ແມ່ຍິງຖືພາບໍ່ຄວນກິນຜັກດິບເຫລົ່ານີ້

ແມ່ຍິງຖືພາບໍ່ຄວນກິນຜັກດິບເຫລົ່ານີ້ - advert banner 728 90 728x90 - ແມ່ຍິງຖືພາບໍ່ຄວນກິນຜັກດິບເຫລົ່ານີ້


     1. ຜັກກະລໍ່າ : ໃນຜັກຊະນິດນີ້ມີສານກອຍໂຕຣເຈັນ (Goitrogen) ເຊິ່ງເມື່ອບໍລິໂພກສະສົມໃນຮ່າງກາຍຫລາຍໆຈະໄປຂັດຂວາງການເຮັດວຽກຂອງຕ່ອມໄທຣອຍໃນການຈັບໄອໂອດີນ ສົ່ງຜົນໃຫ້ເກີດການສ້າງ Thyroscineເປັນບໍ່ເກີດຂອງພະຍາດຄໍໜຽງ ແລະ ຍັງເຮັດໃຫ້ຮ່າງກາຍນຳເອົາໄອໂອດີນໃນເລືອດໄປໃຊ້ໄດ້ໜ້ອຍ ເຊິ່ງສານກອຍໂຕຣເຈັນຈະຖືກທຳລາຍໄດ້ໂດຍການເຮັດໃຫ້ຜັກກະລໍ່າສຸກກ່ອນຈຶ່ງກິນ.

ແມ່ຍິງຖືພາບໍ່ຄວນກິນຜັກດິບເຫລົ່ານີ້ - new3 - ແມ່ຍິງຖືພາບໍ່ຄວນກິນຜັກດິບເຫລົ່ານີ້

     2. ຖົ່ວງອກ : ໃຜມັກກິນເຝີ, ເຂົ້າປຸ້ນ ເປັນຕົ້ນ ແລ້ວໃສ່ຖົ່ວງອກດິບ ບໍ່ຄ່ອຍດີກັບຮ່າງກາຍປານໃດ ເພາະໃນຖົ່ວງອກດິບຈະມີສານໄຟເຕດ ເຮັດໃຫ້ໄປຂັດຂວາງການດູດຊຶມທາດການຊຽມ, ທາດເຫລັກ, ສັງກະສີ ແລະ ແຮ່ທາດອື່ນໆອີກທີ່ຈຳເປັນສຳລັບຮ່າງກາຍ.

     3. ໝາກຖົ່ວຍາວ : ຜັກຊະນິດນີ້ເຮົາມັກກິນດິບເປັນຜັກກັບ ແລະ ຕຳໝາກຖົ່ວດິບກິນ ແຕ່ຮູ້ຫລືບໍ່ວ່າໃນໝາກຖົ່ວຍາວດິບຈະມີແກ໊ສອ່າວຫລາຍ ໂດຍສະເພາະແກ໊ສກາກບອນ, ມີເທນ ແລະ ຊັລເຟີໄດອັອກໄຊ ທີ່ເຮັດໃຫ້ຍື່ງທ້ອງໄດ້.

ແມ່ຍິງຖືພາບໍ່ຄວນກິນຜັກດິບເຫລົ່ານີ້ - lattana 1 - ແມ່ຍິງຖືພາບໍ່ຄວນກິນຜັກດິບເຫລົ່ານີ້

     4. ຜັກຫົມ : ມີໄຟເບີຫລາຍ ແຕ່ກໍບໍ່ຄວນກິນດິບ ເພາະໃນຜັກຫົມມີກົດອັອກຊາເລດ ເຊິ່ງຈະສົ່ງຜົນເຮັດໃຫ້ມີການໄລ່ແຮ່ທາດສັງກະສີ, ທາດການຊຽມອອກຈາກຮ່າງກາຍຫລາຍ ຈົນອາດເຮັດໃຫ້ເກີດອາການຂາດແຄນທາດການຊຽມ ແລະ ທາດສັງກະສີ. ນອກຈາກນີ້ ຍັງຈະໄປຂັດຂວາງການດູດຊຶມທາດເຫລັກໃນຮ່າງກາຍນຳອີກ.

     5. ໜໍ່ໄມ້ : ຈະກິນແຊບ ແລະ ໄດ້ຄຸນປະໂຫຍດຈະຕ້ອງເຮັດໃຫ້ສຸກເທົ່ານັ້ນ ເພາະໃນໜໍ່ໄມ້ດິບຈະມີສານໄຊຍາໄນຫລາຍ ມີຜົນຕໍ່ລະບົບປະສາດ ເຮັດໃຫ້ມຶນງົງສັບສົນ ຖ້າໄດ້ຮັບໃນປະລິມານຫລາຍໆຈະໄປຈັບກັບຮີໂມໂກລບິນ (ຮີໂມໂກລບິນແມ່ນສ່ວນໜຶ່ງຂອງລະບົບໄຫລວຽນເລືອດ ເຊິ່ງເປັນໂປຣຕິນສຳຄັນຈະຢູ່ໃນເມັດເລືອດແດງ ແລະ ຊ່ວຍນຳເອົາອົກຊີແຊນໄປລ້ຽງພາກສ່ວນຕ່າງໆຂອງຮ່າງກາຍ)  ເຊິ່ງເປັນສານທີ່ຮ່າງກາຍໃຊ້ໃນການສົ່ງອັອກຊິແຊນໄປຕາມຮ່າງກາຍຈະມີຜົນເຮັດໃຫ້ເກີດອາການຂາດອັອກຊິແຊນ, ໝົດສະຕິ ຫລື ເຖິງຂັ້ນເສຍຊີວິດ ຫາກບໍ່ໄດ້ຮັບການຊ່ວຍເຫລືອຢ່າງໄວວາ. ມີການສຶກສາພົບວ່າການເອົາໜໍ່ໄມ້ໄປຕົ້ມກ່ອນຈຶ່ງເອົາມາປຸງແຕ່ງເປັນອາຫານຈະຊ່ວຍຫລຸດປະລິມານສານໄຊຍາໄນລົງໄດ້ (ຖ້າຕົ້ມຟົດ 10 ນາທີ ສານໄຊຍາໄນຈະຫາຍໄປ 91% / ຖ້າຕົ້ມ 20 ນາທີ ສານໄຊຍາໄນ ຈະຫາຍໄປ 98% ແລະ ຖ້າຕົ້ມ 30 ນາທີ ສານໄຊຍາໄນ ຈະບໍ່ຫລົງເຫລືອເລີຍ).

error: Content is protected !!