ຊາລ້າ ຄວ້າລາງວັນນັກເຕະ ດີເດັ່ນອາຟຣິກາ 2 ສະໄໝຊ້ອນ

ຊາລ້າ ຄວ້າລາງວັນນັກເຕະ ດີເດັ່ນອາຟຣິກາ 2 ສະໄໝຊ້ອນ - advert banner 728 90 728x90 - ຊາລ້າ ຄວ້າລາງວັນນັກເຕະ ດີເດັ່ນອາຟຣິກາ 2 ສະໄໝຊ້ອນ

     ​ໂມ​ຮາ​ເໝັດ ຊາ​ລ້າ ກອງ​ໜ້າ​ທີ​ມຊາດ​ເອຢິບ ​ໄວ 26 ປີ ຂອງ​ສະ​ໂມ​ສອນ​ລິ​ເວີ​ພູລ ​ໄດ້​ຮັບ​ລາງວັນ​ອັນ​ຊົງ​ກຽດ ນັກ​ເຕະ​ດີ​ເດັ່ນ​ຂອງ​ທະວີບ​ອາ​ຟຣິກາ Caf Afican Player of the Year ປະຈຳ​ປີ 2018 ​ເປັນ​ສະ​ໄໝ​ທີ 2 ຕິດ​ຕໍ່​ກັນ ​ເອົາ​ຊະນະ 2 ຜູ້​ເຂົ້າຊີງ​ເມື່ອ​ປີ 2017 ຊາ​ດິ​ໂອ ມາ​ເນ່ ກອງ​ໜ້າ​ທີ​ມຊາດ​ເຊ​ເນ​ການ ​ເພື່ອນ​ຮ່ວມ​ທີ​ມຫົງ​ແດງ ​ແລະ ປີ​ແອ ​ເອ​ເມຣິກ ​ໂອ​ບາ​ມາ​ຢ໊ອງ ກອງ​ໜ້າ​ທີ​ມຊາດ​ກາ​ບ໋ອງ ຈາກ​ອາ​ເຊ​ນອລ.

      ຊາ​ລ້າ ​ເປັນ​ເຈົ້າຂອງ​ລາງວັນ​ນີ້​ເມື່ອ​ປີ 2017 ຜົນງານ​ໃນ​ປີ 2018 ນຳ​ຕົ້ນສັງກັດ​ໄດ້​ຮອງ​ແຊ້ມ ຢູຟາ ​ແຊມ​ປ້ຽນລີກ, ຍິງ 46 ປະຕູ ​ໃນ​ປະຕິ​ທິນປີ 2018, ສະ​ເພາະ​ລະດູ​ການ 2017-18 ຍິງ 44 ປະຕູ, ນຳ​ທີ​ມຊາດ​ເອຢິບ​ໄປ​ບານ​ໂລກ 2018 ຄັ້ງທຳ​ອິດ​ໃນ​ຮອບ 28 ປີ, ພ້ອມ​ກັບ​ນຳ​ຕົ້ນສັງກັດ​ລິ​ເວີ​ພູລຂຶ້ນນຳ​ໃນ​ພຣີ​ເມຍ​ລີກ​ລະດູ​ການ​ນີ້.

ຊາລ້າ ຄວ້າລາງວັນນັກເຕະ ດີເດັ່ນອາຟຣິກາ 2 ສະໄໝຊ້ອນ - Tiger Head 728x90 - ຊາລ້າ ຄວ້າລາງວັນນັກເຕະ ດີເດັ່ນອາຟຣິກາ 2 ສະໄໝຊ້ອນ
ຊາລ້າ ຄວ້າລາງວັນນັກເຕະ ດີເດັ່ນອາຟຣິກາ 2 ສະໄໝຊ້ອນ - 1 1 - ຊາລ້າ ຄວ້າລາງວັນນັກເຕະ ດີເດັ່ນອາຟຣິກາ 2 ສະໄໝຊ້ອນ

      ​ໂມ​ຮາ​ເໝັດ ຊາ​ລ້າ ​ເປັນ​ນັກ​ເຕະ​ລິ​ເວີ​ພູລຄົນທີ 2 ທີ່​ໄດ້​ຮັບ​ລາງວັນ​ນີ້​ຕໍ່​ຈາກ ​ເອສ ຮັດ​ຈິ ດິຍູ​ຟ (El Hadji Diouf) ຊາວ​ເຊ​ເນ​ການ ​ໃນ​ປີ 2002, ສ່ວນ​ນັກ​ເຕະ​ທີ່​ໄດ້​ຮັບ​ລາງວັນ​ນີ້​ຫລາຍ​ສຸດ​ແມ່ນ ຢາ​ຢາ ຕູ​ເຣ່ ຊາວ​ໄອ​ວໍຣີ​ໂຄດ​ ອະດີດ​ກອງ​ກາງ​ບາ​ເຊ​​ໂລ​ນາ ​ແລະ ​ແມນ​ເຊັສ​ເຕີ ຊິ​ຕີ້ ຄວ້າ​ລາງວັນ​ໄປ 4 ສະ​ໄໝ ປີ 2011-2014 ​ແລະ ຊາ​ມູ​ເອວ ​ເອ​ໂຕ້ ຊາວ​ກາ​ເມີຣູນ ປີ 2003, 2004, 2005, 2010 ລາງວັນ​ນີ້​ໄດ້​ຮັບ​ການ​ລົງ​ຄະ​ແນນ​ຈາກ​ຄູ​ຝຶກ ​ແລະ ຫົວໜ້າ​ທີ​ມຂອງ​ສະຫະພັນ​ບານ​ເຕະ​ອາ​ຟຣິກາ ຫລື CAF.

error: Content is protected !!