ອະດີດຫົວໜ້າ FBI ໄດ້ຮັບການແຕ່ງຕັ້ງໃຫ້ສອບສວນກໍລະນີ ທຣຳ ພົວພັນຣັດເຊຍ

- 1495071647613 960x0 - ອະດີດຫົວໜ້າ FBI ໄດ້ຮັບການແຕ່ງຕັ້ງໃຫ້ສອບສວນກໍລະນີ ທຣຳ ພົວພັນຣັດເຊຍ
- Untitled design - ອະດີດຫົວໜ້າ FBI ໄດ້ຮັບການແຕ່ງຕັ້ງໃຫ້ສອບສວນກໍລະນີ ທຣຳ ພົວພັນຣັດເຊຍ

ກະຊວງ​ຍຸຕິ​ທຳ​ອາ​ເມ​ລິ​ກາ​ປະກາດ​ແຕ່ງຕັ້ງທ່ານ ​ໂຣ​ເບີດ ມຸລ​ເລີ ອະດີດ​ຜູ້ອຳນວຍການ​ສຳນັກງານ​ສອບ​ສວນ​ກາງ ຫລື FBI ​ໃຫ້​ເປັນ​ທີ່​ປຶກສາ​ພິ​ເສດ​ໃນ​ການ​ສອບ​ສວນ​ວ່າ: ທີ​ມງານ​ຫາ​ສຽງ​ຂອງ​ປະທານາທິບໍດີ ​ໂດ​ນັນ ທຣຳ ສົມຮູ້​ຄວາມ​ຄິດ​ກັບຣັດ​ເຊຍ​ໃນ​ການ​ເລືອກ​ຕັ້ງປະທານາທິບໍດີ​ອາ​ເມ​ລິ​ກາ​ໃນ​ປີຜ່ານມາ ຫລື ບໍ່ ​ແລະ ຂໍ້​ກ່າວ​ຫາ​ວ່າ: ຣັດ​ເຊຍ​ແຊກ​ແຊງ​ການ​ເລືອກ​ຕັ້ງອາ​ເມ​ລິ​ກາ.

 

- 1495071647613 960x0 - ອະດີດຫົວໜ້າ FBI ໄດ້ຮັບການແຕ່ງຕັ້ງໃຫ້ສອບສວນກໍລະນີ ທຣຳ ພົວພັນຣັດເຊຍ

 

- Wave100S AD to Website 2020 0 - ອະດີດຫົວໜ້າ FBI ໄດ້ຮັບການແຕ່ງຕັ້ງໃຫ້ສອບສວນກໍລະນີ ທຣຳ ພົວພັນຣັດເຊຍ

ກະຊວງ​ຍຸຕິ​ທຳ ​ໄດ້​ຮັບ​ແຮງ​ກົດ​ດັນ​ໃຫ້ຫາ​ແນວທາງ​ທີ່​ຈະ​ຮັບປະກັນ​ຕໍ່​ລັດຖະສະພາ​ອາ​ເມ​ລິ​ກາ ​ແລະ ປະຊາຊົນ​ໄດ້​ວ່າການ​ສອບ​ສວນ​ກໍລະນີຣັດ​ເຊຍ​ກັບ​ການ​ເລືອກ​ຕັ້ງອາ​ເມ​ລິ​ກາ​ຈະ​ດຳ​ເນີນ​ຕໍ່​ໄປ​ແບບ​ບໍ່​ມີ​ອຸປະສັກ​ຂັດຂວາງ. ກະຊວງ​ຍຸຕິ​ທຳ​ຈຶ່ງ​ໄດ້​ທາ​ບທາມ​ທ່ານ ມຸລ​ເລີ ​ໃຫ້​ເຂົ້າມາ​ຮັບ​ຕຳ​ແໜ່​ງທີ່​ປຶກສາ​ພິ​ເສດ​​ເບິ່ງ​ແຍງ​ການ​ສອບ​ສວນ​ເລື່ອງ​ນີ້. ທ່ານ ມຸລ​ເລີ ​ເປັນ​ບຸກຄົນ​ທີ່​ໄດ້​ຮັບ​ຄວາມ​ເຊື່ອ​ຖື​ຢ່າງ​ກວ້າງຂວາງ ​ແລະ ຮັບ​ຕຳ​ແໜ່​ງຜູ້ອຳນວຍການ FBI ​​ເປັນ​ເວລາ 10 ປີ ພາຍຫລັງ​ເຫດການ​ໂຈມ​ຕີ​ອາ​ເມ​ລິ​ກາ​ໃນ​ປີ 2001, ສ່ວນ​ທ່ານ ທຣຳ ​ໄດ້​ສະ​ແດງ​ຄວາມ​ເຫັນ​ທັນທີ ​ໂດຍ​ບໍ່​ໄດ້​ກ່າວ​ເຖິງ​ການ​ແຕ່ງຕັ້ງທ່ານ ມຸລ​ເລີ ​ໂດຍ​ກົງ ​ໂດຍ​ທ່ານ​ໄດ້​ເນັ້ນອີກ​ເທື່ອ​ໜຶ່ງ​ປະຕິ​ເສດ​ວ່າ​ທ່ານ​ບໍ່​ມີ​ຄວາມ​ກ່ຽວຂ້ອງ ຫລື ສົມຮູ້​ຄວາມ​ຄິດ​ໃດໆ​ກັບຣັດ​ເຊຍ ​ແລະ ທ່ານ​ລໍຖ້າ​ໃຫ້​ບັນຫາ​ເລື່ອງ​ນີ້​ມີ​ຂໍ້​ສະຫລຸບ​ໂດຍ​ໄວ. ​ເຖິງ​ຢ່າງ​ໃດ​ກໍ​ຕາມ, ການ​ແຕ່ງຕງທີ່​ປຶກສາ​ພິ​ເສດ​ທີ່​ມີ​ອຳນາດ​ຢ່າງ​ກວ້າງຂວາງ​ອາດ​ຈະ​ເພີ່ມ​ຄວາມ​ສ່ຽງ​ຈະ​ສົ່ງ​ຜົນ​ກະທົບ​ຕໍ່​ການ​ເຮັດ​ວຽກ​ໃນ​ຕຳ​ແໜ່​ງປະທານາທິບໍດີ​ຂອງ​ທ່ານ​ໄດ້. ທັງ​ນີ້ ທ່ານ ທຣຳ ​ເຊິ່ງບໍ່​ສົນ​ໃຈ​ຕໍ່​ກະ​ແສ​ທີ່​ວ່າຣັດ​ເຊຍ​ຊ່ວຍ​ໃຫ້​ທ່ານ​ຊະນະ​ການ​ເລືອກ​ຕັ້ງປະທານາທິບໍດີ, ຖືກ​ກ່າວ​ຫາ​ວ່າ​ພະຍາຍາມ​ຂັດຂວາງ​ການ​ສອບ​ສວນ​ໃນ​ເລື່ອງ​ນີ້ ​ໂດຍ​ການ​​ໄລ່​ທ່ານ ​ເຈ​ມສ໌ ​ໂຄ​ມີ ອອກ​ຈາກ​ຕຳ​ແໜ່​ງຜູ້ອຳນວຍການ FBI.

- WhatsApp Image 2020 05 27 at 5 - ອະດີດຫົວໜ້າ FBI ໄດ້ຮັບການແຕ່ງຕັ້ງໃຫ້ສອບສວນກໍລະນີ ທຣຳ ພົວພັນຣັດເຊຍ
- WhatsApp Image 2020 05 27 at 5 - ອະດີດຫົວໜ້າ FBI ໄດ້ຮັບການແຕ່ງຕັ້ງໃຫ້ສອບສວນກໍລະນີ ທຣຳ ພົວພັນຣັດເຊຍ
error: Alert: ເນື້ອຫາຂ່າວມີລິຂະສິດ !!