ເມືອງທອງ ຢູໄນເຕັດ ຄວ້າ ດັງວັນເລີມ ຜູ້ຮັກສາປະຕູທີມຊາດຫວຽດນາມ ຊຸດແຊ້ມອາຊຽນ 2018

ເມືອງທອງ ຢູໄນເຕັດ ຄວ້າ ດັງວັນເລີມ ຜູ້ຮັກສາປະຕູທີມຊາດຫວຽດນາມ ຊຸດແຊ້ມອາຊຽນ 2018 - advert banner 728 90 728x90 - ເມືອງທອງ ຢູໄນເຕັດ ຄວ້າ ດັງວັນເລີມ ຜູ້ຮັກສາປະຕູທີມຊາດຫວຽດນາມ ຊຸດແຊ້ມອາຊຽນ 2018

       ​ເມືອງ​ທອງ ຢູ​ໄນ​ເຕັດ ສະ​ໂມ​ສອນ​ຊື່​ດັງ​ໃນ​ໄທ​ລີກ 1 ຄວ້າ ດັງ​ວັນ​ເລີມ ຜູ້​ຮັກສາ​ປະຕູ​ມື 1 ທີ​ມຊາດ​ຫວຽດນາມ ​ໄວ 25 ປີ ລູກຊອດ​ຫວຽດນາມ-ຣັດ​ເຊຍ ​ໂດຍ​ຍ້າຍ​ຈາກສະ​ໂມ​ສອນ ຮ໊າຍຟອງ ​ເອັຟຊີ ​ໃນ​ລີກ​ສູງ​ສຸດ​ຫວຽດນາມ ​ໂດຍ​ບໍ່​ເປີດ​ເຜີຍ​ຄ່າ​ໂຕ ​ເຊິ່ງຫລາຍ​ສື່​ໃນ​ໄທ ​ແລະ ຫວຽດນາມ ຄາດ​ວ່າ​ບໍ່​ຕໍ່າ​ກວ່າ 3 ລ້ານ​ບາດ (ສະກຸນ​ເງິນ​ໄທ) ​ແລະ ຈະ​ໄດ້​ຮັບ​ຄ່າ​ເມື່ອຍ​ຫລັກ​ແສນ​ບາດ.

      ດັງ​ວັນ​ເລີມ ຜົນງານ​ໂດດ​ເດັ່ນ​ໃນ​ປີ 2018 ພາ​ທີ​ມຊາດ​ຫວຽດນາມ ຄວ້າ​ແຊ້ມຕະ​ເບານ​ຊາຍ​ຊີງ​ແຊ້ມອາ​ຊຽນ ຫລື AFF Suzuki Cup 2018, ສະຖິຕິ​ບໍ່​ເສຍ​ປະຕູ 5 ນັດ ຈາກ 8 ນັດ. ​ເຄີຍ​ຕິດ​ທີ​ມຊາດ​ຫວຽດນາມ U18, U23 ​ແລະ ທີ​ມຊາດ​ຊຸດ​ໃຫຍ່ 11 ນັດ.

ເມືອງທອງ ຢູໄນເຕັດ ຄວ້າ ດັງວັນເລີມ ຜູ້ຮັກສາປະຕູທີມຊາດຫວຽດນາມ ຊຸດແຊ້ມອາຊຽນ 2018 - 1 1 - ເມືອງທອງ ຢູໄນເຕັດ ຄວ້າ ດັງວັນເລີມ ຜູ້ຮັກສາປະຕູທີມຊາດຫວຽດນາມ ຊຸດແຊ້ມອາຊຽນ 2018
ເມືອງທອງ ຢູໄນເຕັດ ຄວ້າ ດັງວັນເລີມ ຜູ້ຮັກສາປະຕູທີມຊາດຫວຽດນາມ ຊຸດແຊ້ມອາຊຽນ 2018 - lattana 1 - ເມືອງທອງ ຢູໄນເຕັດ ຄວ້າ ດັງວັນເລີມ ຜູ້ຮັກສາປະຕູທີມຊາດຫວຽດນາມ ຊຸດແຊ້ມອາຊຽນ 2018

       ດັງ​ວັນ​ເລີມ ​ເຄີຍ​ຕິດ​ທີ​ມອາ​ເຄ​ເດ​ມີ້​ຂອງ​ສະ​ໂມ​ສອນ ສະ​ປາຕ໊າກ ມັອສ​ໂຄ ປີ 2004-05 ​ແລະ ດີ​ນາ​ໂມ ມັອສ​ໂຄ ປີ 2005-06 ສອງ​ທີ​ມດັງ​ໃນ​ລີກຣັດ​ເຊຍ ກ່ອນ​ຈະ​ຍ້າຍ​ມາ​ຢູ່​ກັບ​ອາຄາ​ເດ​ມີ້ ຮວາງ ​ແອັງ​ຢາ​ລາຍ ​ໃນ​ປີ 2006-10 ​ແລະ ​ໄດ້​ຂຶ້ນທີ​ມຊຸດ​ໃຫຍ່ ຮວາງ ​ແອັງ​ຢາ​ລາຍ ລະດູ​ການ 2011-14 ລົງ​ສະໜາມ 12 ນັດ. ຈາກ​ນັ້ນທາງ​ສະ​ໂມ​ສອນ​ປ່ອຍ​ໃຫ້ ຮວາງ ​ແອັງ​ອັດ​ຕະປື ​ໃນ​ປີ 2013. ດັງ​ວັນ​ເລີມ ລົງ​ສະໜາມ 24 ນັດ ກ່ອນ​ຈະ​ຍ້າຍ​ໄປ​ຫລິ້ນ​ໃນ​ລີກ​ປະ​ເທດຣັດ​ເຊຍ​ກັບ​ສະ​ໂມ​ສອນ ດັສລາ ປີ 2013 ​ແລະ ​ໂຣດີ​ນ່າ ມັອສ​ໂຄ ປີ 2014 ​ແລະ ຍ້າຍ​ກັບ​ມາ​ຫລິ້ນ​ໃນ ວີ​ລີກ ຫວຽດນາມ ກັບ​ສະ​ໂມ​ສອນ ຮ໊າຍຟອງ ​ເອັຟຊີ ​ໃນ​ປີ 2015-2018 ລົງ​ສະໜາມ​ທັງ​ໝົດ 58 ນັດ, ກ່ອນ​ຈະ​ຖືກ ​ເມືອງ​ທອງ ຢູ​ໄນ​ເຕັດ ຄວ້າ​ໂຕ​ມາ​ຮ່ວມ​ທັບ​ເພື່ອ​ໄລ່​ລ່າ​ແຊ້ມ​ໄທ​ລີກ 1 ປີ 2019 ​ແລະ ​ເປັນ​ນັກ​ເຕະ​ໂກ​ຕ້າ​ອາ​ຊຽນຄົນທີ 2 ຕໍ່​ຈາກ ອັອງ​ທູ ກອງ​ໜ້າ​ທີ​ມຊາດ​ມຽນມາ. ດັງ​ວັນ​ເລີມ ຈະ​ເປີດ​ໂຕ​ກັບ ​ເມືອງ​ທອງ ຢູ​ໄນ​ເຕັດ ຢ່າງ​​ເປັນ​ທາງ​ການ​ຫລັງ​ຈາກ​ຊ່ວຍ​ທີ​ມຊາດ​ຫວຽດນາມ​ລຸຍ ​ເອຊຽນ ຄັບ 2019 ທີ່​ປະ​ເທດ​ສະຫະລັດ​ອາຣັບ​ເອມິ​ເຣດ.

error: Content is protected !!