ວາງສີລາລຶກ ໂຄງການຮ່ວມມືຜະລິດພືດຜັກ ແລະ ໝາກໄມ້ສະອາດ ຢູ່ລາວ

ວາງສີລາລຶກ ໂຄງການຮ່ວມມືຜະລິດພືດຜັກ ແລະ ໝາກໄມ້ສະອາດ ຢູ່ລາວ - Untitled 2 copy 1 - ວາງສີລາລຶກ ໂຄງການຮ່ວມມືຜະລິດພືດຜັກ ແລະ ໝາກໄມ້ສະອາດ ຢູ່ລາວ
ວາງສີລາລຶກ ໂຄງການຮ່ວມມືຜະລິດພືດຜັກ ແລະ ໝາກໄມ້ສະອາດ ຢູ່ລາວ - Untitled design - ວາງສີລາລຶກ ໂຄງການຮ່ວມມືຜະລິດພືດຜັກ ແລະ ໝາກໄມ້ສະອາດ ຢູ່ລາວ

    ພິທີວາງສີລາລຶກ ໂຄງການຮ່ວມມືກ່ຽວກັບການຜະລິດພືດຜັກ ແລະ ໝາກໄມ້ສະອາດ ຢູ່ລາວ, ລະຫວ່າງ ກົມປູກຝັງ ແລະ ບໍລິສັດ ໄໝສຽງ ພັດທະນາກະສິກໍາ ແຂວງ ໂຮ່ງລົງຈຽງ ຈໍາກັດ, ໄດ້ມີຂຶ້ນໃນວັນທີ 11 ມັງກອນນີ້, ຢູ່ທີ່ສູນກະສິກໍາ ແລະ ປ່າໄມ້ ນະຄອນຫຼວງວຽງຈັນ, ໂດຍການເຂົ້າຮ່ວມຂອງທ່ານ ພວງປາຣິສັກ ປຣະວົງວຽງຄໍາ ຮອງລັດຖະມົນຕີກະຊວງກະສິກໍາ ແລະ ປ່າໄມ້ ແລະ ທ່ານ ນາງ ເອີເວ້ ປະທານບໍລິສັດ ໄໝສຽງ ພັດທະນາກະສິກໍາ ແຂວງ ໂຮ່ງລົງຈຽງ ຈໍາກັດ, ມີຂະແໜງການອ້ອມຂ້າງສູນກາງເຂົ້າຮ່ວມນໍາດ້ວຍ.

    ເພື່ອຈັດຕັ້ງຜັນຂະຫຍາຍແຜນຍຸດທະສາດດ້ານການພັດທະນາກະສິກໍາອິນຊີປີ 2025 ແລະ ວິໄສທັດຮອດປີ 2030 ໃຫ້ປະກົດຜົນເປັນຈິງ ແລະ ນະໂຍບາຍຂອງລັດຖະບານ ກ່ຽວກັບການຜະລິດກະສິກໍາ ຕາດທິດສະອາດ, ສີຂຽວ ແລະ ຍືຍຍົງ ແລະ ທັງເປັນການຍາດແຍ່ງການຊ່ວຍເຫຼືອຈາກບັນດາປະເທດເພື່ອນມິດຍຸດທະສາດ ພ້ອມແນໃສ່ຄຸ້ມຄອງການຜະລິດໄປຕາມທິດກະສິກໍາສະອາດ, ຄຸ້ມຄອງປັດໃຈການຜະລິດ (ຝຸ່ນ, ຢາ ແລະ ແນວພັນພືດ), ຄຸ້ມຄອງວຽກງານປ້ອງກັນພືດ ແລະ ເຮັດໃຫ້ການຜະລິດພືດທີ່ສະອາດ ສີຂຽວ ເປັນມິດຕໍ່ສິ່ງແວດລ້ອມສົ່ງເຂົ້າຕະຫຼາດ ສປ ຈີນໃຫ້ຫຼາຍຂຶ້ນ.

    ໂຄງການຮ່ວມມືດັ່ງກ່າວມີໄລຍະດໍາເນີນງານ 9 ປີ ດ້ວຍການລົງທຶນສະໜັລສະໜູນຈາກຝ່າຍຈີນ ໃນມູນຄ່າ 90 ລ້ານຢວນ. ເພື່ອຜະລິດພືດຜັກ ແລະ ໝາກໄມ້ສະອາດ ມາດຕະຖານສາກົນ ໃນເຮືອນຮົ່ມທີ່ທັນສະໄໝ ເພື່ອເປັນບ່ອນຜະລິດ, ຖ່າຍທອດ ແລະ ຍົກລະດັບຄວາມຮູ້, ຄວາມສາມາດຂອງພະນັກງານວິຊາການ, ເປັນບ່ອນຝຶກງານຂອງນັກຮຽນ-ນັກສຶກສາ, ເປັນບ່ອນສ້າງວຽກເຮັດງານທໍາໃຫ້ຊາວກະສິກອນໄດ້ເປັນຈໍານວນຫຼວງຫຼາຍ  ແລະ ເພື່ອຍົກລະດັບການຜະລິດກະສິກໍາສະອາດ ຈາກການຜະລິດເຮືອນຮົ່ມແບບທົ່ວໄປ ມາເປັນການຜະລິດເຮືອນຮົ່ມທີ່ສາມາດຄວບຄຸມດ້ວຍອຸນຫະພູມຕາມຄວາມຕ້ອງການຂອງພືດຜັກແຕ່ລະຊະນິດ, ໃຊ້ລະບົບນໍ້າບາດານໃຕ້ດິນ, ໃຊ້ແສງຕາເວັນ ຊ່ວຍເຮັດໃຫ້ການຜະລິດມີປະລິມານ ແລະ ມີຄຸນນະພາບດີຂຶ້ນ ສາມາດສະໜອງໄດ້ຕາມຄວາມຕ້ອງການຂອງທ້ອງຕະຫຼາດ ແລະ ຜູ້ບໍລິໂພກ ທັງພາຍໃນ ແລະ ຕ່າງປະເທດ. ໂຄງການນີ້, ຖ້າຫາກໄດ້ຮັບຜົນສໍາເລັດ ກໍຈະມີແຜນຂະຫຍາຍໄປໃນຂອບເຂດທົ່ວປະເທດ ໂດຍສະເພາະໃນບັນດາແຂວງຕາມແລວທາງເສັ້ນທາງລົດໄຟລາວ-ຈີນ ເພື່ອຄວາມສາມາດໃນການຈໍາໜ່າຍ ແລະ ສົ່ງອອກຕ່າງປະເທດໄດ້ໂດຍຕົງ.

ວາງສີລາລຶກ ໂຄງການຮ່ວມມືຜະລິດພືດຜັກ ແລະ ໝາກໄມ້ສະອາດ ຢູ່ລາວ - Wave100S AD to Website 2020 0 - ວາງສີລາລຶກ ໂຄງການຮ່ວມມືຜະລິດພືດຜັກ ແລະ ໝາກໄມ້ສະອາດ ຢູ່ລາວ
ວາງສີລາລຶກ ໂຄງການຮ່ວມມືຜະລິດພືດຜັກ ແລະ ໝາກໄມ້ສະອາດ ຢູ່ລາວ - WhatsApp Image 2020 05 27 at 5 - ວາງສີລາລຶກ ໂຄງການຮ່ວມມືຜະລິດພືດຜັກ ແລະ ໝາກໄມ້ສະອາດ ຢູ່ລາວ
ວາງສີລາລຶກ ໂຄງການຮ່ວມມືຜະລິດພືດຜັກ ແລະ ໝາກໄມ້ສະອາດ ຢູ່ລາວ - WhatsApp Image 2020 05 27 at 5 - ວາງສີລາລຶກ ໂຄງການຮ່ວມມືຜະລິດພືດຜັກ ແລະ ໝາກໄມ້ສະອາດ ຢູ່ລາວ
error: Alert: ເນື້ອຫາຂ່າວມີລິຂະສິດ !!