8 ຂໍ້ຄວນຮູ້ ຄິດໃຫ້ດີກ່ອນຈະມີລູກຈັກຄົນ

8 ຂໍ້ຄວນຮູ້ ຄິດໃຫ້ດີກ່ອນຈະມີລູກຈັກຄົນ - 031401 2019 - 8 ຂໍ້ຄວນຮູ້ ຄິດໃຫ້ດີກ່ອນຈະມີລູກຈັກຄົນ
8 ຂໍ້ຄວນຮູ້ ຄິດໃຫ້ດີກ່ອນຈະມີລູກຈັກຄົນ - Untitled design - 8 ຂໍ້ຄວນຮູ້ ຄິດໃຫ້ດີກ່ອນຈະມີລູກຈັກຄົນ

    1. ອາຍຸທີ່ເໝາະສົມ : ອາຍຸທີ່ເໝາະສົມທີ່ສຸດໃນການຖືພາແມ່ນ 21 – 30 ປີ ແລະ ບໍ່ຄວນເກີນ 35 ປີ ຫາກອາຍຸຫລາຍກ່ວານີ້ຕ້ອງໃຫ້ທ່ານໝໍເບິ່ງແຍງຢ່າງໃກ້ຊິດ ເພາະຈະມີໂອກາດເກີດພະຍາດແຊກຊ້ອນໃນຂະນະຖືພາໄດ້ງ່າຍ ແລະ ພໍ່ທີ່ມີອາຍຸຫລາຍກໍມີສ່ວນທີ່ຈະເຮັດໃຫ້ລູກມີຄວາມສ່ຽງເກີດມາມີສະຕິປັນຍາບໍ່ສົມບູນ (ປັນຍາອ່ອນ) ສູງເຖິງ 25%.

     2. ຄູ່ຊີວິດພ້ອມ ແລະ ແມ່ນແລ້ວຫລືຍັງ : ກ່ອນຈະມີລູກຕ້ອງມີການຕົກລົງກັນ ວ່າຈະສາມາດເຊື່ອໝັ້ນໃນກັນ ແລະ ກັນໄດ້ ວ່າ ຈິງໃຈຕໍ່ກັນຫລືບໍ່, ມີຄວາມຮັກ ແລະ ເຂົ້າໃຈໃຫ້ກັນຫລາຍປານໃດ, ພ້ອມເບິ່ງແຍງກັນໄປ ແລະ ມີຄວາມຮັບຜິດຊອບໃນໜ້າທີ່ດີຫລືບໍ່. ອີກຢ່າງໜຶ່ງທີ່ປະຕິເສດບໍ່ໄດ້ ນອກຈາກນິໄສໃຈຄໍກໍແມ່ນການເບິ່ງໄປເຖິງຖານະ ກໍເປັນສ່ວນໜຶ່ງທີ່ຄວນພິຈາລະນາ ຫາກຄິດຈະສ້າງຄອບຄົວກັນແທ້ໆ ຄວນມີໜ້າທີ່ວຽກງານ, ສະຖານະທາງລາຍຮັບທີ່ພຽງພໍກັບການດຳລົງຊີວິດນຳ ເພາະຈະມີໃນເລື່ອງຂອງຄ່າໃຊ້ຈ່າຍທັງການເກີດລູກ, ຄ່ານົມ, ຄ່າເຄື່ອງນຸ່ງ, ຄ່າແພດໝໍ ແລະ ອີກຫລາຍລາຍຈ່າຍ ຖ້າຄູ່ຊີວິດຂອງທ່ານ ແລະ ໂຕທ່ານເອງບໍ່ມີງົບປະມານທີ່ພຽງພໍກໍຈະເກີດບັນຫາໃຫ້ຮູ້ສຶກເຄັ່ງຄຽດຕາມມາ.

     3. ເວລາສ່ວນໂຕທີ່ຫາຍໄປຈະຜ່ານໄປໄດ້ບໍ່ : ຈາກທີ່ເຄີຍທ່ຽວຫລິ້ນ, ໄປໃສເຮັດຫຍັງກໍໄດ້, ໃຊ້ເງິນໄດ້ແບບບໍ່ຕ້ອງຄິດຫຍັງຫລາຍ ເມື່ອມີລູກໃນຊ່ວງທຳອິດ ເວລາສ່ວນໂຕທີ່ເຄີຍຮູ້ສຶກເປັນອິດສະຫລະຈະຫາຍໄປ ຫລື ອາດຈະເກືອບບໍ່ມີເວລາໄດ້ເຮັດຫຍັງຢ່າງອື່ນເລີຍ ນອກຈາກຕອນລູກຫລັບ ແລະ ແອນ້ອຍເກີດໃໝ່ກໍມັກຈະຮ້ອງໄຫ້ຂັດລັງຫລັບໆຕື່ນໆບໍ່ເປັນເວລາ ເຊິ່ງຈະເຮັດໃຫ້ທ່ານຕ້ອງອົດຫລັບອົດນອນໄປນຳ ແລະ ອາດຕ້ອງໃຊ້ເວລາຈັກໄລຍະຈົນກ່ວາຈະປັບໂຕໄດ້.

     4. ສຸຂະພາບສຳຄັນ ບໍ່ແຂງແຮງຢ່າມີດີກ່ວາ : ກ່ອນການຖືພາ ຄວນຮູ້ສຸຂະພາບໂຕເອງໃຫ້ດີກ່ອນວ່າແຂງແຮງ, ມີບັນຫາຫຍັງຫລືບໍ່ ເພາະຖ້າມີພະຍາດປະຈຳໂຕທີ່ເປັນຜົນກະທົບຕໍ່ລູກ ຫລື ໂຕທ່ານເອງ ຍິ່ງບໍ່ຄວນມີ ເພາະມີແຕ່ຈະສ້າງຜົນກະທົບ ແລະ ບັນຫາຕາມມາ ທາງທີ່ດີປຶກສາທ່ານໝໍກ່ອນຈະດີທີ່ສຸດ.

     5. ສະພາບແວດລ້ອມທີ່ເໝາະສົມ : ບ່ອນຢູ່ອາໄສຂອງທ່ານເໝາະສົມທີ່ຈະມີລູກແລ້ວຫລືຍັງ ເດັກນ້ອຍຄວນໄດ້ຢູ່ໃນສະພາບ ແວດລ້ອມທີ່ບໍ່ມີມົນລະພິດ ເຊັ່ນ : ຄັວນລົດ, ກິ່ນເໝັນຕ່າງໆ, ສານເຄມີຕ່າງໆ ເພາະສິ່ງເຫລົ່ານີ້ຫາກເດັກນ້ອຍສືບດົມຕະຫລອດມັນຈະເປັນອັນຕະລາຍໄດ້.

8 ຂໍ້ຄວນຮູ້ ຄິດໃຫ້ດີກ່ອນຈະມີລູກຈັກຄົນ - Wave100S AD to Website 2020 0 - 8 ຂໍ້ຄວນຮູ້ ຄິດໃຫ້ດີກ່ອນຈະມີລູກຈັກຄົນ

     6. ພາລະມີເພີ່ມຂຶ້ນແນ່ນອນ : ຈາກທີ່ເຄີຍມີແຕ່ຄ່າໃຊ້ຈ່າຍຂອງໂຕເອງ ເມື່ອມີລູກຕ້ອງມີງົບປະມານໃນພາກສ່ວນນີ້ເພີ່ມເຂົ້າມາຕື່ມ ບໍ່ວ່າຈະແມ່ນເລື່ອງອາຫານການກິນ, ການປິ່ນປົວຍາມເຈັບປ່ວຍ, ຄ່າໃຊ້ຈ່າຍການຮໍ່າຮຽນຕ່າງໆ, ການເຮັດຄວາມສະອາດຕ່າງໆ, ເຄື່ອງນຸ່ງຈະຫລາຍຂຶ້ນເປັນກອງໆ ລວມຂອງລູກຕື່ມໃສ່.

     7. ຄວນມີເງິນທ້ອນກ່ອນທີ່ຄິດຈະມີລູກ : ເພາະຈະຕ້ອງມີພາລະທີ່ເພີ່ມຂຶ້ນ, ຄ່າໃຊ້ຈ່າຍຕ່າງໆທີ່ຕາມມາ ແລະ ໂຕຜູ້ເປັນແມ່ເອງກໍຕ້ອງຢຸດເຮັດວຽກເພື່ອມາລ້ຽງລູກໃນຊ່ວງທຳອິດ ຫາກບໍ່ມີເງິນກ້ອນສຳຮອງໄວ້ ອາດເຮັດໃຫ້ຊີ ວິດການລ້ຽງລູກບໍ່ດີເທົ່າທີ່ຄວນ.

     8. ຂໍ້ມູນການລ້ຽງລູກຕ້ອງມີ: ສຶກສາຫາຂໍ້ມູນການກຽມພ້ອມສຳລັບການມີລູກໃຫ້ດີໄວ້ກ່ອນ ບໍ່ວ່າຈະແມ່ນເລື່ອງອາຫານການກິນ, ການອາບນຳ້ໃຫ້ລູກ, ພັດທະນາການທີ່ຕ້ອງສົ່ງເສີມໃຫ້ລູກ ເຊິ່ງສາມາດຫາໄດ້ຈາກການປຶກສາທ່ານໝໍ, ອ່ານໜັງສື ຫລື ຈາກຜູ້ທີ່ເຄີຍມີລູກມາແລ້ວ ເພາະເມື່ອເຖິງເວລານັ້ນແທ້ຈຶ່ງບໍ່ຫຍຸ້ງຍາກ.

8 ຂໍ້ຄວນຮູ້ ຄິດໃຫ້ດີກ່ອນຈະມີລູກຈັກຄົນ - WhatsApp Image 2020 05 27 at 5 - 8 ຂໍ້ຄວນຮູ້ ຄິດໃຫ້ດີກ່ອນຈະມີລູກຈັກຄົນ
8 ຂໍ້ຄວນຮູ້ ຄິດໃຫ້ດີກ່ອນຈະມີລູກຈັກຄົນ - WhatsApp Image 2020 05 27 at 5 - 8 ຂໍ້ຄວນຮູ້ ຄິດໃຫ້ດີກ່ອນຈະມີລູກຈັກຄົນ
error: Alert: ເນື້ອຫາຂ່າວມີລິຂະສິດ !!