ການເຂົ້າກຳ ຄືວິທີການດັດສ້າງໃນແບບພະສົງ

ການເຂົ້າກຳ ຄືວິທີການດັດສ້າງໃນແບບພະສົງ - 365247841114 - ການເຂົ້າກຳ ຄືວິທີການດັດສ້າງໃນແບບພະສົງ
ການເຂົ້າກຳ ຄືວິທີການດັດສ້າງໃນແບບພະສົງ - Untitled design - ການເຂົ້າກຳ ຄືວິທີການດັດສ້າງໃນແບບພະສົງ

ໂດຍ: ຄຳພຸດ ເທບພະນົມ

ການເຂົ້າກຳໝາຍເຖິງການເຂົ້າສູ່ການບຳເພັນຕົນຢ່າງເຄັ່ງຄັດ ຂອງພະສົງ ຜູ້ທີ່ ເຮັດຜິດຕໍ່ວິໄນຂອງສົງແລ້ວ ປົກປິດໄວ້ ເປັນຕົ້ນແມ່ນຂໍ້ສັງຄາທິເສດ. ການເຂົ້າກໍານີ້ ກຳນົດໃຫ້ພັກຢູ່ໃນຕູບນ້ອຍ ເພື່ອໃຫ້ໄດ້ຢູ່ກັບຕົນເອງ ແລະ ຕັ້ງໃຈປະຕິບັດກຳມະຖານ ຊຳລະລ້າງຈິດໃຈ ບໍ່ໃຫ້ອອກ ໄປພົບປະກັບອອກຕົນຍາດ ໂຍມໃນໄລຍະໃດໜຶ່ງ ໂດຍມີ ລັກສະນະຄືກັບການຢູ່ກຳ ຂອງແມ່ລູກອ່ອນ ຖ້າເວົ້າໃຫ້ ເຕັມຄໍາສັບທາງພຸດທະສາສະໜາເອີ້ນວ່າ “ປະລິວາສະກຳ” ຄົນລາວຊາວພຸດຈຶ່ງມັກ ເວົ້າຫຍໍ້າວ່າ “ເຂົ້າກຳ”.

ການເຂົ້າກຳ ຄືວິທີການດັດສ້າງໃນແບບພະສົງ - 2365877 - ການເຂົ້າກຳ ຄືວິທີການດັດສ້າງໃນແບບພະສົງ
(ພາບປະກອບ)

ມູນເຫດຂອງການເຂົ້າ ກຳແມ່ນມີມາໃນຄັ້ງສະໄໝ ພຸດທະການ ເຊິ່ງພິກຂຸສົງບາງອົງປະຕິບັດຜິດສິນແຕ່ ຍັງມີຈິດໃຈເຫຼື້ອມໃສທາງພຸດທະສາສະໜາ ແລະ ຢາກ ມີຄວາມບໍລິສຸດຄືນ ຫຼື ຕ້ອງການຢາກປະຕິບັດຕົນໃຫ້ຖືກຕ້ອງຕາມທຳວິໄນ, ຍັງມີຈິດ ໃຈແນ່ວແນ່ຕໍ່ເພດສະມະນະພະພຸດທະເຈົ້າຈຶ່ງເຫັນ ວ່າການເຂົ້າປະລິວາສະກຳ ເພື່ອປະຕິບັດກຳມະຖານສາ ມາດຊ່ວຍຊຳລະຈິດໃຈໃຫ້ ບໍລິສຸດສາມາດດຳລົງຢູ່ໃນ ເພດສະມະນະໄດ້ອີກ.

ການເຂົ້າປະລິວາສະກຳຂອງພະສົງ ຖ້າຫາກທຽບ ໃສ່ຮູບແບບວິທີການໃນທາງ ໂລກກໍຄືການດັດສ້າງຈາກ ຄົນທີ່ເຄີຍຫຼົງກະທຳຜິດຕໍ່ລະລະບຽບວິໄນ ແລະ ກົດໝາຍບ້ານເມືອງຂັ້ນຕໍ່າທີ່ ບໍ່ຮ້າຍແຮງ ເພື່ອໃຫ້ຜູ້ກ່ຽວ ໄດ້ສຳນຶກຕົນ, ພິສູດຄວາມ ບໍລິສຸດທີ່ຢາກກັບມາເປັນຄົນດີ ແລະ ພ້ອມທີ່ຈະປ່ຽນ ແປງພຶດຕິກຳໃຫ້ສັງຄົມເຫັນ.

ການເຂົ້າກຳ ຄືວິທີການດັດສ້າງໃນແບບພະສົງ - Wave100S AD to Website 2020 0 - ການເຂົ້າກຳ ຄືວິທີການດັດສ້າງໃນແບບພະສົງ

ການເຂົ້າກຳຂອງພະສົງທີ່ໄດ້ມີການສືບທອດກັນມາ ແຕ່ອະດີດຈົນເຖິງປັດຈຸບັນ ກາຍເປັນຮີດທີ 1 ໃນ 12 ຂອງລາວ, ໂດຍຖືວ່າເປັນງານບຸນປາງໜຶ່ງທີ່ມີຄວາມ ທີ່ສຳຄັນກັບພຸດທະສາສະໜາ ແລະເຕັມ ໄປດ້ວຍບັນຍາ ກາດອັນສະຫງົບຮົ່ມເຢັນຊາວບ້ານທົ່ວໄປເອີ້ນວ່າ “ບຸນເຂົ້າກຳ” ຈັດຂຶ້ນໃນຕົ້ນ ເດືອນທັນວາເຖິງເດືອນມັງກອນກົງກັບເດືອນ 1 ລາວ, ໂດຍໃຫ້ພະສົງແຕ່ລະວັດ ໄດ້ມາລວມຕົວກັນຢູ່ວັດ ທີ່ກຳນົດໃຫ້ ທັງນີ້ກໍເພື່ອສະດວກແດ່ການຖວາຍອາ ຫານບິນທະບາດ ແລະ ນອກ ຈາກນີ້ແລ້ວທາງໂຮງຮຽນ ສົງ, ວິທະຍາໄລສົງ ຍັງໄດ້ຈັດ ເຂົ້າກໍາໃຫ້ກັບນັກສຶກສາອີກດ້ວຍ ເຊິ່ງມີຮູບແບບ ແລະການກໍານົດມີການປ່ຽນແປງໄປຈາກເດີມ ຄືຕ້ອງລໍ ໃຫ້ຮອດເດືອນ 1 ຂອງທຸກໆ ແລະການເຂົ້າກຳແມ່ນເນັ້ນ ໃສ່ການປະຕິບັດກຳມະຖານ ດັ່ງນີ້ເປັນຕົ້ນ. 

ເຖິງແມ່ນວ່າງານບຸນ ເຂົ້າກໍາໃນປັດຈຸບັນຈະມີຮູບແບບທີ່ບໍ່ຄືກັບດັ້ງເດີມ ແຕ່ກໍເປັນວິທີໜຶ່ງທີ່ເຮັດໃຫ້ ຊາວພຸດເຫັນວ່າພະສົງມີ ຄວາມຕັ້ງໃຈຕໍ່ການປະຕິບັດສິນ ແລະ ມີຄວາມຕັ້ງໃຈ ຢາກປ່ຽນແປງພຶດຕິກຳ ທີ່ຜິດພາດໃຫ້ກັບມາບໍລິ ສຸດອີກຄັ້ງ.

ການເຂົ້າກຳ ຄືວິທີການດັດສ້າງໃນແບບພະສົງ - 365247841114 - ການເຂົ້າກຳ ຄືວິທີການດັດສ້າງໃນແບບພະສົງ
(ພາບປະກອບ)

ການເຂົ້າກຳ ຄືວິທີການດັດສ້າງໃນແບບພະສົງ - WhatsApp Image 2020 05 27 at 5 - ການເຂົ້າກຳ ຄືວິທີການດັດສ້າງໃນແບບພະສົງ
ການເຂົ້າກຳ ຄືວິທີການດັດສ້າງໃນແບບພະສົງ - WhatsApp Image 2020 05 27 at 5 - ການເຂົ້າກຳ ຄືວິທີການດັດສ້າງໃນແບບພະສົງ
error: Alert: ເນື້ອຫາຂ່າວມີລິຂະສິດ !!