ສານປະຊາຊົນ ​ແຂວງສາລະ​ວັນ ຕັດສິນ​ປະຫານ​ຊີວິດ ຜູ້​ຄ້າຂາຍ​ຢາ​ເສບ​ຕິດ​ລາຍ​ໃຫຍ່ 2 ຄົນ

ສານປະຊາຊົນ ​ແຂວງສາລະ​ວັນ ຕັດສິນ​ປະຫານ​ຊີວິດ ຜູ້​ຄ້າຂາຍ​ຢາ​ເສບ​ຕິດ​ລາຍ​ໃຫຍ່ 2 ຄົນ - IMG 5326 1024x634 - ສານປະຊາຊົນ ​ແຂວງສາລະ​ວັນ ຕັດສິນ​ປະຫານ​ຊີວິດ ຜູ້​ຄ້າຂາຍ​ຢາ​ເສບ​ຕິດ​ລາຍ​ໃຫຍ່ 2 ຄົນ
ສານປະຊາຊົນ ​ແຂວງສາລະ​ວັນ ຕັດສິນ​ປະຫານ​ຊີວິດ ຜູ້​ຄ້າຂາຍ​ຢາ​ເສບ​ຕິດ​ລາຍ​ໃຫຍ່ 2 ຄົນ - Untitled design - ສານປະຊາຊົນ ​ແຂວງສາລະ​ວັນ ຕັດສິນ​ປະຫານ​ຊີວິດ ຜູ້​ຄ້າຂາຍ​ຢາ​ເສບ​ຕິດ​ລາຍ​ໃຫຍ່ 2 ຄົນ

ເມື່ອ​ບໍ່ດົນ​ມານີ້, ສານປະຊາຊົນ ແຂວງ ສາລະວັນ, ໄດ້ຕັດສິນປະຫານຊີວິດ ທ້າວ ບຸນລ້ຽງ ອາ ຍຸ 32 ປີ ຢູ່ບ້ານ ເທດສະບານ ແລະ ທ້າວ ຄຳພຸດ ອາຍຸ 38 ປີ ຢູ່ບ້ານ ຕຸກລຸກ ເມືອງ ຕຸ້ມລານ ແຂວງ ສາລະວັນ, ​ໃນ​ຂໍ້ຫາ​ຮ່ວມ​ກັນ​ຄ້າຂາຍ​ຢາ​ເສບ​ຕິດ​ເປັນ​ຈຳນວນ​ຫລາຍ​, ພາຍຫລັງທັງສອງຖືກເຈົ້າໜ້າທີ່ຕໍາຫຼວດກັກຕົວ ໃນວັນທີ 11 ກໍລະກົດ 2017 ຜ່ານ​ມາ ພ້ອມຂອງກາງຢາບ້າ ຈຳນວນ 20 ມັດ.

​ເຈົ້າໜ້າທີ່ ​ໃຫ້​ຮູ້​ວ່າ: ພວກ​ກ່ຽວໄດ້ມີການສົມຮູ້ຮ່ວມຄິດລັກລອບຄ້າຂາຍຢາເສບຕິດກັບຄົນຫວຽດນາມ ຊື່ ທ້າວ ຕຸງ ແລະ ທ້າວ ລາມ ​ໃນ​ປີ 2017, ​ເປັນ​ຈຳນວນ​ຫລາຍ​ຄື: ​ ວັນທີ 11 ກໍລະກົດ 2017 ຈໍາເລີຍທັງສອງຈຶ່ງ ເອົາຢາບ້າຈໍານວນ 20 ມັດ ໃສ່ເປົາແລ້ວພາກັນຂີ່ລົດຈັກອອກໄປສົ່ງໃຫ້ຜູ້ສັ່ງຊື້ຕາມການນັດໝາຍພໍຂີ່ລົດຈັກອອກຈາກບ້ານເທດສະບານເມືອງຕະໂອ້ຍ ຮອດຫົວຂົວເຊໂປນ ເມືອງສະໝ້ວຍ ຖືກເຈົ້າໜ້າທີ່ກັກຕົວ​ມາ​ດຳ​ເນີນ​ຄະດີ.

ຕາມມາດຕາ 146 ຂອງກົດໝາຍອາຍາ ແລະ ມາດຕາ 75, 76 ຂອງກົດໝາຍວ່າດ້ວຍຢາເສບຕິດ ມາດຕາ 2 ທີ່ໄດ້ກໍານົດວ່າ: ບຸກຄົນໃດຫາກຜະລິດ, ປຸງແຕ່ງ ຫຼື ມີຢາເສບຕິດໄວ້ຄອບຄອງ, ຄ້າຂາຍ, ຈໍາໜ່າຍ, ນໍາເຂົ້າ, ສົ່ງອອກ, ຂົນສົ່ງ ຫຼື ນໍາຢາອີ-ຢາບ້າ, ຢາໄອສ໌ ຫຼື ວັດຖຸອອກລິດຕໍ່ຈິດປະສາດຜ່ານ ສປປ ລາວ ເກີນກວ່າ 500 ກຼາມ ຂຶ້ນໄປຈະຖືກ ລົງໂທດປະຫານຊີວິດ.

ສານປະຊາຊົນ ​ແຂວງສາລະ​ວັນ ຕັດສິນ​ປະຫານ​ຊີວິດ ຜູ້​ຄ້າຂາຍ​ຢາ​ເສບ​ຕິດ​ລາຍ​ໃຫຍ່ 2 ຄົນ - Wave100S AD to Website 2020 0 - ສານປະຊາຊົນ ​ແຂວງສາລະ​ວັນ ຕັດສິນ​ປະຫານ​ຊີວິດ ຜູ້​ຄ້າຂາຍ​ຢາ​ເສບ​ຕິດ​ລາຍ​ໃຫຍ່ 2 ຄົນ

​ເຈົ້າໜ້າທີ່​ໃຫ້​ຮູ້​ວ່າ: ​ໃນ​ໄລຍະ 3 ​ເດືອນ​ຜ່ານ​ມາ, ພາຍຫລັງ​ທີ່​ໄດ້​ມີ​ການ​ເປີດ​ສູນ​ປະສານ​ງານ​ແມ່ນ້ຳຂອງ​ປອດ​ໄພ ​ໂດຍ​ມີ​ສະມາຊິກ​ 6 ປະ​ເທດ​ຄື: ສປ ຈີນ, ກຳປູ​ເຈຍ, ມຽນມາ, ​ໄທ, ສສ ຫວຽດນາມ ​ແລະ ສປປ ລາວ, ຊຶ່ງຜ່ານ​ການຈັດ​ຕັ້ງ​ປະຕິບັດ​ຮ່ວມ​ກັນ​ສາ​ມາດ​ມ້າງ​ຄະດີ​ຢາ​ເສບ​ຕິດ​ໄດ້ 7.414 ​ເລື່ອງ, ກັກ​ຕົວ​ຜູ້​ກະທຳ​ຜິດ​ມາ​ດຳ​ເນີນ​ຄະດີ ​ໄດ້ 10.657 ຄົນ, ຍິງ 757 ຄົນ, ຢຶດຂອງ​ກາງ​ປະ​ເພດ​ຢາ​ບ້າກ່ວາ 100 ລ້ານ​ເມັດ, ຢາ​ໄອ 15.897 ກິ​ໂລກຼາມ, ກັນຊາ​ກ່ວາ 6 ພັນ​ກິ​ໂລກຼາມ ​ແລະ ສານ​ເສບ​ຕິດ​ອື່ນໆອີກ.

ສານປະຊາຊົນ ​ແຂວງສາລະ​ວັນ ຕັດສິນ​ປະຫານ​ຊີວິດ ຜູ້​ຄ້າຂາຍ​ຢາ​ເສບ​ຕິດ​ລາຍ​ໃຫຍ່ 2 ຄົນ - WhatsApp Image 2020 05 27 at 5 - ສານປະຊາຊົນ ​ແຂວງສາລະ​ວັນ ຕັດສິນ​ປະຫານ​ຊີວິດ ຜູ້​ຄ້າຂາຍ​ຢາ​ເສບ​ຕິດ​ລາຍ​ໃຫຍ່ 2 ຄົນ
ສານປະຊາຊົນ ​ແຂວງສາລະ​ວັນ ຕັດສິນ​ປະຫານ​ຊີວິດ ຜູ້​ຄ້າຂາຍ​ຢາ​ເສບ​ຕິດ​ລາຍ​ໃຫຍ່ 2 ຄົນ - WhatsApp Image 2020 05 27 at 5 - ສານປະຊາຊົນ ​ແຂວງສາລະ​ວັນ ຕັດສິນ​ປະຫານ​ຊີວິດ ຜູ້​ຄ້າຂາຍ​ຢາ​ເສບ​ຕິດ​ລາຍ​ໃຫຍ່ 2 ຄົນ
error: Alert: ເນື້ອຫາຂ່າວມີລິຂະສິດ !!