ອາເມລິກາຕັ້ງເງື່ອນໄຂ ກ່ອນຖອນທະຫານອອກຈາກຊີຣີ

ອາເມລິກາຕັ້ງເງື່ອນໄຂ ກ່ອນຖອນທະຫານອອກຈາກຊີຣີ - 000 1C05Q3 640x400 - ອາເມລິກາຕັ້ງເງື່ອນໄຂ ກ່ອນຖອນທະຫານອອກຈາກຊີຣີ
ອາເມລິກາຕັ້ງເງື່ອນໄຂ ກ່ອນຖອນທະຫານອອກຈາກຊີຣີ - Untitled design - ອາເມລິກາຕັ້ງເງື່ອນໄຂ ກ່ອນຖອນທະຫານອອກຈາກຊີຣີ

      ທີ່​ປຶກສາ​ດ້ານ​ຄວາມ​ໝັ້ນຄົງ​ຂອງ​ທຳນຽບຂາວ ກ່າວ​ວ່າ: ອາ​ເມ​ລິ​ກາ “ຕ້ອງການ​ຄວາມ​ໝັ້ນ​ໃຈ” ຈາກ​ທຸກ​ຝ່າຍ​ທີ່​ກ່ຽວຂ້ອງ​ວ່າ​ສະຖານະ​ການ​ຂອງ​ກອງ​ກຳລັງ​ຊາວ​ເຄີ​ດ​ໃນ​ຊີຣີ “ຈະ​ປອດ​ໄພ” ກ່ອນ​ການ​ຖອນ​ທະຫານ ​ແລະ ກຸ່ມ IS ​ເສຍ​ໄຊ​ແລ້ວ.

      ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ​ເນື່ອງ​ຈາກ​ການ​ທີ່​ປະທານາທິບໍດີ ​ໂດ​ນັລ ທຣຳ ປະກາດ​​ໃນ​ວັນ​ທີ 19 ທັນວາ​ປີຜ່ານມາ ​ເລື່ອງ​ການ​ຖອນ​ທະຫານ​ອາ​ເມ​ລິ​ກາ​ທີ່​ມີ​ຢູ່​ທັງ​ໝົດ​ປະມານ 2.000 ຄົນ ອອກ​ຈາກ​ຊີຣີພາຍ​ໃນ​ໄລຍະ​ເວລາ 30 ວັນ, ກ່ອນ​ທີ່​ອີກ 2 ອາທິດ​ຕໍ່​ມາ​ໃຊ້​ຄຳ​ວ່າ: “ຄ່ອ​ຍ​ເປັນ​ຄ່ອຍ​ໄປ” ​ແລະ ຂະຫຍາຍ​ໄລຍະ​ເວລາ​ເປັນ 120 ວັນ. ທ່ານ ຈອນ ​ໂບລຕັນ ທີ່​ປຶກສາ​ດ້ານ​ຄວາມ​ໝັ້ນຄົງ​ປະຈຳ​ທຳນຽບຂາວ ກ່າວ​ລະຫວ່າງ​ການ​ຢ້ຽມຢາມ​ອິດສະ​ລາ​ແອນ ​ໃນ​ວັນ​ທີ 6 ມັງກອນວ່າ: ການ​ຖອນ​ທະ​ຫານ​ຕ້ອງ​ເກີດ​ຂຶ້ນຕາມ​ຄຳ​ສັ່ງ​ຂອງ​ຜູ້ນຳ​ອາ​ເມ​ລິ​ກາ, ​ແຕ່​ຈະ​ຕ້ອງຕັ້ງຢູ່​ບົນ​ເງື່ອນ​ໄຂ​ທີ່​ວ່າ: ກຸ່ມ IS ​ເສຍ​ໄຊ​ໝົດ ຈົນ​ບໍ່​ສາມາດ​ຟື້ນຕົວ​ກັບ​ມາ​ເປັນ​ໄພ​ຄຸກ​ຄາມ​ໄດ້​ອີກ.

      ຂະນະ​ດຽວ​ກັນ, ອາ​ເມ​ລິ​ກາ​ຕ້ອງການ​ການ​ຢືນຢັນ​ຄວາມ​ປອດ​ໄພ​ໃຫ້​ກອງ​ກຳລັງ​ປ້ອງ​ກັນ​ຕົນ​ເອງ​ຊາວ​ເຄີ​ດ (YPG) ປັດຈຸບັນ​ກຳລັງ​ຢຶດຄອງ​ພື້ນທີ່​ທາງ​ເໜືອ​ຂອງ​ຊີຣີ ​ແລະ ອາດ​ມີ​ການ​ຮັກສາ​ກຳລັງ​ທະຫານ​ໄວ້​ບາງ​ສ່ວນ​ກ່ອນ ​ເພື່ອ​ປ້ອງ​ກັນ​ກິດຈະກຳ​ທາງ​ທະຫານ​ຂອງ​ອີຣານ​ໃນ​ພື້ນທີ່ ​ໂດຍ​ທ່ານ ​ໂບລຕັນ ກ່າວ​ວ່າ: ຈະ​ຫາລື​ເລື່ອງ​ນີ້​ກັບ​ປະທານາທິບໍດີ ​ເຣ​ເຊ​ບ ​ເທຍິບ ​ເອີ​ໂດ​ກັນ ລະຫວ່າງ​ການ​ຢ້ຽມຢາມ​ຕວກກີ ​ເຊິ່ງລັດຖະບານ​ອັງກາຣາປະກາດ​ລ່ວງ​ໜ້າ​ມາ​ໄລຍະ​ໜຶ່ງ​ແລ້ວ​ວ່າ: ກຽມ​ປະຕິບັດ​ການ​ທາງ​ທະຫານ​ຝ່າຍ​ດຽວ​ໃນ​ເຂດ​ພາກ​ເໜືອ​ຂອງ​ຊີຣີ ​ເພື່ອ​ກວາດ​ລ້າງ YPG ທີ່​ຖື​ເປັນ​ສ່ວນ​ໜຶ່ງ​ຂອງ​ພັກ​ຄົນ​ງານ​ເຄີ​ດິສະຖານ (PKK) ​ເຊິ່ງສູ້​ຮົບ​ກັບ​ກອງທັບ​ຕວກກີ​ມາກ​ວ່າ 3 ທົດ​ສະ​ວັດ ​ເພື່ອ​ແບ່​ງ​ແຍກ​ດິນ​ແດນ​ບາງ​ສ່ວນ​ທາງ​ຕອນ​ໃຕ້​ຂອງ​ປະ​ເທດ.

ອາເມລິກາຕັ້ງເງື່ອນໄຂ ກ່ອນຖອນທະຫານອອກຈາກຊີຣີ - Wave100S AD to Website 2020 0 - ອາເມລິກາຕັ້ງເງື່ອນໄຂ ກ່ອນຖອນທະຫານອອກຈາກຊີຣີ
ອາເມລິກາຕັ້ງເງື່ອນໄຂ ກ່ອນຖອນທະຫານອອກຈາກຊີຣີ - WhatsApp Image 2020 05 27 at 5 - ອາເມລິກາຕັ້ງເງື່ອນໄຂ ກ່ອນຖອນທະຫານອອກຈາກຊີຣີ
ອາເມລິກາຕັ້ງເງື່ອນໄຂ ກ່ອນຖອນທະຫານອອກຈາກຊີຣີ - WhatsApp Image 2020 05 27 at 5 - ອາເມລິກາຕັ້ງເງື່ອນໄຂ ກ່ອນຖອນທະຫານອອກຈາກຊີຣີ
error: Alert: ເນື້ອຫາຂ່າວມີລິຂະສິດ !!