ສ.ເກົາຫລີ ສົ່ງເຂົ້າຊ່ວຍກຳປູເຈຍ-ມຽນມາ ພາຍໃຕ້ຂອບການຮ່ວມມືອາຊຽນ +3

- advert banner 728 90 728x90 - ສ.ເກົາຫລີ ສົ່ງເຂົ້າຊ່ວຍກຳປູເຈຍ-ມຽນມາ ພາຍໃຕ້ຂອບການຮ່ວມມືອາຊຽນ +3

ສຳນັກ​ຂ່າວ​ຢອນ​ຮັບ​ຂອງ ສ.​ເກົາຫລີ ລາຍ​ງານ​ໂດຍ​ອ້າງ​ໜ່ວຍ​ງານ​ຂອງ​ທາງ​ການ​ລະບຸ​ວ່າ: ສ.​ເກົາຫລີ ພວມ​ຈະ​ສົ່ງ​ເຂົ້າຈຳນວນ​ຫລາຍ​ຮ້ອຍ​ໂຕນ​ໄປ​ປະ​ເທດ​ພວມ​ພັດທະນາ​ໃນ​ພາກພື້ນອາຊີ​ຕາ​ເວັນ​ອອກສຽງ​ໃຕ້​ເປັນ​ເທື່ອ​ທຳ​ອິດ ພາຍ​ໃຕ້​ໂຄງການ​ຊ່ວຍ​ເຫລືອ​ດ້ານ​ອາຫານ​ລະຫວ່າງ​ປະ​ເທດ​ຕາມ​ຂອບ​ການ​ຮ່ວມ​ມືອາ​ຊຽນ +3.

- new3 - ສ.ເກົາຫລີ ສົ່ງເຂົ້າຊ່ວຍກຳປູເຈຍ-ມຽນມາ ພາຍໃຕ້ຂອບການຮ່ວມມືອາຊຽນ +3

- 1495076758432 960x0 - ສ.ເກົາຫລີ ສົ່ງເຂົ້າຊ່ວຍກຳປູເຈຍ-ມຽນມາ ພາຍໃຕ້ຂອບການຮ່ວມມືອາຊຽນ +3

ກະຊວງ​ກະສິກຳ, ອາຫານ ​ແລະ ກິດຈະການ​ຊົນນະບົດ​ຂອງ ສ.​ເກົາຫລີ ​ເປີດ​ເຜີຍ​ວ່າ: ​ເຮືອ​ບັນທຸກ​ເຂົ້າຈຳນວນ 250 ​ໂຕນ ຈະ​ອອກ​ເດີນທາງ​ໄປ​ທ່າ​ເຮືອ​ສີ​ຫຸນ​ວິວຂອງ​ກຳປູ​ເຈຍ​ໃນ​ວັນ​ທີ 17 ພຶດສະພາ​ນີ້ ​ແລະ ​ເຂົ້າອີກ 500 ​ໂຕນ​ຈະ​ຖືກ​ສົ່ງ​ໄປ​ມຽນມາ​ໃນວັນ​ທີ 18 ພຶດສະພາ. ຖື​ເປັນ​ເທື່ອ​ທຳ​ອິດ​ທີ່ ສ.​ເກົາຫລີ ຈະ​ເປັນ​ຜູ້​ບໍລິຈາກ​ເຂົ້າ​ໃຫ້​ປະ​ເທດ​ທີສາມ​ພາຍ​ໃຕ້​ຂອບ​ການ​ເຮັດວຽກ​ລະຫວ່າງ​ປະ​ເທດ​ອາ​ຊຽນ +3 ວ່າ​ດ້ວຍ​ການ​ສຳຮອງ​ເຂົ້າຍາມ​ສຸກ​ເສີນ (APTERR).

 

- lattana 1 - ສ.ເກົາຫລີ ສົ່ງເຂົ້າຊ່ວຍກຳປູເຈຍ-ມຽນມາ ພາຍໃຕ້ຂອບການຮ່ວມມືອາຊຽນ +3

ຂອບ​ການ​ເຮັດ​ວຽກ APTERR ​ໄດ້​ຮັບ​ການຈັດຕັ້ງຂຶ້ນ​ໂດຍ​ປະ​ເທດ​ສະມາຊິກ​ອາ​ຊຽນ 10 ປະ​ເທດ​ຮ່ວມ​ມື​ກັນ​ກັບ ສ.​ເກົາຫລີ, ຍີ່ປຸ່ນ ​ແລະ ຈີນ ​ໃນ​ປີ 2012 ​ໂດຍ​ມີ​ຈຸດປະສົງ​ໃນ​ການ​ຮັກສາ​ຄວາມ​ໝັ້ນຄົງ​ດ້ານ​ອາຫານ​ພາຍ​ໃນ​ພາກພື້ນຍາມ​ເກີດ​ເຫດການ​ສຸກ​ເສີນ​ເຊັ່ນ: ອຸ​ທົກ​ກະ​ໄພ ​ແລະ ​​ໄພ​ແຫ້ງ​ແລ້ງ​ເປັນຕົ້ນ.

 

ທັງ​ນີ້, ການ​ເຂົ້າຮ່ວມ ARTERR ຂອງ​ ສ.​ເກົາຫລີ ​ເປັນ​ໄປ​ຕາມ​ນະ​ໂຍບາຍ​ຂອງ​ລັດຖະບານ​ໃນ​ການ​ແກ້​ໄຂ​ສະພາບ​ເຂົ້າລົ້ນຕະຫລາດ, ຫລັງ​ພົບ​ວ່າ​ພາຍ​ໃນ​ປະ​ເທດ​ມີ​ການ​ບໍລິ​ໂພ​ກ​ເຂົ້າຫລຸດ​ລົງ​ຢ່າງ​ວ່ອງ​ໄວ ​ໂດຍ​ໃນ​ປີຜ່ານມາ, ສ.​ເກົາຫລີ ມີ​ປະລິມານ​ເຂົ້າ​ເກີນ​ຄວາມ​ຕ້ອງການ​ຂອງ​ຕະຫລາດ​ປະມານ 300.000 ​ໂຕນ, ສ່ວນ​ປີ​ນີ້​ຄາດ​ວ່າ​ຈະ​ມີ​ເຂົ້າລົ້ນຕະຫລາດ​ປະມານ 200.000 ​ໂຕນ.

error: Content is protected !!