ສະເປີ ສົນໃຈຄວ້າ ມັລຄອມ ຮ່ວມທັບ ຫລັງ ເຄນ ອາດພັກຍາວ

ສະເປີ ສົນໃຈຄວ້າ ມັລຄອມ ຮ່ວມທັບ ຫລັງ ເຄນ ອາດພັກຍາວ - advert banner 728 90 728x90 - ສະເປີ ສົນໃຈຄວ້າ ມັລຄອມ ຮ່ວມທັບ ຫລັງ ເຄນ ອາດພັກຍາວ

     ທ໊ອດ​ແນ່​ມ ຮ໊ອດສະ​ເປີ ສົນ​ໃຈ​ຄວ້າ ມັລຄອມ ປີກ ບາ​ເຊ​ໂລ​ນາ ຮ່ວມ​ທັບ​ໃນ​ໜ້າ​ໜາວ​ນີ້ ຫລັງ ສະ​ເປີ ອາດ​ຕ້ອງ​ເສຍ ​ແຮຣີ ​ເຄນ ຫົວ​ຫອກ​ຄົນ​ເກັ່ງຍາວ​ເກືອບ​ເດືອນ, ຂະນະ​ທີ່​ນັກ​ເຕະບຣາຊິ​ລບໍ່​ປິດ​ໂອກາດ​ຍ້າຍ​ທີ​ມ ຫລັງ​ໄຮ້​ຕຳ​ແໜ່​ງ​ໃນ​ຖິ່ນ​ຄຳ​ນູ.

      ທ໊ອດ​ແນ່​ມ ຮ໊ອດສະ​ເປີ ສະ​ໂມ​ສອນ​ແຫ່ງ​ພຣີ​ເມຍ​ລີກ ຕົກ​ເປັນ​ຂ່າວ​ວ່າ​ສົນ​ໃຈ​ຈະ​ຄວ້າ ມັນ​ຄອມ ປີກ​ຕົວ​ສຳຮອງ ບາ​ເຊ​ໂລ​ນາ ສະ​ໂມ​ສອນ​ຍັກ​ໃຫຍ່​ແຫ່ງ ລາ ລີ​ກາ ສະ​ເປ​ນ ມາ​ຮ່ວມ​ທັບ​ໃນ​ຊ່ວງ​ເປີດ​ຕະຫລາດ​ຊື້-ຂາຍ​ນັກ​ເຕະ​ໜ້າ​ໜາວ​ນີ້.

       ສື່​ອັງກິດ​ລະບຸ​ວ່າ: ສະ​ເປີ ກຳລັງ​ກຽມພ້ອມ​ສຳລັບ​ການ​ຈະ​ຕ້ອງ​ໄຮ້ ​ແຣຮີ ​ເຄນ ດາວ​ຍິງ​ຄົນ​ເກັ່ງ ຫລັງ​ຈາກ​ນັກ​ເຕະ​ໄດ້​ຮັບ​ບາດ​ເຈັບ​ໜັກ​ທີ່​ເອັນ​ຂໍ້​ຕີນ​ຈາກ​ເກ​ມລີກ​ນັດ​ຫລ້າ​ສຸດ​ທີ່​ເສຍ​ໃຫ້ ​ແມນ​ເຊັສ​ເຕີ ຢູ​ໄນ​ເຕັດ 0-1 ທີ່​ສະໜາມ​ເວ​ມບລີ ​ໃນ​ວັນ​ທີ 13 ມັງກອນ​ຜ່ານ​ມາ ​ເຊິ່ງຄາດ​ວ່າ​ລາວ​ຈະ​ຕ້ອງ​ພັກ​ຮັກສາ​ຢ່າງ​ໜ້ອຍ 1 ​ເດືອນ.

ສະເປີ ສົນໃຈຄວ້າ ມັລຄອມ ຮ່ວມທັບ ຫລັງ ເຄນ ອາດພັກຍາວ - lattana 1 - ສະເປີ ສົນໃຈຄວ້າ ມັລຄອມ ຮ່ວມທັບ ຫລັງ ເຄນ ອາດພັກຍາວ
ສະເປີ ສົນໃຈຄວ້າ ມັລຄອມ ຮ່ວມທັບ ຫລັງ ເຄນ ອາດພັກຍາວ - 1 1 - ສະເປີ ສົນໃຈຄວ້າ ມັລຄອມ ຮ່ວມທັບ ຫລັງ ເຄນ ອາດພັກຍາວ

      ສະ​ເປີ ສະ​ແດງ​ຄວາມ​ສົນ​ໃຈ ມັລຄອມ ມາ​ແຕ່​ກ່ອນ​ນັກ​ເຕະ​ຈະ​ຍ້າຍ​ຈາກ ບອກ​ໂດ ສະ​ໂມ​ສອນ​ແຫ່ງ​ລີກ​ເອິງ ​ໄປ​ຮ່ວມ​ທີ​ມ ບາ​ຊາ ​ໃນ​ຊ່ວງ​ຊຳ​ເມີ້​ຜ່ານ​ມາ ​ເຊິ່ງ​ເວລາ​ນັ້ນ ​ໂຣມ່າ ຍອດ​ທີ​ມ​ແຫ່ງ​ອີ​ຕາ​ລີ ກໍ​ຢາກ​ໄດ້​ດາວ​ເຕະບຣາຊິ​ລ​ເຊັ່ນ​ກັນ.

      ​ເຖິງ​ຢ່າງ​ໃດ​ກໍ​ຕາມ, ດາວ​ເຕະ​ໄວ 21 ປີ ບໍ່​ອາດ​ສ້າງ​ຜົນງານ​ໄດ້​ຢ່າງ​ທີ່​ຄາດ​ຫວັງ​ໃນ​ຖິ່ນ​ຄຳ​ນູ ​ແລະ ບໍ່​ສາມາດ​ຫາ​ຕຳ​ແໜ່​ງຕົວ​ຈິງ​ໄດ້​ໃນ​ທີ​ມຂອງ ​ເອຣ​ເນສ​ໂຕ້ ບັລ​ເບຣ​ເດ້ ​ເຮັດ​ໃຫ້​ຕອນ​ນີ້​ລາວ​ເປີດ​ກວ້າງ​ສຳລັບ​ການ​ຍ້າຍ​ໄປ​ຫລິ້ນ​ໃຫ້​ສະ​ໂມ​ສອນ​ອື່ນ ​ເພື່ອ​ກັບ​ມາ​ມີ​ອະນາຄົດ​ນັກ​​ເຕະ​ອີກ.

error: Content is protected !!