ໄຂ້ຫວັດໃຫຍ່ລະບາດທົ່ວປະເທດຢູ່ຈີນ

     ສູນ​ໄຂ​້ຫວັດ​ໃຫຍ່​ແຫ່ງ​ຊາດ​ຈີນ ລາຍ​ງານ​ວ່າ: ປະຊາຊົນ​ຈຳນວນ​​ເພີ່ມ​ຂຶ້ນຕິດ​ເຊື້ອລະບົບ​ທາງ​ເດີນ​ຫາຍ​ໃຈ ທ່າມກາງ​ສະຖານະ​ການ​ໄຂ້ຫວັດ​ໃຫຍ່​ລະບາດ​ທົ່ວ​ປະ​ເທດ.

     ສູນ​ເຝົ້າລະວັງ​ໄຂ້ຫວັດ​ໃຫຍ່​ຈີນ ລາຍ​ງານ​ວ່າ: ການລະບາດ​ແຜ່​ກະຈາຍ​ໄປ​ຕາມ​ແຂວງ​ຕ່າງໆ ​ແລະ ມີ​ຜູ້​ປ່ວຍ​ລະບົບ​ທາງ​ເດີນ​ຫາຍ​ໃຈ​ເພີ່ມ​ຂຶ້ນ, ​ໂຮງໝໍ​ຫລາຍ​ແຫ່ງ​ຢູ່​ແຂວງ​ຝູຈ້ຽນ ທາງ​ພາກ​ຕາ​ເວັນ​ອອກ​ມີ​ຜູ້​ປ່ວຍ​ໄຂ້ຫວັດ​​ໃຫຍ່​ຈຳນວນ​ຫລາຍ​ມາ​ເຂົ້າຮັບ​ການ​ປິ່ນປົວ​ໃນ​ໄລຍະ​ຜ່ານ​ມາ ​ແລະ ສ່ວນ​ຫລາຍ​ເປັນ​ເດັກ. ຕາມ​ປົກກະຕິພະ​ແນ​ກ​ເດັກ ຢູ່​ໂຮງໝໍ​ແມ່ ​ແລະ ​ເດັກ ​ໃນ​ແຂວງ​ຝູຈ້ຽນ ມີ​ຄົນ​ໄຂ້​ປິ່ນປົວ​ມື້ລະ 1.000 ຄົນ, ​ແຕ່​ໃນ​ປີ​ນີ້​ເພີ່ມ​ຈຳນວນ​ເປັນ​ມື້ລະ 1.700 ຄົນ ສ່ວນ​ຫລາຍ​ມີ​ອາການ​ໄຂ້ ​ແລະ ​ເປັນຫວັດ, ​ເດັກນ້ອຍ​ມີ​ໂອກາດ​ຕິດ​ເຊື້ອ​ໃນ​ໄລຍະ​ໄຂ້ຫວັດ​ໃຫຍ່​ລະບາດ​ຫລາຍ​ທີ່​ສຸດ ​ເຊິ່ງມັກ​ມີ​ອາການ​ເຈັບ​ຫົວ, ​ເຈັບຄໍ, ປວດ​ເມື່ອຍ​ຕາມ​ຮ່າງກາຍ ​ແລະ ອາດ​ເຖິງ​ຂັ້ນປອດ​ອັກ​ເສບ​ໄດ້, ສ່ວນ​ແພດ​ໂຮງໝໍ​ແຂວງ​ຊານ​ຕົງ​ຕ້ອງ​ເຮັດ​ວຽກ​ຕະຫລອດ 20 ຊົ່ວ​ໂມງ ​ເພື່ອ​ປິ່ນປົວ​ຜູ້​ປ່ວຍ​ໄຂ້ຫວັດ​ໃຫຍ່​ທີ່​ເຂົ້າມາ​ເລື້ອຍໆ.