ຕາດນົກເຄົ້າຈຸດທ່ອງທ່ຽວທີ່ປະທັບໃຈ

ຕາດນົກເຄົ້າຈຸດທ່ອງທ່ຽວທີ່ປະທັບໃຈ - advert banner 728 90 728x90 - ຕາດນົກເຄົ້າຈຸດທ່ອງທ່ຽວທີ່ປະທັບໃຈ

ປັດຈຸບັນນີ້ ແຂວງເຊ ກອງມີຫຼາຍສິ່ງສາມາດອໍານວຍ ຄວາມສະດວກເປັນຕົ້ນ ຖະໜົນຫົນທາງຊ່ວຍເຮັດໃຫ້ຜູ້ຄົນທີ່ ເດີນທາງໄປມາໄດ້ສໍາຜັດກັບທໍາະຊາດ, ນໍ້າ ຕົກຕາດທີ່ສາມາດສ້າງ ຄວາມປະທັບໃຈແກ່ນັກ ທ່ອງທ່ຽວທັງພາຍໃນ ແລະ ຕ່າງ ປະເທດເປັນ ຈໍານວນບໍ່ໜ້ອຍ, ບໍ່ວ່າຈະເປັນແຫຼ່ງທ່ອງທ່ຽວທີ່ສ້າງຂຶ້ນມາເອງ ຫຼື ທຳມະຊາດສ້າງມາ. ໂດຍ ເຮົາຈະສາມາດສໍາຜັດກັບສິ່ງໃໝ່ໆ ແລະ ທໍາມະຊາດອັນໂດດເດັ່ນ ແລະ ສວຍສົດ ງົດງາມເພື່ອຜ່ອນຄາຍສະບາຍໃຈ. ດັ່ງຕາດນົກເຄົ້າ ຖືເປັນແຫຼ່ງທ່ອງທ່ຽວທາງ ທໍາມະຊາດທີ່ງົດງາມອີກ ແຫ່ງໜຶ່ງ ຂອງແຂວງເຊ ກອງທີ່ມີອາກາດສົດຊື່ນ ເໝາະແກ່ການພັກຜ່ອນຢ່ອນໃຈໃນຍາມວັນພັກໂດຍ ການໄປນັ່ງຊົມວິວສູບເອົາ ອາກາດສົດໆ ແລະ ກິ່ນ   ຫອມຂອງດອກຄັດເຄົ້າ, ຟັງ ສຽງນົກໜູປູປີກ, ຊຸມແຊວ ກິນເຂົ້າປ່າສາມັກຄີກັບຄອບຄົວ, ໝູ່ຄູ່ດ້ວຍຄວາມສຳລານໃຈ.

ຕາດນົກເຄົ້າຈຸດທ່ອງທ່ຽວທີ່ປະທັບໃຈ - 26871144414 - ຕາດນົກເຄົ້າຈຸດທ່ອງທ່ຽວທີ່ປະທັບໃຈ
(ຕາດນົກເຄົ້າ)

ຕາດນົກເຄົ້າ ເປັນສະຖານທີ່ທ່ອງທ່ຽວທາງທໍາ ມະຊາດທີ່ ກໍາເນີດເກີດຂຶ້ນຢູ່ ຕາມລໍາຫ້ວຍວີ, ມີນໍ້າໄຫຼ ຜ່ານຕະຫຼອດປີມີອາກາດ  ເຢັນສົດຊື່ນ ແຕ່ຈະສັງເກດ ເຫັນວ່າ ທີ່ມີນັກທ່ອງທ່ຽວ ເຂົ້າ ໄປທ່ຽວຊົມຫຼາຍທີ່ສຸດ ແມ່ນ ໄລຍະລະດູແລ້ງເພາະ ໄລຍະ ດັ່ງກ່າວນໍ້າຈະໃສສະ ອາດແນມເຫັນສັດນໍ້ານາໆ ຊະນິດ ແລະ ກະແສນໍ້າກໍຈະ ບໍ່ໄຫຼແຮງ ເໝາະແກ່ການລົງໄປຫຼິ້ນນໍ້າເພື່ອຜ່ອນຄາຍຄວາມອິດເມື່ອຍ  ແລະ ສໍາຄັນ ໄປກວ່ານັ້ນ ໃນບໍລິເວນອ້ອມ ຮອບຕາດ ຈະປົກຄຸມໄປດ້ວຍ ປ່າໄມ້ ພືດພັນທັນຍາຫານ ພ້ອມທັງເປັນແຫຼ່ງ ທໍາມາຫາກິນເພື່ອລ້ຽງຊີບໃນ ຊີ ວິດປະຈໍາວັນຂອງປະຊົນຢູ່່ແຖບນັ້ນນໍາອີກ.

ມີເລື່ອງເລົ່າສູ່ກັນຟັງວ່າ: ຕາດດັ່ງກ່າວໃນເມື່ອກ່ອນ ແມ່ນຊາວບ້ານໄດ້ພາກັນມາຫາກິນແລ້ວກໍໄດ້      ພົບເຫັນໝູ່ ນົກເຄົ້າມາເຮັດ  ຮັງໃສ່ຢູ່ຕົ້ນໄມ້ໃຫຍ່ເທິງຕາດຕົ້ນໜຶ່ງຢ່າງຜິດປົກກະຕິ. ດັ່ງນັ້ນຊາວບ້ານຈຶ່ງ ໄດ້ເອີ້ນຊື່ຕາດນີ້ວ່າ: ຕາດນົກ ເຄົ້າຈົນມາຮອດປັດຈຸບັນນີ້.

ຕາດນົກເຄົ້າຈຸດທ່ອງທ່ຽວທີ່ປະທັບໃຈ - 1 1 - ຕາດນົກເຄົ້າຈຸດທ່ອງທ່ຽວທີ່ປະທັບໃຈ
ຕາດນົກເຄົ້າຈຸດທ່ອງທ່ຽວທີ່ປະທັບໃຈ - Tiger Head 728x90 - ຕາດນົກເຄົ້າຈຸດທ່ອງທ່ຽວທີ່ປະທັບໃຈ

ດັ່ງນັ້ນ ຖ້າໃຜຍັງບໍ່ທັນ ໄດ້ໄປສໍາຜັດກັບທໍາມະຊາດ- ອາກາດປອດໂປ່ງ ຂອງຕາດແຫ່ງນີ້ ເຊິ່ງມີທີ່ ຕັ້ງຢູ່ ບ້ານ ໜອງບົງ ເມືອງ ລະມາມ ແຂວງເຊກອງຫ່າງ ຈາກເທ ສະບານເມືອງ ໄປ 14 Km ແລະ ຫ່າງຈາກ ເສັ້ນ ທາງເລກ ທີ 16B ປະມານ 2 Km ເຊິ່ງ ໄດ້ເລີ່ມເປີດບໍລິ ການນໍາໃຊ້ ແຕ່ ປີ 2008  ເປັນຕົ້ນມາ./.

ຕາດນົກເຄົ້າຈຸດທ່ອງທ່ຽວທີ່ປະທັບໃຈ - 5824 - ຕາດນົກເຄົ້າຈຸດທ່ອງທ່ຽວທີ່ປະທັບໃຈ
(ຕາດນົກເຄົ້າ)
error: Content is protected !!