ຍີ່ປຸ່ນໃຫ້ທຶນຊ່ວຍເຫຼືອ ປັບປຸງສູນພາສາຍີ່ປຸ່ນ ຂອງ ມສ ໜອງບອນ

ຍີ່ປຸ່ນໃຫ້ທຶນຊ່ວຍເຫຼືອ ປັບປຸງສູນພາສາຍີ່ປຸ່ນ ຂອງ ມສ ໜອງບອນ - Japan - ຍີ່ປຸ່ນໃຫ້ທຶນຊ່ວຍເຫຼືອ ປັບປຸງສູນພາສາຍີ່ປຸ່ນ ຂອງ ມສ ໜອງບອນ
ຍີ່ປຸ່ນໃຫ້ທຶນຊ່ວຍເຫຼືອ ປັບປຸງສູນພາສາຍີ່ປຸ່ນ ຂອງ ມສ ໜອງບອນ - Untitled design - ຍີ່ປຸ່ນໃຫ້ທຶນຊ່ວຍເຫຼືອ ປັບປຸງສູນພາສາຍີ່ປຸ່ນ ຂອງ ມສ ໜອງບອນ

    ລັດຖະບານຍີ່ປຸ່ນໄດ້ຕົກລົງໃຫ້ທຶນຊ່ວຍເຫຼືອ  89.195 ໂດລາສະຫະລັດ ໃຫ້ແກ່ ເພື່ອປັບປຸງສູນພາສາຍີ່ປຸ່ນ ຢູ່ໂຮງຮຽນມັດທະຍົມສຶກສາສົມບູນໜອງບອນ ນະຄອນຫຼວງວຽງຈັນ, ຊຶ່ງມອບ-ຮັບການຊ່ວຍເຫຼືອດັ່ງກ່າວ, ໄດ້ມີຂຶ້ນໃນວັນທີ 15 ມັງກອນນີ້, ລະຫວ່າງທ່ານ ທາເຄຊິ ຮິຄິຮາຣະ ເອກອັກຄະລາຊະທູດຍີ່ປຸ່ນ ປະຈໍາລາວ ແລະ ທ່ານ ນາງ ແສງພະຈັນ ພິມມະຈັກ ຜູ້ອໍານວຍການໂຮງຮຽນມັດທະຍົມສຶກສາສົມບູນດັ່ງກ່າວ ເພື່ອແນ່ໃສ່ປັບປຸງສະພາບແວດລ້ອມການສຶກສາ ໂດຍການຊ້ອມແປງອາຄານເກົ່າ ແລະ ຍົກລະດັບຫ້ອງຮຽນ, ຫ້ອງກິດຈະກໍາ ແລະ ຫ້ອງກຽມສອນພາສາຍີ່ປຸ່ນ ທີ່ມີອຸປະກອນການຮຽນ-ການສອນຢ່າງຄົບຊຸດມາແລ້ວ.

    ປັດຈຸບັນນີ້, ມີໂຮງຮຽນມັດທະຍົມ 3 ແຫ່ງໃນນະຄອນຫຼວງວຽງຈັນ ທີ່ໄດ້ນໍາເອົາຫຼັກສູດພາສາຍີ່ປຸ່ນເຂົ້າສອນຕັ້ງແຕ່ປີ 2011 ເປັນຕົ້ນມາ, ຕາມການຕົກລົງຂອງລັດຖະບານລາວ ເພື່ອນໍາເອົາພາສາຍີ່ປຸ່ນເຂົ້າໃນຫຼັກສູດການສຶກສາລະດັບສາມັນ. ໂຄງການດັ່ງກ່າວ ຈະເປັນການກະຕຸ້ນໃຫ້ມີຫ້ອງຮຽນພາສາຍີ່ປຸ່ນໃນໂຮງຮຽນແຫ່ງໃໝ່ຕື່ມອີກ.

ຍີ່ປຸ່ນໃຫ້ທຶນຊ່ວຍເຫຼືອ ປັບປຸງສູນພາສາຍີ່ປຸ່ນ ຂອງ ມສ ໜອງບອນ - Wave100S AD to Website 2020 0 - ຍີ່ປຸ່ນໃຫ້ທຶນຊ່ວຍເຫຼືອ ປັບປຸງສູນພາສາຍີ່ປຸ່ນ ຂອງ ມສ ໜອງບອນ

    ທ່ານ ເອກອັກຄະລາຊະທູດຍີ່ປຸ່ນ ປະຈໍາລາວ ກ່າວວ່າ: ຍີ່ປຸ່ນ ແລະ ລາວ ແມ່ນຄູ່ຮ່ວມມືທີ່ສໍາຄັນ. ມີຄວາມເຂົ້າໃຈກັນ ແລະ ມີການຮ່ວມມືຊ່ວຍເຫຼືອ ຊຶ່ງກັນ ແລະ ກັນຢ່າງມີຜົນດີມາໂດຍຕະຫຼອດ ແລະ ການຮຽນພາສາຂອງກັນ ແລະ ກັນ ແມ່ນຮູບແບບທີ່ດີເສີດ ເພື່ອເຮັດໃຫ້ການພົວພັນຮ່ວມມືລະຫວ່າງສອງປະເທດ ແລະ ປະຊາຊົນສອງຊາດນັບແໜ້ນແຟ້ນ ແລະ ແຕກດອກອອກຜົນຫງອກງານຍິ່ງຂຶ້ນ.

ຍີ່ປຸ່ນໃຫ້ທຶນຊ່ວຍເຫຼືອ ປັບປຸງສູນພາສາຍີ່ປຸ່ນ ຂອງ ມສ ໜອງບອນ - WhatsApp Image 2020 05 27 at 5 - ຍີ່ປຸ່ນໃຫ້ທຶນຊ່ວຍເຫຼືອ ປັບປຸງສູນພາສາຍີ່ປຸ່ນ ຂອງ ມສ ໜອງບອນ
ຍີ່ປຸ່ນໃຫ້ທຶນຊ່ວຍເຫຼືອ ປັບປຸງສູນພາສາຍີ່ປຸ່ນ ຂອງ ມສ ໜອງບອນ - WhatsApp Image 2020 05 27 at 5 - ຍີ່ປຸ່ນໃຫ້ທຶນຊ່ວຍເຫຼືອ ປັບປຸງສູນພາສາຍີ່ປຸ່ນ ຂອງ ມສ ໜອງບອນ
error: Alert: ເນື້ອຫາຂ່າວມີລິຂະສິດ !!