ພຶດຕິກຳຢ່າເຮັດກ່ອນນອນຫາກຢາກຕື່ນມາພ້ອມຄວາມສົດຊື່ນ

ພຶດຕິກຳຢ່າເຮັດກ່ອນນອນຫາກຢາກຕື່ນມາພ້ອມຄວາມສົດຊື່ນ - 051101 2019 - ພຶດຕິກຳຢ່າເຮັດກ່ອນນອນຫາກຢາກຕື່ນມາພ້ອມຄວາມສົດຊື່ນ
ພຶດຕິກຳຢ່າເຮັດກ່ອນນອນຫາກຢາກຕື່ນມາພ້ອມຄວາມສົດຊື່ນ - Untitled design - ພຶດຕິກຳຢ່າເຮັດກ່ອນນອນຫາກຢາກຕື່ນມາພ້ອມຄວາມສົດຊື່ນ

     ເວລານອນຫລັບຖືວ່າເປັນຊ່ວງເວລາທີ່ດີທີ່ສຸດຂອງຮ່າງກາຍ ເພາະຈະໄດ້ພັກຜ່ອນ ພ້ອມທັງໄດ້ຟື້ນຟູຮ່າງກາຍໄປໃນໂຕ ຫາກຊ່ວງເວລາທີ່ເໝາະສົມແກ່ການນອນຫລັບພັກຜ່ອນຂອງຮ່າງກາຍຖືກລົບກວນກໍຈະສົ່ງຜົນເສຍໃຫ້ມີສຸຂະພາບອ່ອນແອໄດ້ ແລະ 7 ພຶດຕິກຳນີ້ ຖ້າທ່ານເຮັດກ່ອນນອນຈະສົ່ງຜົນໃຫ້ທ່ານຫລັບບໍ່ແຈບ ຖ້າເຮັດຕໍ່ໄປເລື້ອຍໆໃນໄລຍະຍາວກໍຈະເຮັດໃຫ້ສຸຂະ ພາບເສື່ອມໂຊມໄດ້.

      1. ດື່ມກາເຟ : ບາງຄົນບອກວ່າເຖິງຈະດື່ມກາເຟກ່ອນນອນກໍໍຫລັບດີ ເຊິ່ງແມ່ນຢູ່ວ່າສຳລັບບາງ ຄົນອາດຈະນອນຫລັບໄດ້ສະບາຍ  ແຕ່ກາເຟອີນໃນກາເຟຈະເຮັດໃຫ້ສະໝອງຕື່ນໂຕຢູ່ຕະຫລອດເວລາ.

     2. ດື່ມອານກໍຮໍ : ເບຍ ຫລື ເຫລົ້າແວັງຈອກນ້ອຍໆໃນອາຫານຄາບແລງອາດຊ່ວຍໃຫ້ຫລັບສະບາຍຍິ່ງຂຶ້ນ, ແຕ່ຖ້າທ່ານດື່ມ ໃນປະລິມານຫລາຍເກີນໄປ ຕ້ອງບອກເລີຍວ່າຢ່າເຮັດເດັດຂາດ ເພາະມັນຈະເຮັດໃຫ້ພົກຍ່ຽວຂອງທ່ານບີບຮັດໂຕ ແລະ ຕ້ອງລຸກມາຍ່ຽວກາງເດິກຫລາຍເທື່ອ ນອນບໍ່ຕໍ່ເນື່ອງແນ່ນອນ.

     3. ກິນອາຫານ : ຫ້າມກິນແລ້ວນອນທັນທີ ເພາະມັນຈະເຮັດໃຫ້ເປັນກົດໄຫລຍ້ອນ ເຊິ່ງປິ່ນປົວຍາກຫລາຍ ແລະ ທໍລະມານ ຫລາຍແທ້ໆ ສະນັ້ນ ຖ້າກິນເຂົ້າແລງແລ້ວ ຄວນເວັ້ນໄລຍະເວລາ  ປະມານ 3 – 4 ຊົ່ວໂມງ ໃຫ້ອາຫານຍ່ອຍກ່ອນຈຶ່ງເຂົ້ານອນຈະດີກ່ວາ.

     4. ອ່ານໜັງສືກ່ອນນອນ : ອ່ານໄດ້, ແຕ່ຄວນເປີດໄຟດອກໃຫຍ່ໃນຫ້ອງຫລາຍກ່ວາການໃຊ້ໂຄມໄຟຫົວຕຽງ. ໜັງສືທີ່ອ່ານ ຄວນເປັນເລື່ອງເບົາໆສະບາຍໆ ບໍ່ແມ່ນເລື່ອງຜີ ຫລື ປິດສະໜາຂ້າຕະກຳ ເພາະຈະເຮັດໃຫ້ເຄັ່ງຄຽດ, ໝົກໝຸ້ນ ສົ່ງຜົນໃຫ້ອາດນອນຝັນຮ້າຍ ນອນຫລັບບໍ່ແຈບດີ.

ພຶດຕິກຳຢ່າເຮັດກ່ອນນອນຫາກຢາກຕື່ນມາພ້ອມຄວາມສົດຊື່ນ - Wave100S AD to Website 2020 0 - ພຶດຕິກຳຢ່າເຮັດກ່ອນນອນຫາກຢາກຕື່ນມາພ້ອມຄວາມສົດຊື່ນ

     5. ຫລິ້ນໂທລະສັບມືຖື ຫລື ແທັບເລັດ : ລົບກວນການນອນບໍ່ໃຫ້ຫລັບແຈບ ແລະ ຍິ່ງເປີດໄຟ ຫລິ້ນຍິ່ງບໍ່ດີຕໍ່ສາຍຕາ. ຢຸດຫລິ້ນອຸປະກອນອີເລັກໂຕຣນິກເຫລົ່ານີ້ກ່ອນຈະເຂົ້ານອນ ປະມານ 30 ນາທີ ຫາ 1 ຊົ່ວໂມງຈະດີກ່ວາ ແລ້ວທ່ານຈະນອນຫລັບແຈບຂຶ້ນຈົນຮູ້ສຶກໄດ້.

     6. ເປີດແອເຢັນເກີນໄປ : ເປີດປະມານ 25 ອົງສາ ຖ້າເຢັນເກີນໄປ ເຮົາຈະນອນບໍ່ສະບາຍ ສິ່ງສຳຄັນແມ່ນຢ່າປ່ອຍໃຫ້ຕີນເຢັນໃຫ້ໃສ່ຖົງຕີນກ່ອນນອນຈະຍິ່ງດີ.

     7. ບ່ອນນອນບໍ່ສະອາດ : ຊັກປອກໝອນ, ຜ້າປູບ່ອນ ຢ່າງໜ້ອຍອາທິດລະ 1 ເທື່ອ, ສ່ວນຜ້າຫົ່ມແມ່ນຊັກເດືອນລະ 1 ເທື່ອ ເຊິ່ງກິ່ນຫອມອ່ອນໆຂອງນຳ້ຢາປັບຜ້ານຸ້ມກັບແສງແດດ ຈະຊ່ວຍໃຫ້ນອນສະບາຍຫລາຍຍິ່ງຂຶ້ນ. ເສື່ອນອນບໍ່ຄວນແຂງ ຫລື ອ່ອນຈົນເກີນໄປ ນອກຈາກຈະເຮັດໃຫ້ນອນບໍ່ສະບາຍໂຕແລ້ວຍັງເຮັດໃຫ້ປວດກ້າມຊີ້ນຕົນໂຕໄດ້.

     ພຽງແຕ່ທ່ານຫລີກເວັ້ນ 7 ພຶດຕິກຳເຫລົ່ານີ້ກ່ອນຈະເຂົ້ານອນໄດ້ ຄຸນນະພາບການນອນຫລັບຂອງທ່ານກໍຈະຄ່ອຍໆດີຂຶ້ນ ເມື່ອການນອນຫລັບມີປະສິດທິພາບ ກໍຍ່ອມສົ່ງຜົນດີຕໍ່ສຸຂະພາບໂດຍລວມ ກໍຄືສົ່ງຜົນດີຕໍ່ສະໝອງ ເຮັດໃຫ້ສະໝອງປອດໂປ່ງ, ໄດ້ນອນຫລັບຢ່າງເຕັມອີ່ມ ຕື່ນມາທ່ານກໍຈະສົດຊື່ນຫ້າວຫັນໄດ້ໝົດມື້ແນ່ນອນ.

ພຶດຕິກຳຢ່າເຮັດກ່ອນນອນຫາກຢາກຕື່ນມາພ້ອມຄວາມສົດຊື່ນ - WhatsApp Image 2020 05 27 at 5 - ພຶດຕິກຳຢ່າເຮັດກ່ອນນອນຫາກຢາກຕື່ນມາພ້ອມຄວາມສົດຊື່ນ
ພຶດຕິກຳຢ່າເຮັດກ່ອນນອນຫາກຢາກຕື່ນມາພ້ອມຄວາມສົດຊື່ນ - WhatsApp Image 2020 05 27 at 5 - ພຶດຕິກຳຢ່າເຮັດກ່ອນນອນຫາກຢາກຕື່ນມາພ້ອມຄວາມສົດຊື່ນ
error: Alert: ເນື້ອຫາຂ່າວມີລິຂະສິດ !!