ເຟດເດີເຣີ ສ້າງປະຫວັດສາດ ໃນການແຂ່ງຂັນ ເທັນນິສທີມປະສົມຊີງແຊ້ມໂລກ 2019

ເຟດເດີເຣີ ສ້າງປະຫວັດສາດ ໃນການແຂ່ງຂັນ ເທັນນິສທີມປະສົມຊີງແຊ້ມໂລກ 2019 - advert banner 728 90 728x90 - ເຟດເດີເຣີ ສ້າງປະຫວັດສາດ ໃນການແຂ່ງຂັນ ເທັນນິສທີມປະສົມຊີງແຊ້ມໂລກ 2019

      ການ​ແຂ່ງຂັນ​ເທັນ​ນິສທີ​ມປະສົມ ຊີງ​ແຊ້ມ​ໂລກ ຫລື Hopman Cup ປະຈຳ​ປີ 2019 ທີ່​ເມືອງ​ເພີດ ປະ​ເທດ​ອົດ​ສະຕຣາລີ ​ໃນ​ວັນ​ທີ 29 ທັນວາ 2018 ຫາ​ວັນ​ທີ 5 ມັງກອນ 2019 ການ​ແຂ່ງຂັນຮອບ​ຊີງ​ຊະນະ​ເລີດ ​ເຊິ່ງຄູ່​ຊີງ​ປີ​ນີ້​ເປັນ​ຄູ່​ຊີງ​ໜ້າ​ເກົ່າ​ຄື​ປີຜ່ານມາ ສະ​ວິດ​ເຊີ​ແລນ ​ແຊ້ມ​ເກົ່າ ພົບ ​ເຢຍລະ​ມັນ ຮອງ​ແຊ້ມ.

      ສະ​ວິດ​ເຊີ​ແລນ ​ແຊ້ມ​ເກົ່າ ທັງ​ເປັນ​ແຊ້ມ 3 ສະ​ໄໝ ທີ່​ມີ ​ໂຣ​ເຈີ ​ເຟດ​ເດີ​ເຣີ ​ແລະ ​ເບ​ເລັນ​ດ້າ ​ເບັນ​ຊິກ ພົບ​ກັບ ​ເຢຍລະ​ມັນ ອະດີດ​ແຊ້ມ 2 ສະ​ໄໝ ທີ່​ມີ ​ແອັງ​ເຈ​ລິກ ​ເກ​ເບີ ​ແລະ ອາ​ເລັກ​ຊານ​ເດີ ຊະ​ເວ​ເຣຟ ຄູ່​ທີ 1 ປະ​ເພດ​ຊາຍ​ດ່ຽວ ​ໂຣ​ເຈີ ​ເຟດ​ເດີ​ເຣີ ມື 3 ຂອງ​ໂລກ ​ໄວ 37 ປີ ​ເອົາ​ຊະນະ ອາ​ເລັກ​ຊານ​ເດີ ຊະ​ເວ​ເຣຟ ມື 4 ຂອງ​ໂລກ ​ໄວ 21 ປີ 2-0 ​ເຊັດ: 64, 62. ຄູ່​ທີ 2 ປະ​ເພດ​ຍິງ​ດ່ຽວ ​ແອັງ​ເຈ​ລິກ ​ເກ​ເບີ ມື 2 ຂອງ​ໂລກ ​ໄວ 30 ປີ ຊະນະ ​ເບ​ເລັນ​ດ້າ ​ເບັນ​ຊິກ ມື 54 ຂອງ​ໂລກ ​ໄວ 21 ປີ 2-0 ​ເຊັດ: 64, 76(8/6) ຕ້ອງ​ມາ​ຕັດສິນ​ແຊ້ມທີ່​ປະ​ເພດ​ຄູ່​ປະສົມ ​ແລະ ​ເປັນ ​ໂຣ​ເຈີ ​ເຟດ​ເດີ​ເຣີ ​ແລະ ​ເບ​ເລັນ​ດ້າ ​ເບັນ​ຊິກ ​ເອົາ​ຊະນະ ​ແອັງ​ເຈ​ລິກ ​ເກ​ເບີ ກັບ ອາ​ເລັກ​ຊານ​ເດີ ​ຊະ​ເວ​ເຣຟ 2-1 ​ເຊັດ​ແບບ​ຫວຸດ​ຫວິດ: 4-0, 1-4, 4-3(5/4).

ເຟດເດີເຣີ ສ້າງປະຫວັດສາດ ໃນການແຂ່ງຂັນ ເທັນນິສທີມປະສົມຊີງແຊ້ມໂລກ 2019 - lattana 1 - ເຟດເດີເຣີ ສ້າງປະຫວັດສາດ ໃນການແຂ່ງຂັນ ເທັນນິສທີມປະສົມຊີງແຊ້ມໂລກ 2019
ເຟດເດີເຣີ ສ້າງປະຫວັດສາດ ໃນການແຂ່ງຂັນ ເທັນນິສທີມປະສົມຊີງແຊ້ມໂລກ 2019 - 1 1 - ເຟດເດີເຣີ ສ້າງປະຫວັດສາດ ໃນການແຂ່ງຂັນ ເທັນນິສທີມປະສົມຊີງແຊ້ມໂລກ 2019

      ສະ​ວິດ​ເຊີ​ແລນ ປ້ອງ​ກັນ​ແຊ້ມ​ໄດ້​ສຳ​ເລັດ ​ເປັນ​ທີ​ມທີ 2 ທີ່​ເຮັດ​ໄດ້​ຕໍ່​ຈາກ​ສະຫະ​ລັດ​ອາ​ເມ​ລິ​ກາ ​ໃນ​ປີ 2003 ​ແລະ 2004, ສ່ວນ ​ໂຣ​ເຈີ ​ເຟດ​ເດີ​ເຣີ ​ແຊ້ມ​ແກຣນສະ​ແລມ 20 ສະ​ໄໝ ສ້າງ​ປະຫວັດສາດ​ໄດ້​ແຊ້ມ Hopman Cup ​ເປັນ​ສະ​ໄໝ​ທີ 3 ຫລາຍ​ສຸດ ​ໂດຍ​ໄດ້​ແຊ້ມກັບ ​ເບ​ເລັນ​ດ້າ ​ເບັນ​ຊິກ ປີ 2017, 2018 ​ແລະ ​ໄດ້​ແຊ້ມກັບ ມາຕີ​ນ້າ ຮິນ​ກິ​ສ ປີ 2001. ສ່ວນ ​ເຢຍລະ​ມັນ ​ໄດ້​ຮອງ​ແຊ້ມ​ເປັນຄັ້ງທີ 3 ຕໍ່​ຈາກ​ປີ 1994, 2017, 2018 ​ແລະ ​ເປັນ​ແຊ້ມ 2 ສະ​ໄໝ 1993, 1995.

error: Content is protected !!