃຊ້ຕໍ່ສູ້ກັບເຊື້ອພະຍາດຕ່າງໆ ໃນມະນຸດທຸກວັນຖືກຂາຍໄປເພື່ອໃຊ້ໃນອຸດສາຫະກໍາຊີ້ນ ແລະສັດເຖິງເກືອບ 70% ຄະນະທີ່ບັນດານັກວິໄຈທາງການແພດກັງວົນວ່າການໃຊ້ວັກຊິນດັງກ່າວໃນປະລິມານທີ່ຫຼາຍເກີນໄປອາດສົ່ງຜົນກະທົບຕໍ່ປະສິດທິພາບໃຊ້ຢາຕ້ານເຊື້ອໃນມະນຸດ.

ເຮົາຮູ້ສຶກວ່າເລື່ອງນີ້ກໍາລັງເປັນຄວາມກັງວົນຕໍ່ສຸຂະພາບຂອງປະຊາຊົນຫຼາຍຂຶ້ນ ແລະເປັນເລື່ອງທີ່ສໍາຄັນຕໍ່ລູກຄ້າຈໍານວນຫຼາຍ ຊຶ່ງເຮົາຈໍາເປັນຕ້ອງດໍາເນີນການເພື່ອສະແດງໃຫ້ເຫັນວ່າແບຣນຂອງມີການໃສ່ໃຈ ແລະປັບຕົວໃຫ້ທັນກັບສະຖານະການ ເຄວິນ ຮອດແມນ ປະທານເຄເອັບຊີ ສະຫະລັດ ກ່າວວ່າ: ທັ້ງນີ້ ນະໂຍບາຍດັງກ່າວຈະປັບໃຊ້ສະເພາະໃນຮ້ານເຄເອັບຊີເກືອບ 4,200 ສາຂາໃນສະຫະລັດ ຊຶ່ງຄວບຄຸມເຖິງຟາມໄກ່ເກືອບ 2,000 ແຫ່ງໃນປະເທດ ແລະຍັງບໍ່ມີນະໂຍບາຍຂະຫຍາຍໄປໃນຕ່າງປະເທດ.

 

ສະຫະລັດຫັນຕື່ນຕົວໄກ່ປອດຢາ

    ຫຼັງຈາກທີ່ປະເຊີນການລົງ ແລະແຮງກົດດັນຈາກບັນດານັກເຄື່ອນໄຫວ ແລະຜູ້ບໍລິໂພກຫຼາຍຂຶ້ນ ບັນດາບໍລິສັດອາຫານລາຍໃຫຍ່ ແລະຮ້ານອາຫານໃນສະຫະລັດໄດ້ຍອມຮັບການກໍາຈັດວົງການໃຊ້ຢາວັກຊິນໃນຊີ້ນສັດກັນຫຼາຍຂຶ້ນ.

ເມື່ອເດືອນທີ່ຜ່ານມາ ບໍລິສັດ ໄທສັນ ຟູ້ດສ໌ ໄດ້ໃຫ້ຄໍາໝັ້ນວ່າຈະບໍ່ໃຊ້ຢາວັກຊິນໃນຜະລິດຕະພັນຊີ້ນໄກ່ອີກ ຫຼັງຈາກທີ່ເຄີຍປະກາດຈະກໍາຈັດການໃຊ້ຢາໃນໄກ່ຕົ້ມສຸກໄປແລ້ວກ່ອນໜ້ານີ້ ແລະຍັງມີແຜນທີ່ຈະຫຼຸດການໃຊ້ຢາໃນຊີ້ນສັດອື່ນໆ ອາທິ, ຊີ້ນໝູ, ຊີ້ນງົວ ແລະຊີ້ນໄກ່ງວງດ້ວຍ ພຽງແຕ່ຍັງບໍ່ກໍານົດຊ່ວງເວລາທີ່ຊັດເຈນ ຊຶ່ງນັກວິເຄາະເບິ່ງວ່າທ່າທີຂອງຜູ້ຜະລິດຊີ້ນໄກ່ລາຍໃຫຍ່ທີ່ສຸດໃນປະເທດຄັ້ງນີ້ ຄືລັດຖະບານທີ່ບົ່ງຊີ້ເຖິງເທຣນການປັບຕົວຂອງບໍລິສັດຂະໜາດໃຫຍ່.

ເຮົາຫຼຸດການໃຊ້ຢາວັກຊິນຂອງຄົນໃນສັດ ເພາະເປັນການຮັບຜິດຊອບຕໍ່ການຮັກສາສົມດຸນລະຫວ່າງຄວາມເປັນຫ່ວງເລື່ອງສຸຂະພາບຂອງຄົນທົ່ວໂລກກັບສະວັດດີພາບຂອງສັດ ໂຄສົກຂອງໄທສັນ ຟູ້ດສ໌ ກ່າວກັບເອເອັບຊີ.

- Wave100S AD to Website 2020 0 - ເຄເອັບຊີ ປັບແຜນໃຫມ່ເລີກຊື້ໄກ່ຢາວັກຊິນ

 

ທັ້ງນີ້ ບັນດານັກວິທະຍາສາດຫຼາຍຝ່າຍຕ່າງເຊື້ອວ່າ ການໃຊ້ຢາວັກຊິນທີ່ຫຼາຍເກີນໄປໃນອຸດສາຫະກໍາຊີ້ນສັດເປັນສ່ວນໜຶ່ງຂອງປັນຫາດື້ຢາໃນຄົນປັດຈຸບັດນີ້ ບໍ່ວ່າຈະເປັນຢາທີ່ໃຊ້ປິ່ນປົວພະຍາດປອດບວມ, ການຕິດເຊື້ອ ແລະພະຍາດອື່ນໆ ຊຶ່ງມີລາຍງານພົບການດື້ຢາເຖິງຂັ້ນເສຍຊີວິດຫຼາຍຂຶ້ນ ເພາະຢາວັກຊິນທີ່ແຮງທີ່ສຸດກັບໃຊ້ບໍ່ໄດ້ຜົນໃນຜູ້ປ່ວຍບາງລາຍ.

ການປັບຕົວຂອງອຸດສາຫະກໍາອາຫານໃນສະຫະລັດ ຍັງມີຂຶ້ນຫຼັງຈາກທີ່ປະຊຸມສະໄໝຊາໃຫຍ່ແຫ່ງສະຫະປະຊາຊາດ ( ຢູເອັນຈີເອ ) ອອກມະຕິໃນກອງປະຊຸມເມື່ອເດືອນ ກັນຍາ 2016 ໂດຍໃຫ້ຄໍາໝັ້ນວ່າ ປະຊາຄົມໂລກຈະຮ່ວມມືມືກັນເພື່ອສູ້ກັບປັນຫາການດື້ຢາດັງກ່າວ ຊຶ່ງປັດຈຸບັນມີບໍລິສັດໃນອຸດສາຫະກໍາຊີ້ນໄກ່ກວ່າ 42% ແລ້ວທີ່ໃຫ້ຄໍາໝັ້ນວ່າຈະຫຼຸດການໃຊ້ຢາລົງ.

ແນວໃດກໍດີ ເອເອັບຊີ ລະບຸວ່າ ປະລິມານຊີ້ນໄກ່ທີ່ປອດຈາກການໃຊ້ຢາວັກຊິນໃນສະຫະລັດຍັງມີສັດພຽງປະມານ 40-50% ເທົ່ານັ້ນ ໂດຍບາງບໍລິສັດຍັງປະຕິເສດທີ່ຈະໃຫ້ການຮ່ວມມືໃນເລື່ອງນີ້ ອາທິ ບໍລິສັດ ແຊນເດີຣ໌ສັນ ຟາມ ຊຶ່ງເປັນອີກໜຶ່ງຜູ້ຜະລິດຊີ້ນໄກ່ລາຍໃຫຍ່ໃນສະຫະລັດ ຂະນະທີ່ຈໍານວນຊີ້ນສັດປອດຢາວັກຊິນຍັງມີຈໍານວນໜ້ອຍລົງໄປອີກໃນກຸ່ມຊີ້ນໝູ ແລະຊີ້ນງົວ.

 

ທຸກວັນນີ້ຜູ້ບໍລິໂພກ ແລະຫຼາຍຝ່າຍທີ່ກ່ຽວຂ້ອງຕ່າງຮຽກຮອງເລື່ອງຊີ້ນປອດຢາກັນຫຼາຍຂຶ້ນ ທັ້ງວ່າຍັງເບິ່ງເປັນພຽງກະແສ ຫຼືເປັນເທຣນໃນໄລຍະຍາວທີ່ຍັງຈັບຕາເບິ່ງກັນຕໍ່ໄປຫຼາຍກ່າວ ເຊນ ອັກບາຣີ ນັກວິເຄາະອຸດສາຫະກໍາອາຫານຈາກມໍນິ່ງສະຕາຣ໌ ກ່າວ.

- WhatsApp Image 2020 05 27 at 5 - ເຄເອັບຊີ ປັບແຜນໃຫມ່ເລີກຊື້ໄກ່ຢາວັກຊິນ
- WhatsApp Image 2020 05 27 at 5 - ເຄເອັບຊີ ປັບແຜນໃຫມ່ເລີກຊື້ໄກ່ຢາວັກຊິນ
error: Alert: ເນື້ອຫາຂ່າວມີລິຂະສິດ !!