ພ້ອມກັນອ່ວາຍໜ້າກຽມຈິດໃຈ ສະຫລອງວັນສ້າງຕັ້ງກອງທັບ

ພ້ອມກັນອ່ວາຍໜ້າກຽມຈິດໃຈ ສະຫລອງວັນສ້າງຕັ້ງກອງທັບ - advert banner 728 90 728x90 - ພ້ອມກັນອ່ວາຍໜ້າກຽມຈິດໃຈ ສະຫລອງວັນສ້າງຕັ້ງກອງທັບ

ເມື່ອວັນທີ 7 ຜ່ານມານີ້, ທິດກ່ຳໄດ້ມີໂອກາດໄປເບິ່ງ ໄປຊົມການສະແດງຜ່ານຄັ້ງທຳອິດໃນການກຽມຄວາມ ພ້ອມການເດີນສວນສະໜາມຄັ້ງຍິ່ງໃຫຍ່ ທີ່ບໍ່ເຄີຍມີມາ ໃນປະຫວັດສາດຂອງກອງທັບ, ຂອງຊາດ ແລະ ຂອງ ປະຊາຊົນເຮົາ.

ພ້ອມກັນອ່ວາຍໜ້າກຽມຈິດໃຈ ສະຫລອງວັນສ້າງຕັ້ງກອງທັບ - new3 - ພ້ອມກັນອ່ວາຍໜ້າກຽມຈິດໃຈ ສະຫລອງວັນສ້າງຕັ້ງກອງທັບ

ຖ້າຈະຍົກເອົານິ້ວມືມາ ນັບຖອຍຫລັງກໍຍັງເຫລືອພຽງ 10 ວັນກໍຈະຮອດວັນທີ 20 ເດືອນມັງກອນອັນ ເປັນວັນສ້າງຕັ້ງກອງທັບ ປະຊາຊົນ ລາວຄົບຮອບ 70 ປີ (20 ມັງກອນ 1949-20 ມັງກອນ 2019).

ໃນວັນທີ 30 ເດືອນກໍ ລະກົດຜ່ານມາ, ຊາວເມືອງ ວຽງໄຊ, ແຂວງຫົວພັນກໍຄື ຊາວລາວ ໃນທົ່ວປະເທດໄດ້ ພາກັນສະເຫລີມສະຫລອງ ວັນສ້າງຕັ້ງເມືອງວຽງໄຊ ຄົບ ຮອບ 50 ປີ ເປັນຖານທີ່ໝັ້ນ ຂອງການປະຕິວັດ.

ໃນຄວາມເປັນຈິງ ແລ້ວ ໃນປະຫວັດສາດແຫ່ງການ ຕໍ່ສູ້ເພື່ອປົດປ່ອຍປະເທດຊາດອອກຈາກລັດທິລ່າເມືອງ ຂຶ້ນແບບເກົ່າ ແລະ ແບບໃໝ່ ຂອງຈັກກະພັດຜູ້ຮຸກຮານ ປະຫວັດສາດ ວັນທີ 20 ມັງກອນກັບເມືອງວຽງໄຊອັນ ເປັນຖານທີ່ໝັ້ນຂອງການ ປະຕິວັດລາວ ແມ່ນໄດ້ຕິດພັນ ກັນຄືປີ່ກັບຄຸ່ຍ, ຄືໝໍແຄນກັບ ໝໍລຳ ແລະ ຄືອ້າຍກັບນ້ອງ, ເປັນຫຍັງ ຈຶ່ງວ່າແນວນັ້ນ? ຍ້ອນວ່າວັນສ້າງຕັ້ງກອງທັບກັບວັນສ້າງຕັ້ງເມືອງວຽງໄຊ ແມ່ນນອນຢູ່ໃນທ້ອງແມ່ ດຽວກັນນັ້ນກໍຄືຢູ່ແຂວງ ຫົວພັນຕ່າງແຕ່ວ່າໃຜກ່ອນໃຜລຸນ.

ເພາະສະນັ້ນ, ຈຶ່ງເວົ້າໄດ້ ວ່າຖ້າເວົ້າເຖິງຂະບວນການ ຕໍ່ສູ້ປະຕິວັດປົດປ່ອຍຊາດກໍ ຕ້ອງໄດ້ເອີ່ຍເຖິງແຂວງຫົວ  ພັນ ແລະ ແຂວງດັ່ງກ່າວ ຈຶ່ງ ກາຍເປັນແຂວງວິລະຊົນສົມດັ່ງພັກ ແລະ ລັດຖະບານກໍຄືປວງຊົນລາວທັງຊາດໄດ້ ມອບໝາຍໃຫ້.

ເມື່ອເວົ້າເຖິງກອງທັບ ລາວອິດສະຫລະໃນເມື່ອ ກ່ອນ ແລະ ກອງທັບປະຊາຊົນລາວ ໃນປັດຈຸບັນນັບຕັ້ງ ແຕ່ມື້ສ້າງຂຶ້ນມາກໍມີອາຍຸ 70 ປີເຕັມໝາຍວ່າຄິດໄລ່ເອົາ ແຕ່ຄ່າ ປະທານ ໄກສອນ ພົມ ວິຫານ ປະກາດສ້າງຕັ້ງກອງ ທັບລາວອິດສະຫລະ ໂດຍ ແມ່ນເພິ່ນເອງເປັນຜູ້ບັນຊາ ການໂດຍກົງ.

ຈາກນັ້ນກໍຄ່ອຍໆ ເຕີບ ໃຫຍ່ທາງດ້ານປະລິມານ ແລະ ຄຸນນະພາບຈົນກາຍ ເປັນກຳລັງທັບໃຫຍ່ທີ່ແຂງ ແກ່ນສາມາດເຮັດພາລະກິດຕໍ່ສູ້ປົດປ່ອຍຊາດຕາມຄວາມຫວັງ ແລະ ອຸດົມການຂອງ ປວງຊົນລາວທົ່ວທັງປະເທດ.

ພ້ອມກັນອ່ວາຍໜ້າກຽມຈິດໃຈ ສະຫລອງວັນສ້າງຕັ້ງກອງທັບ - lattana 1 - ພ້ອມກັນອ່ວາຍໜ້າກຽມຈິດໃຈ ສະຫລອງວັນສ້າງຕັ້ງກອງທັບ

ແຕ່ຖ້າພວກເຮົາຄິດໄລ່ ນັບຕັ້ງແຕ່ມີຂະບວນການຕໍ່ ສູ້ເພື່ອເອກະລາດແຫ່ງຊາດ ກໍຕ້ອງໄດ້ຄິດໄລ່ຕັ້ງແຕ່ເບິ່ງ ການຕໍ່ສູ້ຂອງເຈົ້າອານຸວົງ ເປັນຕົ້ນມາກໍເປັນເວລາສາມສີ່ຮ້ອຍປີຈົນມາຮອດວັນທີ  2 ທັນວາ ຈຶ່ງໄດ້ສຳເລັດພາລະກຳປະຫວັດສາດຕາມ ກົດເກນການຂະຫຍາຍຕົວ ຂອງປະຫວັດສາດຊາດລາວ.

ແນວໃດກໍຕາມ, ເຮົາຄິດວ່າປະເທດຊາດບ້ານເມືອງ ຍັງຍືນຍົງຄົງຕົວມາຮອດທຸກວັນນີ້ ກໍຍ້ອນມີຜູ້ຮັກຊາດ, ມີ ທະຫານ, ມີກອງທັບທີ່ຈົ່ງຮັກພັກດີຕໍ່ປະເທດຊາດ ແລະ ຕໍ່ປະຊາຊົນພວກເຮົາ ຈຶ່ງສາມາດຜ່ານພົ້ນກະແສຟອງ ທັງອັນດີ ແລະ ອັນຮ້າຍທີ່ ສະຫລັບສັບຊ້ອນ 70 ປີ ແຫ່ງການຕໍ່ສູ້ ແລະ ຂະຫຍາຍຕົວ ຂອງກອງທັບປະຊາຊົນລາວ ຕາມຄຳຂວັນທີ່ວ່າ “ບໍລິສຸດຕໍ່ຊາດ, ຮັບໃຊ້ປະຊາຊົນຢ່າງສຸດໃຈ, ເສີມຂະຫຍາຍທາດແທ້, ມູນເຊື້ອປະຕິວັດ, ສຳເລັດທຸກໜ້າທີ່” ກອງທັບປະຊາ ຊົນລາວໄດ້ເຕີບໃຫຍ່ເຂັ້ມ ແຂງສົມກັບວ່າເປັນກຳແພງອັນແໜ້ນໜາຂອງພັກ, ຂອງຊາດ ແລະ ຂອງປະຊາຊົນ.

ສະນັ້ນ, ໃນໂອກາດວັນທີ 20 ມັງກອນທີ່ຈະມາ ເຖິງນີ້ ພວກເຮົາທີ່ເປັນຄົນລາວ, ເຊື້ອ ຊາດລາວທົ່ວທັງປະເທດຈົ່ງພູມໃຈໃນຄວາມໝັ້ນຄົງຍືນ ຍົງຂອງຊາດ. ໝາກຜົນແຫ່ງໄຊຊະນະທີ່ຍາດມາໄດ້ເປັນ ເວລາ 70 ປີຜ່ານພາລະກຳ ປະຫວັດສາດອັນຍິ່ງໃຫຍ່ໄພສານ ແລະ  ສຳຄັນຂອງກອງທັບປະຊາຊົນລາວ.

ບັນດາສະຫາຍນັກຮົບຜູ້ກ້າແກ່ນ, ເສຍສະຫລະເພື່ອຊາດເພື່ອແຜ່ນດິນເປັນສິ່ງ ທົດສອບນ້ຳໃຈອັນເດັດດ່ຽວໜຽວແໜ້ນຂອງກອງທັບ ປະຊາຊົນລາວ. ໂອກາດວັນທີ 20 ມັງກອນ ຈົ່ງພ້ອມກັນ ສະເຫລີມສະຫລອງຢ່າງຍິ່ງ ໃຫຍ່ຄຶກຄື້ນສົມກັບວ່າກອງທັບແມ່ນກຳແພງເພັດຂອງ ຊາດລາວຄົນລາວໃນຍຸກສະໄໝໃໝ່./.

ພ້ອມກັນອ່ວາຍໜ້າກຽມຈິດໃຈ ສະຫລອງວັນສ້າງຕັ້ງກອງທັບ - 88517 - ພ້ອມກັນອ່ວາຍໜ້າກຽມຈິດໃຈ ສະຫລອງວັນສ້າງຕັ້ງກອງທັບ
(ພາບປະກອບ)
error: Content is protected !!