ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ອັດລົງດ້ວຍຜົນສໍາເລັດຈົບງາມ

- Meeting - ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ອັດລົງດ້ວຍຜົນສໍາເລັດຈົບງາມ
- Untitled design - ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ອັດລົງດ້ວຍຜົນສໍາເລັດຈົບງາມ

- Meeting - ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ອັດລົງດ້ວຍຜົນສໍາເລັດຈົບງາມ   ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ໄດ້ອັດລົງດ້ວຍຜົນສໍາເລັດຈົບງາມໃນບ່າຍວັນທີ 18 ພຶດສະພານີ້, ພາຍຫລັງດໍາເນີນມາແຕ່ວັນທີ 25 ເມສາຜ່ານມາ, ພາຍໃຕ້ການເປັນປະທານຂອງທ່ານນາງ ປານີ ຢາທໍຕູ້ ປະທານສະພາແຫ່ງຊາດ, ໂດຍການໃຫ້ກຽດເຂົ້າຮ່ວມຂອງທ່ານປະທານປະເທດ ບຸນຍັງ ວໍລະຈິດ, ມີບັນດາການນໍາພັກ-ລັດ, ພ້ອມດ້ວຍສະມາຊິກສະພາແຫ່ງຊາດເຂົ້າຮ່ວມຢ່າງພ້ອມພຽງ.

ທ່ານປະທານສະພາແຫ່ງຊາດໄດ້ກ່າວສູນທອນພົດປິດກອງປະຊຸມວ່າ:  ກອງປະຊຸມຄັ້ງໄດ້ຮັບຟັງ, ຄົ້ນຄວ້າ ແລະ ພິຈາລະນາສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ 6 ເດືອນຜ່ານມາ ແລະ ວຽກງານຈຸດສຸມທ້າຍປີ 2017, ພິຈາລະນາຮັບຮອງເອົາບົດລາຍງານກ່ຽວກັບການຄຸ້ມຄອງລາຄາສິນຄ້າ ແລະ ມາດຕະການແກ້ໄຂຈໍານວນໜຶ່ງເພື່ອຫລຸດຜ່ອນຜົນກະທົບຕໍ່ການຜະລິດ ແລະ ຊີວິດການເປັນຢູ່ຂອງປະຊາຊົນ. ກອງປະຊຸມຍັງໄດ້ພິຈາລະນາຮັບຮອງເອົາບົດລາຍງານຂອງອົງການໄອຍະການປະຊາຊົນສູງສຸດກ່ຽວກັບການປະຕິບັດສິດສັ່ງຟ້ອງຄະດີອາຍາຂຶ້ນສານ ແລະ ການເຂົ້າຮ່ວມດໍາເນີນຄະດີແພ່ງຢູ່ທີ່ປະຊຸມສານ ແລະ ບົດລາຍງາຍຂອງສານປະຊາຊົນສູງສຸດກ່ຽວກັບການດໍາເນີນຄະດີຢູ່ສານຂັ້ນຕົ້ນ ແລະ ສານຂັ້ນອຸທອນໃນໄລຍະຜ່ານມາ. ກອງປະຊຸມຍັງໄດ້ພິຈາລະນາ ແລະ ເລືອກຕັ້ງເອົາທ່ານນາງ ວຽງທອງ ສີພັນດອນ ເປັນປະທານອົງການກວດສອບແຫ່ງລັດອີກສະໄໝໜຶ່ງ,  ພິຈາລະນາ ແລະ ຮັບຮອງເອົາການສະເໜີແຕ່ງຕັ້ງທ່ານ ອໍາໄພ ຈິດມານົນ ເປັນຮອງປະທານກໍາມາທິການກົດໝາຍ, ໄດ້ພິຈາລະນາ ແລະ ຮັບຮອງເອົາກົດໝາຍ 14 ສະບັບໃນຂົງເຂດເສດຖະກິດ, ປ້ອງກັນຊາດ-ປ້ອງກັນຄວາມສະງົບ, ການປົກຄອງ ແລະ ຍຸຕິທໍາ, ອົງການຈັດຕັ້ງມະຫາຊົນ ແລະ ການຕ່າງປະເທດ, ຊຶ່ງເປັນການເພີ່ມເຄື່ອງມືໃນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມໃຫ້ມີຄວາມສົມບູນ ແລະ ຄົບຖ້ວນຂຶ້ນກວ່າເກົ່າ.

- Wave100S AD to Website 2020 0 - ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ອັດລົງດ້ວຍຜົນສໍາເລັດຈົບງາມ
- WhatsApp Image 2020 05 27 at 5 - ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ອັດລົງດ້ວຍຜົນສໍາເລັດຈົບງາມ
- WhatsApp Image 2020 05 27 at 5 - ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ອັດລົງດ້ວຍຜົນສໍາເລັດຈົບງາມ
error: Alert: ເນື້ອຫາຂ່າວມີລິຂະສິດ !!