ລັດຖະບານຍີ່ປຸ່ນອະນຸມັດຮ່າງກົດໝາຍສະຫລະຣາຊະສົມບັດແລ້ວ

- advert banner 728 90 728x90 - ລັດຖະບານຍີ່ປຸ່ນອະນຸມັດຮ່າງກົດໝາຍສະຫລະຣາຊະສົມບັດແລ້ວ

- 1495162179447 960x0 - ລັດຖະບານຍີ່ປຸ່ນອະນຸມັດຮ່າງກົດໝາຍສະຫລະຣາຊະສົມບັດແລ້ວ

 

​ໂຕ​ກຽວ 19 ພຶດສະພາ: ລັດຖະບານ​ຍີ່ປຸ່ນ​ອະນຸມັດ​ຮ່າງ​ກົດໝາຍ​ເປີດ​ທາງ​ໃຫ້​ສົມ​ເດັດ​ພະ​ຈັກກະພັດ​ດິອາ​ກິ​ຮິ​ໂຕະ ສະຫລະ​ຣາຊະ​ສົມບັດ​ໃຫ້​ແກ່​ມຸງກຸດຣາຊະ​ກຸ​ມານ​ນາຣຸຣິ​ໂຕະ​ແລ້ວ​ໃນ​ວັນ​ທີ 19 ພຶດສະພາ ​ເຊິ່ງຈະ​ເປັນ​ການ​ສະຫລະຣາຊະ​ສົມບັດ​ຂອງ​ຍີ່ປຸ່ນ​ເທື່ອ​ທຳ​ອິດ​ໃນ​ຮອບ 200 ປີ.

 

- 1 1 - ລັດຖະບານຍີ່ປຸ່ນອະນຸມັດຮ່າງກົດໝາຍສະຫລະຣາຊະສົມບັດແລ້ວ
- Tiger Head 728x90 - ລັດຖະບານຍີ່ປຸ່ນອະນຸມັດຮ່າງກົດໝາຍສະຫລະຣາຊະສົມບັດແລ້ວ

​ເວັບ​ໄຊ​ໜັງສືພິມ​ເຈ​ແປນ​ທາມ​ລາຍ​ງານ​ອ້າງ​ແຫ​ລ່ງຂ່າວ​ວ່າ: ລັດຖະບານ​ກຳນົດ​ໄລຍະ​ເວລາ​ສະຫລະຣາຊະ​ສົມບັດ​ວ່າ​ອາດ​ຈະ​ເປັນ​ເດືອນ​ທັນວາ 2018 ​ເມື່ອ​ສົມ​ເດັດ​ພະ​ຈັກກະພັດ​ດິອາ​ກິ​ຮິ​ໂຕ​ມີ​ພະ​ຊົນ​ພັນ​ສາຄົບ 85 ພັນ​ສາ ​ແລະ ປ່ຽນ​ລັດຊະ​ສະ​ໄໝ​ເມື່ອ​ເຂົ້າສູ່​ປີ 2019. ກົດໝາຍ​ນີ້​ຮ່າງ​ຂຶ້ນສຳລັບ​ສົມ​ເດັດ​ພະ​ຈັກກະພັດ​ດິອາ​ກິ​ຮິ​ໂຕ​ເທົ່າ​ນັ້ນ ​ເພື່ອ​ປ້ອງ​ກັນ​ບໍ່​ໃຫ້​ສົມ​ເດັດ​ພະ​ຈັກກະພັດ​ອົງ​ອື່ນ​ສະຫລະຣາຊະ​ສົມບັດ​ ​ເນື່ອງ​ຈາກ​ການ​ເບິ່ງ​ແຍງ​ໃຫ້​ສືບ​ສັນຕິ​ວົງ​ເປັນ​ໄປ​​ແບບ​ລຽບ​ງ່າຍ ​ແລະ ຍັງ​ເປັນ​ເລື່ອງ​ທ້າ​ທາຍ​ໃນ​ໄລຍະ​ເວລາ​ທີ່​ສະມາຊິກຣາຊະ​ວົງ​ມີ​ຈຳນວນ​ຫລຸດ​ລົງ ​ໂດຍ​ສະ​ເພາະ​ເມື່ອ​ມີ​ຂ່າວ​ວ່າ​ເຈົ້າຍິງ​ມາ​ໂກະ ພະຣາຊະ​ນັດດາ​ພະ​ອົງ​ໂຕ ຈະ​ໝັ້ນສາມັນ​ຊົນ ​ແລະ ຕ້ອງ​ສະຫລະ​ອິສະ​ລິ​ຍະ​ຍົດ ​ເຊິ່ງຈະ​ເຮັດ​ໃຫ້​ເຫລືອ​ສະມາຊິກຣາຊະ​ວົງ​ພຽງ 18 ຄົນ ​ໃນ​ຈຳນວນ​ນີ້​ເປັນ​ຜູ້​ຊາຍ 4 ຄົນ. ຮ່າງ​ກົດໝາຍ​ສະຫລະຣາຊະ​ສົມບັດ​ຈະ​ນຳ​ເຂົ້າສູ່​ການ​ພິຈາລະນາ​ຂອງ​ສະພາ​ຜູ້​ແທນ​ລາຊະ​ດອນ​ ​ເຊິ່ງລັດຖະບານ​ຄາດ​ວ່າ​ຈະ​ສາມາດ​ບັງຄັບ​ໃຊ້​ກ່ອນ​ປິດສະ​ໄໝ​ປະຊຸມ​ສະພາ​ໃນ​ກາງ​ເດືອນ​ມິຖຸນາ.

 

ສົມ​ເດັດ​ພະ​ຈັກກະພັດ​ຍີ່ປຸ່ນ ທີ່​ສະຫລະຣາຊະ​ສົມບັດ​ເປັນ​ພະ​ອົງ​ສຸດ​ທ້າຍ​ໃນ​ປະຫວັດສາດ​ປະ​ເທດຄື ສົມ​ເດັດ​ພະ​ຈັກກະພັດ ​ໂຄ​ກະກຸ ​ໃນ​ປີ 1817 ຫລື ​ເມື່ອ 200 ປີ​ກ່ອນ. ກ່ອນ​ໜ້ານັ້ນ ການ​ສະຫລະຣາຊະ​ສົມບັດ​ຖື​ເປັນ​ເລື່ອງ​ປົກກະຕິ ​ເພາະ​ມີ​ສົມ​ເດັດ​ພະ​ຈັກກະພັດ​ຍີ່ປຸ່ນ​ສະຫລະຣາຊະ​ສົມບັດ​ປະມານ​ເຄິ່ງໜຶ່ງ​ຈາກ​ທັງ​ໝົດ 125 ພະ​ອົງ.

error: Content is protected !!