ເລື່ອນ​ຊັ້ນ​ໃຫ້​ນາຍ​ທະຫານ​ຂັ້ນສູງ​ທົ່ວ​ກອງທັບ

ເລື່ອນ​ຊັ້ນ​ໃຫ້​ນາຍ​ທະຫານ​ຂັ້ນສູງ​ທົ່ວ​ກອງທັບ - 50313542 2363430590398526 7519921302124101632 o - ເລື່ອນ​ຊັ້ນ​ໃຫ້​ນາຍ​ທະຫານ​ຂັ້ນສູງ​ທົ່ວ​ກອງທັບ
ເລື່ອນ​ຊັ້ນ​ໃຫ້​ນາຍ​ທະຫານ​ຂັ້ນສູງ​ທົ່ວ​ກອງທັບ - Untitled design - ເລື່ອນ​ຊັ້ນ​ໃຫ້​ນາຍ​ທະຫານ​ຂັ້ນສູງ​ທົ່ວ​ກອງທັບ

     ປະກາດ​ການ​ເລື່ອນ​ຊັ້ນ​ໃຫ້​ນາຍ​ທະຫານ​ຂັ້ນສູງ​ທົ່ວ​ກອງທັບຈາກ ພົນ​ຈັດຕະວາ ຂຶ້ນ ພົນ​ຕີ 4 ສະຫາຍ, ພັນ​ເອກ ຂຶ້ນ ພົນ​ຈັດ​ຕະວາ 12 ສະຫາຍ ​ແລະ ພັນ​ໂທ ຂຶ້ນ ພັນ​ເອກ 45 ສະຫາຍ ​ເຊິ່ງພິທີ​ດັ່ງກ່າວ​ໄດ້​ຈັດ​ຂຶ້ນ​ໃນ​ວັນ​ທີ 11 ມັງກອນ 2019 ຜ່ານ​ມາ​ນີ້ ທີ່​ສະ​ໂມ​ສອນ​ຫ້ອງ​ວ່າການ​ກະຊວງ​ປ້ອງ​ກັນ​ປະ​ເທດ ​ໂດຍ​ການ​ເຂົ້າຮ່ວມ​ຂອງ​ສະຫາຍ ພົນ​ເອກ ຈັນ​ສະໝອນ ຈັນຍາ​ລາດ ກຳມະການ​ກົມ​ການ​ເມືອງ​ສູນ​ກາງ​ພັກ, ລັດຖະມົນຕີ​ກະຊວງ​ປ້ອງ​ກັນ​ປະ​ເທດ, ມີ​ຄະນະ​ນຳ​ກະຊວງ​ປ້ອງ​ກັນ​ປະ​ເທດ, ຕາງໜ້າ​ຄະນະ​ຈັດຕັ້ງສູນ​ກາງ​ພັກ, ພະນັກງານ​ຫລັກ​ແຫ​ລ່ງ​ໃນ​ກະຊວງ​ເຂົ້າຮ່ວມ​ເປັນ​ຈຳນວນ​ຫລາຍ.

      ສະຫາຍ ພົນ​ຈັດຕະວາ ວົງ​ສອນ ອິນ​ປານ​ພິມ ຮອງ​ຫົວໜ້າ​ກົມ​ໃຫຍ່​ການ​ເມືອງ​ກອງທັບ ​ໄດ້​ຜ່ານ​ລັດຖະດຳລັດ​ຂອງ​ປະທານ​ປະ​ເທດ​ ວ່າ​ດ້ວຍ​ການ​ເລື່ອນ​ຊັ້ນນາຍ​ທະຫານ​ຈາກ​ພົນ​ຈັດຕະວາ​ຂຶ້ນພົນ​ຕີ ​ແລະ ຈາກ​ພັນ​ເອກ​ຂຶ້ນພົນ​ຈັດຕະວາ ​ແລະ ດຳລັດ​ຂອງ​ນາຍົກລັດຖະມົນຕີ ວ່າ​ດ້ວຍ​ການ​ເລື່ອນ​ຊັ້ນ​ໃຫ້​ນາຍ​ທະຫານ​ຈາກ​ພັນ​ໂທ​ຂຶ້ນພັນ​​ເອກ​ຕາມ​ຄວາມ​ຮຽກຮ້ອງ​ຕ້ອງການ​ຂອງ​ໜ້າ​ທີ່​ວຽກ​ງານ ​ແລະ ອີງ​ຕາມ​ກົດໝາຍ​ວ່າ​ດ້ວຍ​ນາຍ​ທະຫານ​ກອງທັບ​ປະຊາຊົນ​ລາວ, ​ໃນ​ນັ້ນ ​ໄດ້​ຮັບ​ການ​ເລື່ອນ​ຊັ້ນຂຶ້ນພົນ​ຕີ​ມີ​ພົນ​ຈັດຕະວາ ປະສິດ ທ່ຽງ​ທຳ ຮອງ​ຫົວໜ້າ​ກົມ​ໃຫຍ່​ເສນາ​ທິການ​ກອງທັບ, ພົນ​ຈັດຕະວາ ວັນ​ທອງ ກອງ​ມະນີ ຮອງ​ຫົວໜ້າ​ກົມ​ໃຫຍ່​ການ​ເມືອງ​ກອງທັບ, ພົນ​ຈັດຕະວາ ຄຳ​ຫລ້າ ພັນ​ໄຊ​ຍະ​ສຸກ ຫົວໜ້າ​ການ​ເມືອງ​ວິທະຍາຄານ​ປ້ອງ​ກັນຊາ​ດ ​ໄກສອນ ພົມວິຫານ ​ແລະ ພົນ​ຈັດຕະວາ ກິ​ລະ​ກອນ ບຸນ​ນະ​ຜົນ ຫົວໜ້າ​ກົມ​ໃຫຍ່​ເຕັກນິກ​ກອງທັບ, ​ໄດ້​ຮັບ​ການ​ເລື່ອນ​ຊັ້ນຂຶ້ນພົນ​ຈັດຕະວາ​ມີ ພັນ​ເອກ ​ແກ້ວ​ສຸວັນ ອິນ​ທະ​ວົງສາ ຫົວໜ້າ​ການ​ທະຫານ ວປກ, ພັນ​ເອກ ຄຳ​ໝັ້ນ ວັນນະ​ວົງ ຫົວໜ້າ​ການ​ເມືອງ​ກອງ​ບັນຊາ​ການ​ທະຫານ​ແຂວງ​ໄຊ​ຍະ​ບູລີ, ພັນ​ເອກ ຈະ​ເລີ​ນ ວົງ​ວິ​ໄຊ ຫົວໜ້າ​ການ​ເມືອງ​ກອງ​ບັນຊາ​ການ​ທະຫານ​ແຂວງ​ສະຫວັນ​ນະ​ເຂດ, ພັນ​ເອກ ​ແສງ​ຍືນ ລັດສະໝີ ຫົວໜ້າ​ການ​ເມືອງ​ກອງ​ພົນ​ທີ 1, ພັນ​ເອກ ບຸນ​ແຍງ ວິ​ໄລ​ສົມ ຫົວໜ້າ​ກົມ​ອຸປະ​ໂພ​ກ-ບໍລິ​ໂພ​ກ ກົມ​ໃຫຍ່​ພະລາທິການ​ກອງທັບ, ພັນ​ເອກ ຄຳ​ຄິດ ​ໄຊ​ສົງຄາມ ຫົວໜ້າ​ກົມ​ສື່ສານ ກົມ​ໃຫຍ່​ເສນາ​ທິການ​ກອງທັບ, ພັນ​ເອກ ອຸລະ​ຫາ ທອງ​ວັນ​ທາ ຫົວໜ້າ​ອຳນວຍ​ການ​ບໍລິສັດ​ສະຕາ​ໂທລະ​ຄົມ, ພັນ​ເອກ ບຸນ​ມາ ຈັນທະ​ວົງສາ ຫົວໜ້າ​ອຳນວຍ​ການ​ບໍລິສັດ​ລາວ​ເດີນ​ອາກາ​ດ, ພັນ​ເອກ ສາຍ​ໃຈ ກົມມະ​ສິດ ຫົວໜ້າ​ການ​ທະຫານ​ກອງ​ພົນ​ທີ 1, ພັນ​ເອກ ບຸນ​ທອນ ສິດ​ສຸ​ວົງ ຮອງ​ຫົວໜ້າ​ຫ້ອງ​ວ່າການ​ກະຊວງ​ປ້ອງ​ກັນ​ປະ​ເທດ, ພັນ​ເອກ ພູມີ ດາລາ​ເພັດ ຮອງ​ຫົວໜ້າ​ກົມ​ພະນັກງານ ກົມ​ໃຫຍ່​ການ​ເມືອງ​ກອງທັບ, ພັນ​ເອກ ບຸນ​ເດື່ອງ ພັນ​ສົດ​ໃສ ຮອງ​ຫົວໜ້າ​ຫ້ອງການ​ຄະນະ​ກຳ​ມະ​ການ ປກສ-ປກຊ ສູນ​ກາງ ​ແລະ ມີນາ​ຍທະຫານ​ໄດ້ຮັບ​ເລື່ອນ​ຊັ້ນພັນ​ເອກ​ຈາກ​ກຳລັງ​ຫລວງ ​ແລະ ກຳລັງ​ທ້ອງ​ຖິ່ນ​ທົ່ວ​ກອງທັບ ຈຳນວນ 45 ສະຫາຍ.

     ​ໂອກາດ​ນີ້, ສະຫາຍ ພົນ​ເອກ ຈັນ​ສະໝອນ ຈັນຍາ​ລາດ ກໍ​ໄດ້​ໃຫ້​ກຽດ​ໂອ້​ລົມ ​ແລະ ​ໃຫ້​ທິດ​ຊີ້​ນຳ​ຫລາຍ​ບັນຫາ​ສຳຄັນ​ຕໍ່​ນາຍ​ທະຫານ​ຊັ້ນສູງ​ທີ່​ໄດ້​ຮັບ​ການ​ເລື່ອນ​ຊັ້ນ​ໃໝ່​ໃນ​ຄັ້ງນີ້ ​ໂດຍ​ໄດ້​ເນັ້ນໜັກ​ໃຫ້​ນາຍ​ທະຫານ​ຂັ້ນສູງ​ແຕ່​ລະສະ​ຫາຍ​ສືບ​ຕໍ່​ເຝິກຝົນ​ຫລໍ່​ຫລອມ​ຕົນ​ເອງ​ໃນ​ຮອບດ້ານ, ພ້ອມ​ກັນ​ຍົກ​ສູງ​ຄວາມ​ຮັບຜິດຊອບ​ຕໍ່ໜ້າ​ທີ່​ການ​ເມືອງ​ຂອງ​ຕົນ​ໃຫ້​ສູງ​ກວ່າ​ເກົ່າ, ​ເປັນ​ຫລັກ​ແຫ​ລ່ງ​ໃນ​ການ​ເຕົ້າ​ໂຮມ​ຄວາມ​ສາມັກຄີ​ພາຍ​ໃນ​ໃຫ້​ແໜ້ນ​ແຟ້ນ, ປັບປຸງ​ແບບ​ແຜນ​ວິທີ​ເຮັດ​ວຽກ​ໃຫ້​ມີ​ວິທະຍາສາດ​ບົນ​ພື້ນຖານ​ປະຕິບັດ​ຕາມ​ຫລັກການ​ລວມສູນ​ປະຊາທິປະ​ໄຕ ​ເຮັດ​ວຽກ​ເປັນ​ໝູ່​ຄະນະ, ​ແບ່ງ​ໃຫ້​ບຸກຄົນ​ຮັບຜິດຊອບ, ພ້ອມ​ກັນ​ກໍ່ສ້າງ​ກອງທັບ​ກ້າວ​ຂຶ້ນ​ເປັນ​ກອງທັບ​ປະຕິວັດ​ມີ​ແບບ​ແຜນ ​ແລະ ທັນ​ສະ​ໄໝ, ​ໃນ​ໄລຍະ​ທີ່​ຈັດຕັ້ງສະ​ເຫລີ​ມສະຫລອງ​ວັນ​ສ້າງຕັ້ງກອງທັບ​ປະຊາຊົນ​ລາວ ຄົບຮອບ 70 ປີ ​ແຕ່​ລະ​ກົມ​ກອງ​ຕ້ອງ​ຮັບປະກັນ​ໃຫ້​ມີ​ຜົນສຳ​ເລັດ​ອັນ​ຈົບງາມ ຕ້ອງ​ຮັບປະກັນ​ຄວາມ​ສະຫງົບ​ປອດ​ໄພ 100% ​ເພື່ອ​ເຮັດ​ໃຫ້ການ​ສະ​ເຫລີ​ມສະຫລອງ​ວັນ​ສ້າງຕັ້ງກອງທັບ​ປະຊາຊົນ​ລາວ​ໃນ​ປີ​ນີ້ກາຍ​ເປັນ​ປາງ​ບຸນ​ໃຫຍ່​ສຳຄັນ​ທາງ​ປະຫວັດສາດ​ຂອງ​ຊາດ ກໍ​ຄື​ຂອງ​ກອງທັບ​ເຮົາ.

ເລື່ອນ​ຊັ້ນ​ໃຫ້​ນາຍ​ທະຫານ​ຂັ້ນສູງ​ທົ່ວ​ກອງທັບ - Wave100S AD to Website 2020 0 - ເລື່ອນ​ຊັ້ນ​ໃຫ້​ນາຍ​ທະຫານ​ຂັ້ນສູງ​ທົ່ວ​ກອງທັບ
ເລື່ອນ​ຊັ້ນ​ໃຫ້​ນາຍ​ທະຫານ​ຂັ້ນສູງ​ທົ່ວ​ກອງທັບ - WhatsApp Image 2020 05 27 at 5 - ເລື່ອນ​ຊັ້ນ​ໃຫ້​ນາຍ​ທະຫານ​ຂັ້ນສູງ​ທົ່ວ​ກອງທັບ
ເລື່ອນ​ຊັ້ນ​ໃຫ້​ນາຍ​ທະຫານ​ຂັ້ນສູງ​ທົ່ວ​ກອງທັບ - WhatsApp Image 2020 05 27 at 5 - ເລື່ອນ​ຊັ້ນ​ໃຫ້​ນາຍ​ທະຫານ​ຂັ້ນສູງ​ທົ່ວ​ກອງທັບ
error: Alert: ເນື້ອຫາຂ່າວມີລິຂະສິດ !!